Dutoronomi 12:23 - Ạḍinya Iigbia

²³ Kụ ọlo imiigha loor, ị́baam ghan ịḅaal phọ, ịdi eḍighi bọ ịḅaal kụ aghuḍum. Kụ iḍighi, ị́ḅaram ghan ghuḍum ịnam mọ kụ ạa.

Dutoronomi 12:23 Iomraidhean Croise

Emiighom 9:4

Eniin ịyaar dị nyina kẹ́ba, ẹnam dị emughom ịḅaal, mị agbi ni loor esi dị ịḅaal phọ kụ aghuḍum mọ.

Izikiel 33:25

“Ḅẹni bịdi ịpe mị Ọmoogh-we dị ạmoogh oomo ịikpo phọ rạḅem bọ: nyina ạa ephulupul ẹnam rꞌịḅaal dị edimom. Nyina eeseeny ịkaaghineen ạrumugh. Nyina ẹko enu. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

Lịvitikos 17:10

“Tọrobo ọnyo Ịzirel rꞌooruen lọ rꞌanyina erughan kụ ạa ẹnam rꞌịḅaal dị edimom, pọ mị kakananaam ni apogh oye phọ ạa bọ ịḅaal phọ. Mị katoph ni nyọdi ogbeph, ạgbatan nyọdi ạsighe esi awe phọ ọdi.

Lịvitikos 17:11

Aghuḍum ạtorobo ịyaar dị repooghu edi sịphe ologhi ịḅaal phọ. Kụ iḍighi, kụ mị ạlogh bọ ologh ịngo bọ inyina mọ nyina kẹki ghan sịphe enmeny phọ kụ ewopha yogh siloor anyina, ịdi eḍighi bọ ịḅaal kụ ịdi rowophaam ghan bọ ọwaam aghuḍum.

Lịvitikos 19:26

“Ị́ba ghan tọrobo ẹnam dị emughom ịḅaal. Ị́tuugha ghan ọmiin ịmiin, ḅịle kẹn, ị́gbe ghan ghạma.

Lịvitikos 7:26

Kẹn, ị́ba ghan ịḅaal, mꞌịlo ịnun mꞌịlo ẹnam, sịphe asimarugh phọ anyina.

Matiu 20:28

ạkighemi Mọony phọ Oye, dị útu mọ okumu ọngo nyịno, aru okumu ọngo awe rꞌọsighe aghuḍum mọ ọdi ọtanyanam aḍita.”

Iiḍighi 15:20

Ọge ghụn ḍịnya ọghiom mọ bịdi ọgbatanaan ịipuan ạraraar lọ mọkoom ịko ọngo ruru mọ ạregelenya ạnmariir rꞌalephiri ẹmha kúle ghan, mọ kụ́ba ghan ịlo ọphur orum kụ oghiigh, rꞌịlo emughom ịḅaal.

Dutoronomi 12:16

Kẹ́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.

Dutoronomi 12:22

Ịdipho ezoogh rꞌọnuen rele ghan bọ, ịdipho kụ ịdi nyina kẹtuugh ele aani ghan. Bụlo ọḅaal rꞌạbulo ụ́ḅaal olhe aani ni.

Dutoronomi 12:24

Ị́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.

Dutoronomi 15:23

Kụ ọlo ị́ḅaram ghan ịḅaal phọ kụ ạa ghan. Ịsighe ghan ịḅaal phọ eeku ghan sịphe ade phọ ịdipho ạmuum.

Ogonanami Phọ 5:9

Bịdi ụmoor ri ḍimoom ạḍuor mọ, “Nạ kụ ụman ọsighe aḍikpooghineen ạḍinya phọ ọokpaghion ariisi phọ ọḅirighiom bọ oba phọ, ịdi eḍighi bọ ughiigh ni nyịna, kụ ọsighe ịḅaal phọ ạna ọtagharanam we oomo arughunughun rꞌạrunhu rꞌạramha rꞌareelhe oḍighi bụo kꞌẸnaan.

1 Sạmuel 14:32

kụ iḍighi kụ bịdi oogborion ọsighe rạraar phọ bịdi ạanyi bọ ẹpomoghian phọ; bịdi ọsighe iyool-ịga rꞌạsinam, ọze bịn ạanyi ịnam mọ mem dị ịḅaal phọ ke̋mite ẹman.

1 Sạmuel 14:33

Kụ ọghaaph ọḅeni Sọl mọ, “Mịin, awe phọ roḍighi ịkaraph risigh Ọmoogh-we phọ. Bịdi ọḅar ịnam rꞌịḅaal.” Kụ ạSol ạlho mọ, “Nyina mẹpioman. Iikilemi ḍiboom aḍighiigh iruom ịmi rodon.”