Dutoronomi 12:5 - Ạḍinya Iigbia

⁵ Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 12:5 Iomraidhean Croise

1 Ạbudaam 12:27

Eru mạar dị awe phọ ạbuen ọghi Jeruselem oḍighi ịyaar aghuḍum sịphe Otu Ịiḅereghi phọ, pọ iloghi awe phọ ạbuen kenmia ni ekiton eḅula esi oye phọ ọpo ạmoogh bọ bịdi. Bịdi kughiigh ịmi kụ ọḅile oḅula esi aRehoboam ọdaam mọ aJuda.”

1 Ạbudaam 14:21

ARehoboam ọony phọ ạSolomon ạman inyadi rꞌoniin ạsia kụ amiigh bọ ọda aJuda. Ọdi ạda bọ ḍioph rꞌoḍual ạsia ẹpe Jeruselem, ẹmha phọ nyẹpe Ọmoogh-we phọ ạsaḅar bọ mọ oomo arughunughun phọ Ịzirel ọsighe ḍien phọ ọno oseere sịphe. Ḍien onhiin phọ ọdi ughol mọ aNaama ọlo ẹemara Amon.

1 Ạbudaam 8:16

‘Kꞌaḍio phọ mị ạsighe bọ we phọ ạmi ạḍuanam ẹpe Ijipt, mị ụ́saḅar ẹmha sịphe oomo iipolo phọ Ịzirel dị mị kạlogh otu dị aḍien ạmi kẹtol sịphe; mị ụsaḅar Devid mọ ọdi aphogh ghan we phọ ạmi Ịzirel.’”

1 Ạbudaam 8:20

“Kụ Ọmoogh-we phọ maḍighi ịpe ọdi ạghaaph bọ, kụ mị mamite ạsighe esi aDevid ọde phọ ạmi, ạtolom ạgada ạda Ịzirel, ịdipho Ọmoogh-we phọ aguanaan bọ, kụ mị mạlhoghonaan Otu Ịiḅereghi phọ ḍien Ọmoogh-we Ẹnaan phọ Ịzirel.

1 Ạbudaam 8:27

“Kụ keḍighi ni ịdi Ẹnaan katugh sịen aḅirini phọ ḍụghum? Ạke phọ rꞌokuaḍio phọ nyịna káḍigh. Kụ ọphon phọ, Otu phọ ọphon mịna ạlogh bọ kụ ạmanam ghan eeghe ịyaar?

1 Ạbudaam 8:29

ạḅarion riḍien phọ ạna asomoriom Otu phọ ọphon ḍughul rꞌootaany, asomoriom esi phọ ịsien nạ ạḅem bọ mọ aḍien phọ ạna kẹtol sịphe phọ, ạnaghanan ịiḅereghi phọ ịpe otelhedom mọ ạna rạaḅereghi bọ, ịlo esi phọ ịsien phọ.

2 Ạbudaam 18:22

Kụ oye ọlo Asiria phọ ạḅemom mọ, “Eru mạar dị nạ ụḅeni ịmi mọ nạ aḍuom ologhi Ọmoogh-we Ẹnaan phọ anyina, ọpo phọ kụ kọ́di ạHezekaya ạphueghi yogh bọ renmeny ạrikia phọ ịpe rọtol ghan bọ kọpinyon rịkia phọ, mem mọ ọdi ạḅeni bọ weye phọ aJuda rꞌaJeruselem mọ sịphe enmeny phọ aJeruselem bịn kụ ẹdi awe kọoḅereghi?

1 Krọnikuls 22:1

Kụ aDevid ạḅem mọ, “Ịsien kụ ẹdi Otu Ịiḅereghi Ọmoogh-we Ẹnaan phọ kạtol. Pọrono sịen enmeny dị awe phọ Ịzirel kọpinyon ghan rịkia oguom ạnian.”

2 Krọnikuls 7:12

Ọmoogh-we phọ amite ni egaan esi ọdi ḍughul, kụ ạḅeni Sọlomon mọ, “Mị mạnaghan ịiḅereghi ạna, kụ mị ạsighe Otu Ịiḅereghi phọ ọphon mọ esi oḍighi ghan ạrikia ọngo ạmi.

Ẹzra 3:2

Kụ aJosua ọony ạJehozadak, rꞌạbueri phọ ariil ạrikia, rꞌạZerubabel ọony ạSialtiel, ọḅaram rꞌasiya ọdi, ọḅile ọkan enmeny Ẹnaan phọ Ịzirel, ọbo bịdi oguom nịan rịkia ạnyu ịsiphe phọ ọdaphan ịtooghi phọ ọge bọ sịphe ologhi Ologh phọ aMozis, oye kꞌẸnaan phọ.

Ẹzra 6:12

Ẹnaan phọ ẹsaḅar bọ Jeruselem eseere mọ eḍighi esi dị kooseeny ghan nyịno, ekiton elher bụdaam mọ rꞌareelhe lọ ọopu ologh phọ ọphon, kụ ọkparagha ịlo ophiemi Otu Ịiḅereghi phọ ẹpe phọ! Mị ạDarios kụ mạngo ịto phọ ịphen. Oomo phọ ịdi kooko ni ọmadan.”

Ẹzra 7:17

“Nạ kamiigha loor kụ aliom ikpoki phọ ịphen kụ akoom ilephiri ạsinam, idughuna, nmụny iyool-ịga, ịbiakpa rꞌamiim kụ ẹphinyonom rịkia ạnyu enmeny sịphe Otu Ịiḅereghi phọ ẹpe Jeruselem.

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Ạsuor 78:68

Ọdi ạḅile ghụn ạsaḅar eghun aJuda rꞌEegum ạZayon, ẹpe ọdi ạphomoghian bọ iboom.

Ẹḍua 15:2

Ọmoogh-we phọ kụ ịnyaam ạmi rꞌạḍuor ạmi; Ọdi kụ ọpelia ạmi. Ọdi kụ Ẹnaan ạmi. Mị kaboom ghan ni nyọdi. Ọdi kụ Ẹnaan ọde ạmi, mị kabagaam ni nyọdi.

Ẹḍua 20:24

Ịkananaan ịmi enmeny ọogha kụ ạnyu ịsiphe phọ ẹze iyool-ịga, rụtu-ịga anyina, rꞌạsinam anyina, ẹphighironom ghan ẹkia ạnian rꞌẹkia ẹboroph. Tọrobo esi lọ mị amitiom aseere mọ iiseeny ghan ịmi, mị katu ni ịngo inyina ḍịseph.

Ẹḍua 25:22

Mị kạteeny nyịna sịphe, ḅịle sịphe ạnyu eekpereghi phọ igbo ịyal ạruukpaany aghuḍuul phọ ẹmoogh bọ raphaaph phọ kụ ẹdi mị kạngo nyịna iilogh phọ awe phọ Ịzirel kọtolom bọ.

Jerimaya 26:2

bịn Ọmoogh-we phọ ụḅeni ịmi mọ, “Mẹera sịphe ogiga Otu Ịiḅereghi phọ kụ agbeelom oomo ịpe mị ạto bọ ạḅeni nyịna mọ ḅẹni weye phọ ạbuphe ọḍua bọ rạmha phọ aJuda kụ oru ọoḅereghi ịsien phọ. Kámuton rꞌeniin ịyaar.

Jerimaya 7:12

Ịki ẹpe Sailo, ẹḅel esi phọ mị ạsaḅar bọ mọ ọrol ghan ụuḅereghi ịmi, ẹmiin ịpe mị aḍighi bọ esi phọ loor esi ịkaraph awe phọ ạmi Ịzirel.

Jerimaya 7:14

Loor esi ịduon phọ, ịpe mị aḍighi bọ Sailo kụ ịdi mị kaḍighi Otu Ịiḅereghi phọ ạmi ọphon nyina ẹkpasi bọ emooph phọ anyina. Sịen phọ mị ạngo bọ bụrude ạburude phọ anyina ḅịle kẹn rꞌanyina, mị kaḍighi ni iniin ịpe mị aḍighi bọ Sailo.

Lịvitikos 17:4

dị ụ́sighe útu sịphe ọnhu-aḍibuo Ogbogo Ạdol Ọmoogh-we phọ oḍighinom ịyaar aghuḍum ọngo Ọmoogh-we phọ, pọ kọsighe ni apum ozu ịḅaal ọḅam ẹmhu oye phọ ọpo, pọ awe phọ ọdi oroph nyọdi ogbeph omutonaan nyọdi.

Igbiighi 7:89

Mem dị aMozis ạghi aḍigh sịphe Ogbogo phọ ọghaaphan rꞌỌmoogh-we phọ, ọdi ạnaghan ẹḍogh dị ẹḅeni ghan nyọdi, dị ẹḍua sịphe ịbaay ịyal ạruukpaany aghuḍuul phọ edi bọ sịphe ạnyu ekpereghi Igbe Ịyo phọ.

Dutoronomi 12:11

Eniin esi edi ni dị Ọmoogh-we phọ Ẹnaan phọ anyina kạsaḅar kụ nyina eḍighi ịdi aḍien phọ ọdi ketugh sịphe phọ, kụ nyina kẹsighe ghan oomo ạraraar phọ ịpe mị ạlogh bọ ologh ịngo inyina ẹkimom ẹpe phọ: rịkia oguom ạnian phọ anyina, oomo ạrikia phọ anyina, muniin abin esi aḍioph abin phọ, ẹkia oḅio-giph phọ anyina, rꞌoomo ịpe nyina eguanaan bọ Ọmoogh-we phọ.

Dutoronomi 12:13

Igona siloor, ị́pighironaan ghan ẹkia oguom ạnian phọ anyina tọrobo esi,

Dutoronomi 12:18

Ịtol ghan egbodo Ọmoogh-we Ẹnaan phọ anyina kụ ele, esi phọ ẹpe Ọmoogh-we Ẹnaan phọ anyina azua bọ, nyina rꞌạnmuny anyina rꞌạnmanyaan anyina, ạnmuny-otu anyina rꞌạnmanyaan-otu anyina, rꞌạbuo aLivait phọ; kụ ẹmoogh iboh, ebo ghan sịphe egbodo Ọmoogh-we Ẹnaan phọ anyina, oomo ịpe nyina ẹsighe bọ rạghaagh anyina kụ eḍighinom.

Dutoronomi 12:4

“Íḍighinaan ghan Ọmoogh-we Ẹnaan phọ anyina ịphen phọ.

Dutoronomi 14:23

Kụ ẹrol sịphe egbodo Ọmoogh-we Ẹnaan phọ anyina kụ elhe, esi phọ ẹpe ọdi ạsaḅar bọ aseere ḍien phọ ọdi, muniin abin sịphe aḍioph phọ, mụo ịbiakpa, mụo avain, mụo ạmunum, rꞌabin ịḅel ạnmuny lọ ạsinam mọ anyina ẹmar, ịḅel ạnmuny phọ ịpe iyool-ịga phọ anyina ẹmar bọ. Ịtuugha oghueni ghan Ọmoogh-we Ẹnaan phọ anyina oomo amem.

Dutoronomi 14:24

Kụ eru mạar dị eten phọ ẹdoony ẹphughan dị nyina kétue etool dool etelhiom; eru mạar dị ekpisi phọ ẹkelan rꞌesi ẹpe Ọmoogh-we Ẹnaan phọ anyina ạsaḅar bọ aseere ḍien phọ ọdi; mem dị Ọmoogh-we Ẹnaan phọ anyina mịseph inyina,

Dutoronomi 15:20

Nạ rꞌọto ạna kẹtol ghan egbodo Ọmoogh-we Ẹnaan phọ anyina kụ ele ghan ạlha etum lhạ, sịphe Ọmoogh-we Ẹnaan phọ anyina ạsaḅar bọ.

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 16:15

Oḍual aḍughul-otu kụ ịdi nyina kelianaan Ọmoogh-we Ẹnaan phọ anyina ẹyaal arughuenian, sịphe esi phọ Ọmoogh-we phọ kạsaḅar bọ. Ịdi eḍighi bọ Ọmoogh-we Ẹnaan phọ anyina kịseph ni inyina rꞌoomo iḅeph phọ anyina rꞌoomo iiḍighi ạraghaagh phọ anyina kụ eḍighi ịdi nyina kẹmoogh iboh rꞌọḅaal ologhi.

Dutoronomi 16:2

Ịki pạ phọ Ọmoogh-we phọ ạsaḅar bọ aseenaan ḍien phọ ọdi, ẹsighe oyool-ọga mꞌạnam, ẹphighironaan ghan ẹkia ẹyaal ọphel otene phọ ẹngo Ọmoogh-we Ẹnaan phọ anyina.

Dutoronomi 16:6

Esi phọ ịsiphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi, ịpa kụ esi phọ nyina kẹpighironaan ghan bọ rịkia ẹyaal ọphel otene phọ anyina dulhe. Mem dị ẹnam-aḍio remeel ighool, pọ kụ amem mọ nyina ẹḍua bọ ẹpe ade phọ Ijipt.

Dutoronomi 16:7

Ịtol ghan sịphe esi phọ ẹpe Ọmoogh-we Ẹnaan phọ anyina ezua bọ kụ ẹphophoghi ghan kụ elhe, kụ rẹḅaal bịn egheel ẹpe arugbogo phọ anyina.

Dutoronomi 17:8

“Eru mạar dị aḍighiton lọ ịkparanaan inyina osoph ọoruen emite: ḍighiton enu, mꞌaḍighiton ịikonoghian, mꞌaḍighiton elebiri, tọrobo ọdo asighiton phọ ịphen kụ emite sịphe ạramha phọ anyina, pọ iḅetenuom ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ,

Dutoronomi 18:6

“Eru mạar dị ọlo kꞌaLivai ọlo eniin ẹmha sịphe Ịzirel ạḍua ekpisi phọ dị arugh bọ kụ aru ạteeny esi phọ ẹpe Ọmoogh-we phọ ạsaḅar bọ,

Dutoronomi 26:2

ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Bụo ạKolosi 2:9

AKraist aateneghian amite ịdipho oye kụ aru bọ sịen aḅirini phọ. Esi ọdi kụ ẹdi oomo ạroozo phọ Ẹnaan emunughan mọ ọmiin.

Bụo aHibru 12:22

Momeeraam ghụn ni nyina etu ẹphen Eegum ạZayon, ẹmha Ẹnaan phọ edi ghan bọ aJeruselem kꞌạke phọ, rꞌạsimuunir ạruukpaany phọ Ẹnaan.

Josua 18:1

Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.

Josua 22:11

Kụ awe phọ Ịzirel ọnaghan kụ ọḅem mọ, “Ipogh. Eghun aRuben, eghun ạGad rꞌọphori phọ opol eghun ạManase mọkan enmeny ạrikia sịphe esomanan ade phọ aKenan ẹpe etuman bọ Jọdan, ạga phọ nyọpo ayoor.”

Josua 9:27

Kụ mem mem mọ ọdi ạsighe bịdi aḍighi rẹbene ọso ghan ịpe ọḅile ọkpaaghinaan ghan ạmuum ookpomoghan awe phọ Ịzirel rꞌịsiphe enmeny ạrikia phọ Ọmoogh-we phọ. Kꞌarodon bịdi odi ghan oḍighi ịphen phọ esi dị Ọmoogh-we phọ ạsaḅar mọ ọrol ghan kụ ọoḅereghi.

Ogonanami Phọ 14:1

Kụ mị ụḅile ni aphogh kụ ạmiin Mọony Oyool-ọga dị ạmeera ạnyu Eegum ạZayon. Awe dị ọrolan bọ nyọdi dị ọgeeghi rolhor phọ ạbidi ḍien phọ ọdi rꞌaḍien Ọde phọ ọdi ụman ni oniin okuron inyadi rꞌinya ọonir.