Dutoronomi 12:6 - Ạḍinya Iigbia

⁶ Ịsiphe phọ kụ esi phọ nyina kẹsighe ghan ẹki rịkia oguom ạnian phọ anyina, ẹsighe ghan ẹki rịkia phọ anyina rꞌamuniin abin esi aḍioph phọ abin phọ, ẹkia oḅio-giph phọ anyina, rꞌịḅel ạnmuny dị ạsinam mọ anyina rꞌịga phọ anyina ẹmar.

Dutoronomi 12:6 Iomraidhean Croise

2 Krọnikuls 31:14

AKore ọony Imna, ọnyo aLivait dị aḍighi ogbogh okoriom Ọnhu-Aḍibuo ạga emitenom erumuḍio phọ sịphe Otu Ịiḅereghi phọ, kụ ạanyi ghan ạḅile adiighi ruunmo phọ ọngo bọ Ọmoogh-we phọ.

2 Krọnikuls 7:12

Ọmoogh-we phọ amite ni egaan esi ọdi ḍughul, kụ ạḅeni Sọlomon mọ, “Mị mạnaghan ịiḅereghi ạna, kụ mị ạsighe Otu Ịiḅereghi phọ ọphon mọ esi oḍighi ghan ạrikia ọngo ạmi.

Ẹzra 3:2

Kụ aJosua ọony ạJehozadak, rꞌạbueri phọ ariil ạrikia, rꞌạZerubabel ọony ạSialtiel, ọḅaram rꞌasiya ọdi, ọḅile ọkan enmeny Ẹnaan phọ Ịzirel, ọbo bịdi oguom nịan rịkia ạnyu ịsiphe phọ ọdaphan ịtooghi phọ ọge bọ sịphe ologhi Ologh phọ aMozis, oye kꞌẸnaan phọ.

Nehemaya 10:36

Tọrobo ọony olephiri lọ ụmaranaan iyoor, yoor kọsighe ghan ni ọki sịphe Otu Ịiḅereghi phọ, esi ịdipho Ologh phọ ạwa bọ kụ ọḅogh ọlogh ḍịghaagh Ẹnaan. Yoor kọḅogh kẹn ni ọlogh ḍịghaagh Ẹnaan tọrobo aḍilephiri ạnam, oyool-ọga mụghumo ạtu-ọga lọ ọmar kꞌayoor.

Nehemaya 10:39

Awe Ịzirel rꞌạbuo aLivai kụ kọbonyi ghan iisogh ịbiakpa rꞌamiim rꞌạmunum-ọliv ọsighe ọki otu-ooko aruphua phọ, sịphe oseere bọ rạraar arukumuan Otu phọ rꞌịsiphe ariil ạrikia lọ odi oḍighi rꞌạbulo rokori Otu phọ rꞌạbuo ạsuor ọmoogh bọ marugh ạbidi. Yoor kókinom otu Ẹnaan phọ ayoor.

Ạsuor 116:17

Mị kạpighiron ẹkia ạḍiseph ạngo nyịna, kụ ạaḅereghi.

Izikiel 20:40

Sịphe ade phọ, ạnyu ẹeḅaraph iigbia phọ ạmi, eephopha ẹeḅaraph phọ Ịzirel, oomo anyina awe phọ Ịzirel kiiseeny ghan ịmi. Nyina kẹḅaal li ologhi ạmi ḅịle mị kagon ni lọ nyina kiruom ịmi rịkia phọ anyina, ọkaraghi igey inmo phọ anyina, rꞌinmo iigbia phọ anyina.

Lịvitikos 1:3

Eru mạar dị ịyaar aghuḍum mọ ọdi ratu bọ oḍighi phọ eru ịyaar aghuḍum oguom ạnian, pọ ọdi ạsighe ghan olephiri ạnam dị loor kẹ̋epuan kụ ạpham arumom sịphe ọnhu-aḍibuo Ogbogo Ạdol Ọmoogh-we phọ. Ịdipho kụ ịdi kẹḅeeraan Ọmoogh-we phọ.

Malakai 3:10

Ẹkpe ni dị nyina kẹsighe iruom ịmi ịḅel esi aḍioph ikpoki anyina eru ẹlogh sịphe Otu Ịiḅereghi phọ pịdi eḍien emuza sịphe phọ. Kụ ẹrol nụun ẹmiin mụghumo mị kakunyon rughuugh kꞌạke phọ kụ iikuanaan inyina amuzeḍi oomo igey ạraraar phọ.

Malakai 3:8

Mị ripuru inyina, ẹkpe ni ḍụghum dị oye kaagbegheḍiom Ẹnaan? Ị́nighe dị ị́nighe, kụ ẹri nyina riigbegheḍiom ni ịmi. Nyina epuru mọ, ‘Ika kụ ẹdi yoor roogbegheḍiom bọ nyịna?’ Nyina ịmi ị́ngo ịikpia oghueniom ạmi: ịḅel esi aḍioph iimuma rꞌikpoki anyina.

Elegh aLuk 11:42

“Pọ eeghe ọdo ịminimiin dị kịrolonaan inyina aFarisi phọ! Nyina redi ghan ghạlamo rꞌịikiripha amooboph ḍioph abin kẹsighe muniin ẹngo Ẹnaan, kụ meghel asiph rꞌakeel rꞌẹphomoghian phọ Ẹnaan. Iḍighi ghan ịphen phọ kụ egbi ghan ọḅaram ịpheri phọ.

Elegh aLuk 18:12

Mị ạtuan ghan ni ịiḅereghi rạtol ọkoony ịyal amem wiki. Mị radi ghan ni oomo ạraraar phọ mị ạmoogh bọ kạsighe ghan muniin ạngo nyịna.’

Dutoronomi 12:17

Ị́tol ghan sịphe kꞌanyina kụ ele muniin abin esi aḍioph abin phọ anyina: mꞌịbiakpa, mꞌamiim, mꞌạmunum, mꞌịḅel ạnmuny ạsinam rꞌiyool-ịga phọ anyina, mꞌạtorobo ạraraar phọ ịpe nyina eguanaan bọ Ẹnaan, mꞌẹkia ophooph ologhi, mꞌẹkia oḅio-giph.

Dutoronomi 26:2

ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Josua 22:27

Eḍighi ịyaar dị kẹgba ghan emitiom ịlo anyina rꞌayoor, rꞌoghiil phọ ayira ọpo ratu bọ, mọ yoor uḍighi ghan ni oḍighi phọ Ọmoogh-we phọ sịphe Ogbogo ọphinyon aani ghan ni rịkia oguom ạnian rꞌịngooghineen rꞌạrikia ẹboroph phọ ayoor, ọbo ạnmuny anyina kẹ́ḅeniom ghan bọ nmụny ayoor, ḍio-pọ, mọ yoor ụ́moogh bin esi Ọmoogh-we phọ.

1 Sạmuel 1:21

Amem mọ ẹḅile bọ ẹteeny dị Elkana rꞌeghunotu phọ ọdi kọki ẹpe Sailo ọpighiron ẹkia ẹlo ạlha phọ rꞌọngo ẹkia phọ ẹpe ọdi aguanaan bọ.

1 Sạmuel 1:24

Ạnir phọ roghine mạmaam mọony phọ, kụ ọdi ạsighe mọony phọ ạghi Sailo, ạphamam ḍilephiri ạnam dị ẹman ịraar ạsia, rꞌaḍioph igbogh ịtoom ẹemor ịbiakpa dị ọgbe, rꞌokuru dị omuzeḍi miim. Kụ ạnir phọ ạsighe Sạmuel, ịduon phọ aghom bọ ni, ạsighe ạghi otu Ọmoogh-we phọ ẹpe Sailo.