Dutoronomi 12:3 - Ạḍinya Iigbia

³ Elereghi renmeny ạrikia phọ ạbidi, eḅomoghi igbudu um-ạke phọ rꞌạsighom mọ Asera edoghoḍi nịan, elereghi ịkaaghineen ạrumugh ạbidi ephiemi siḍien phọ ạbidi ẹpe phọ.

Dutoronomi 12:3 Iomraidhean Croise

1 Ạbudaam 14:15

Ọmoogh-we phọ kaporogh Ịzirel akilom ịdipho ikpu lọ edi ọphiiny. Ọdi katuphuron Ịzirel ạsighe sịphe aḍiiḅi ade phọ ḍịphe ọdi ạngo bọ bụrude phọ ạbidi, kụ ạawalami ẹpe ẹḅeenyom ọphiiny phọ aYufratis, ịdi eḍighi bọ igbudu um-ạke Asera phọ bịdi oḅol bọ rẹkagh ni ologhi Ọmoogh-we phọ.

1 Ạbudaam 15:13

Kẹn rꞌaMaaka onhiin oko phọ ọdi bịn ọdi aphorogh ni mọ ọdi kúḍighi ukueni-ạnir dị kạda eelhe, ịdi eḍighi bọ ọdi ạkan igbudu um-ạke Asera. Kụ Ạsa ạghi agunyon igbudu phọ ọdi aguom nịan ẹpe okol ạmuum mọ ạKidron.

2 Ạbudaam 11:18

Kụ oomo awe ạbuo ẹpe ade phọ ọghi oḍigh sịphe otu phọ aBaal ogbonyon renmeny ạrikia phọ rꞌigbudu phọ olhereghi, ọḅaram rạraar phọ ịpe ọkaaghi bọ oḅomoghi, okiririph bịdi, oghiigh Matan oyil ạrikia phọ aBaal sịphe esomanan ạrikia phọ. Kụ ạJehoyada ạma we dị kopogh ghan Otu Ịiḅereghi phọ.

2 Ạbudaam 18:4

Ọdi aphiemi riisi ooseeny aruru phọ, aḅomoghi ịkaaghineen ạrumugh phọ rꞌigbudu um-ạke Asera, aḅomoghi ẹkaraph-ịyaar phọ ọkaam bọ enaba phọ ịpherepe, nyẹpe aMozis ạka bọ, nyẹpe oghol ghan bọ mọ aNehustan. Awe phọ Ịzirel ụsuughi ghan ịnsens oghueniom tụtu ẹteeny bọ ḍio phọ ạḍiphe phọ.

2 Ạbudaam 23:14

Ọdi aḅomoghi oomo ạraraar aruru phọ ạbidi ạkiriph aḍighi ịpherepe. Ọdi ạphueghi oomo igbudu um-ạke Asera, kụ ạsighe ịḅarara awe asereghi riisi phọ ịpe phọ.

2 Krọnikuls 14:2

Ạsa ạḅeeraan Ọmoogh-we Ẹnaan phọ ọdi esi oḍighi ghan ịlo ẹkpianaan kụ ẹnighe.

2 Krọnikuls 14:3

Ọdi agbonyon iiruen arenmeny phọ rꞌariisi ooseeny aruru phọ, aḅomoghi rọko asighiigh kụ aagbo alhereghi igbudu um-ạke Asera phọ.

2 Krọnikuls 19:3

Ghạlamo ịduon phọ bịn, iniin igey edi ni loor ạna. Nạ magborion oomo igbudu um-ạke Asera phọ, ịpe awe ooseeny ghan bọ, kụ nạ ạwa oḍighi ịpe ẹḅeeraan bọ Ẹnaan.”

2 Krọnikuls 31:1

Ariiḍio ẹyaal phọ reten rẹman, kụ oomo awe phọ Ịzirel ọghi tọrobo ẹmha phọ aJuda kụ oḅomoghi sighiigh dị ọmeremi yogh, oogbo olhereghi igbudu um-ạke Asera kụ ọphueghi renmeny ạrikia rꞌariisi ooseeny ghan aruru phọ. Bịdi uḍighi iniin phọ eḍighinom ịpheri phọ arikpisi aJuda rꞌareelhe ạBenjamin, Ifraim rꞌạManase, kụ oomo ạbidi ogbi origheel ẹmha.

2 Krọnikuls 34:3

Lhạ dị emuneniom ọphaanya, mem mọ aJosaya aḍighi bọ ọdaam, mem dị ọdi odi ni mọony, ọdi amiigh ooseeny Ẹnaan ọde ọde ọdi Devid ọdaam mọ. Inya ạsia kụ iten, bịn ọdi amiigh ọphueghi ariisi ịiḅereghi aruru phọ, igbudu um-ạke Asera phọ rꞌoomo ịpheri phọ igbudu phọ.

Ạsuor 16:4

Bụphe oghiil bọ ọghi esi ịnon ạrumugh rọsighe ghan ịbadibadi ịiḅaghami koruom siloor ạbidi. Mị káḍighan bịdi ọphinyon ạrikia phọ ạbidi. Mị kạ́aḅereghi ruru phọ ạbidi.

Ẹḍua 23:13

“Ịnaghanan oomo ịpe mị Ọmoogh-we phọ mịḅeni bọ inyina. Kẹ́eḅereghi ịnon ạrumugh; kékol ghan roghol siḍien ạbidi.

Ẹḍua 23:24

Kẹ́eḅereghi mụghumo ooseeny ạrumugh phọ ạbidi, ḅịle kẹ́daph reten ịiḅereghi phọ ạbidi. Iigulemi ịkaaneen ạrumugh rꞌạraphan phọ ạbidi.

Ẹḍua 34:13

Lereghi renmeny ạrikia phọ ạbidi, aḅomoghi ịkaaghineen ạrumugh phọ ạbidi, kạ́meremi ghan igbudu Asera, um-ạke phọ ạbidi.

Azaya 27:9

Kụ kọsar ọbilenaan ịkaraph phọ Ịzirel bịn mem dị mọgbe iiḅoghoḍi asighiigh arenmeny aruru ạbidi ịdipho ameleph, kụ mem dị arenmeny ịnsens rꞌelegh igbudu um-ạke Asera ílho mun.

Jerimaya 17:2

Awe phọ anyina rọoḅereghi ghan sịphe arenmeny phọ rꞌigbudu um-ạke Asera ọgbal ạtorotoro oreeny, rꞌạnyu ạraaḅaraph,

Hosia 2:17

Mị kámeera mun ọdi ạḅile aghol ḍien aBaal ạghaaphom.

Maika 5:14

Mị kanyuughi aler igbudu um-ạke Asera sịphe ade phọ anyina, kụ apiemi rạmha anyina.

Zẹkaraya 13:2

Mem mọ ạmuphe phọ mị kạsighiogh ni siḍien aruru phọ sịphe ade phọ, bịn oye kạ́atughian mun bịdi. Mị kapiemi ni tọrotoro oye lọ ạḅem mọ ọno oyil, ḅịle kẹn mị kạsighe sịphe aloor phọ ạbidi ẹephua ọoḅereghi aruru.

Igbiighi 33:52

iporogh oomo ạbuo ade phọ, bụphe orugh bọ sịphe ade phọ, bịdi ọḍuaghu. Ẹphueghi egbonyon oomo phọ asighiigh phọ ịpe bịdi ọkaaghi bọ ọghighemian siloor, rꞌoomo ịkaaghineen ạrumugh phọ ạbidi, ḅịle rꞌoomo ariisi ooseeny aruru phọ ạbidi.

Dutoronomi 12:4

“Íḍighinaan ghan Ọmoogh-we Ẹnaan phọ anyina ịphen phọ.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Dutoronomi 7:5

Ịduon kụ ịdi nyina keḍighi bịdi. Inyuughi oomo phọ arenmeny ạrikia phọ ạbidi elereghi, enyuughi sịghom mọ ạbidi elereghi, eḅomoghi oomo igbudu um-ạke Asera, ẹsighe nịan eguom,

Ogonanami Phọ 13:1

Kụ mị ụḅile ni ạmiin elhom ẹnam dị ẹsoghoronu sịphe ọphiiny phọ retu. Ịmoogh ḍioph ạraphaal rꞌoḍual ạrumhu, kụ ọphaal ọphaal rꞌeghoony ọdaam, ḅịle ẹmhu ẹmhu rꞌaḍien ọopuom Ẹnaan dị ọge.

Bụo Ịiruen 2:2

Nyina rꞌạbuen orugh bọ sịen ade phọ íkiran ghan ịyo. Ilereghi renmeny ạrikia phọ ạbidi. Kụ ọlo nyina ẹḍogh phọ ạmi ị́naghanan. Nyina meḍighi ịdi mị ụ́ḅem.