Dutoronomi 12:25 - Ạḍinya Iigbia

²⁵ Ị́baam ghan ịḅaal phọ, ọbo ịnighenom inyina rꞌạnmuny anyina, bụphe kọtol bọ dọl phọ anyina. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ.

Dutoronomi 12:25 Iomraidhean Croise

1 Ạbudaam 11:38

Eru mạar dị nạ kạnaghanan ni oomo ịpe mị kạtooghi bọ ạngo nyịna, kụ nạ kạdaph ghan reten phọ ạmi kụ atelhe ghan kụ nạ aḍighi ghan ịpe eru bọ ịne riḍien ạmi, kụ aako ghan ịtooghi phọ ạmi rꞌiilogh phọ ạmi, ịdipho aDevid otelhedom mọ ạmi aḍighi ghan bọ, pọ mị kạrolonaan ni nyịna kụ mị ạngo nyịna ọophi oḍuom ologhi ịdipho mị ạngo bọ Devid, kụ mị aḍighi nyịna ọdaam eelhe Ịzirel.

Ạsuor 112:2

Ạnmuny ogey oye kọmoogh ịikpo sịphe ade phọ; nmụny ạnmuny ọdi kọseph ni.

Ẹḍua 15:26

Ọdi ạḅem mọ, “Eḍighi ịyaar lọ nyina kesereghian ni ẹnaghanan ẹḍogh ạmi, kụ eḍighi ghan ịlo ẹnighe, kụ eeko ghan iilogh phọ ạmi rꞌịtooghi phọ ạmi, pọ mị kị́lhiom inyina rꞌeniin ọdo ẹzegh phọ mị ạlhiomom bọ we Ijipt, ịdi eḍighi bọ mị kụ Ọmoogh-we phọ, ọpo raakonom bọ rẹezegh phọ anyina.”

Ọtughemia Phọ 2:26

Ẹnaan kụ rẹngo ghan olegheri ịyaar rꞌologhi rꞌọḅaal ologhi bụlo oḍighi ịlo ẹḅeeraan nyọdi, kụ ọdi raḍighi ghan ịdi abuḍighinom ịkaraph kokumuan ghan ọmoogh kụ ookpomoghi pịdi ọsighe ịpe bịdi ọmoogh bọ ọngo bụlo oḍighi ịlo ẹḅeeraan nyọdi. Oomo phọ ịne oopho ni bịn. Ẹkigh ophorogh ookuugh kụ osiph.

Ọtughemia Phọ 8:12

Eeni amem abuḍighinom ịkaraph kosoroghu ni oniin okuron iilogh bịn kụ odi ni eye. Ii, mị alegheri ni ịdi bịdi rọḅem ghan: “Eḍighi ịyaar dị nạ ạnaghanan Ẹnaan, pọ oomo ạraraar kẹnighe ni,

Azaya 3:10

Awe aruukuan kobo ni, kụ ạraraar kẹnighenaan ni bịdi. Bịdi kotue ni olhe ịpe bịdi moḍighi bọ.

Izikiel 33:25

“Ḅẹni bịdi ịpe mị Ọmoogh-we dị ạmoogh oomo ịikpo phọ rạḅem bọ: nyina ạa ephulupul ẹnam rꞌịḅaal dị edimom. Nyina eeseeny ịkaaghineen ạrumugh. Nyina ẹko enu. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

Dutoronomi 12:24

Ị́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.

Dutoronomi 12:28

Ịlogh elegh, ẹphamanam ịphen mị rịḅeni bọ inyina ọbo ịnighenom inyina rꞌạnmuny anyina bụphe kọtol bọ dọl phọ anyina kꞌagee-pọ. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ Ẹnaan phọ anyina.

Dutoronomi 13:18

eru mạar dị nyina kẹnaghanan ghan ẹḍogh Ọmoogh-we Ẹnaan phọ anyina kụ eeko ghan oomo iilogh phọ ọdi ịpe mị ạlogh bọ rịngo inyina rodon kụ reḍighi ghan ịpe eseleman bọ, eru bọ ịne riḍien Ọmoogh-we Ẹnaan phọ anyina.

Dutoronomi 21:9

Ịduon kụ ịdi nyina keḍighi kụ kekunughi apum elegheri ịḅaal sịphe ogbo phọ anyina, mem dị nyina eḍighi ịlo eseleman ghisigh Ọmoogh-we phọ.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:16

“‘Lọgh eegu ọde ạna rꞌonhiin ạna, ịdipho Ọmoogh-we phọ Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we Ẹnaan phọ ạna rạngo bọ nyịna.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:18

Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.