Dutoronomi 12:21 - Ạḍinya Iigbia

²¹ Kụ eru mạar dị esi phọ ẹpe Ọmoogh-we phọ azua bọ mọ aḍien phọ ọdi ẹrol sịphe kụ ẹkel, pọ kiigh ni nạm mꞌọga ạna, ịpe Ọmoogh-we phọ ịngo bọ inyina, ịdipho mị ạlogh bọ ologh ịngo inyina. Ịtol ghan ni sịphe ạa tọrobo ịpe rịphu bọ inyina.

Dutoronomi 12:21 Iomraidhean Croise

1 Ạbudaam 14:21

ARehoboam ọony phọ ạSolomon ạman inyadi rꞌoniin ạsia kụ amiigh bọ ọda aJuda. Ọdi ạda bọ ḍioph rꞌoḍual ạsia ẹpe Jeruselem, ẹmha phọ nyẹpe Ọmoogh-we phọ ạsaḅar bọ mọ oomo arughunughun phọ Ịzirel ọsighe ḍien phọ ọno oseere sịphe. Ḍien onhiin phọ ọdi ughol mọ aNaama ọlo ẹemara Amon.

2 Krọnikuls 12:13

ARehoboam ạda Jeruselem kụ ạkparami ịikpo ọda phọ ọdi. Ọdi ạman 41 ạsia mem dị ọdi aḍighi ọdaam kụ ọdi ạda 17 ạsia ẹpe Jeruselem, ẹmha phọ Ọmoogh-we phọ ạsaḅar bọ sịphe oomo eelhe phọ Ịzirel mọ esi dị kooseeny ghan nyịno. Ḍien onhiin aRehoboam ughol mọ aNaama ọlo ade phọ Amon.

Ẹzra 6:12

Ẹnaan phọ ẹsaḅar bọ Jeruselem eseere mọ eḍighi esi dị kooseeny ghan nyịno, ekiton elher bụdaam mọ rꞌareelhe lọ ọopu ologh phọ ọphon, kụ ọkparagha ịlo ophiemi Otu Ịiḅereghi phọ ẹpe phọ! Mị ạDarios kụ mạngo ịto phọ ịphen. Oomo phọ ịdi kooko ni ọmadan.”

Ẹḍua 20:24

Ịkananaan ịmi enmeny ọogha kụ ạnyu ịsiphe phọ ẹze iyool-ịga, rụtu-ịga anyina, rꞌạsinam anyina, ẹphighironom ghan ẹkia ạnian rꞌẹkia ẹboroph. Tọrobo esi lọ mị amitiom aseere mọ iiseeny ghan ịmi, mị katu ni ịngo inyina ḍịseph.

Dutoronomi 12:11

Eniin esi edi ni dị Ọmoogh-we phọ Ẹnaan phọ anyina kạsaḅar kụ nyina eḍighi ịdi aḍien phọ ọdi ketugh sịphe phọ, kụ nyina kẹsighe ghan oomo ạraraar phọ ịpe mị ạlogh bọ ologh ịngo inyina ẹkimom ẹpe phọ: rịkia oguom ạnian phọ anyina, oomo ạrikia phọ anyina, muniin abin esi aḍioph abin phọ, ẹkia oḅio-giph phọ anyina, rꞌoomo ịpe nyina eguanaan bọ Ọmoogh-we phọ.

Dutoronomi 12:15

“Ịlo eḍighi eḍighi nyina kẹze ghan ni ịnam ẹba sịphe ạramha phọ anyina oomo ịpe rịphu bọ inyina, ịdipho nyina kẹba bọ ni ọnuen rꞌezoogh, oomo ịpe rịphu bọ inyina. Ọdaph ịpe Ọmoogh-we Ẹnaan phọ anyina ịngo bọ inyina, bụlo ọḅaal rꞌạbulo ụ́ḅaal, olhe ni.

Dutoronomi 12:20

“Mem dị Ọmoogh-we Ẹnaan phọ anyina kạbughe eelhe phọ anyina ịdipho dị iguanaan bọ inyina kụ nyina ẹḅem mọ yoor kọba iphulupul, mọ iphulupul kụ rịphu iyoor ạa, tọrobo ịpe rịphu bọ inyina, ạa.

Dutoronomi 12:22

Ịdipho ezoogh rꞌọnuen rele ghan bọ, ịdipho kụ ịdi nyina kẹtuugh ele aani ghan. Bụlo ọḅaal rꞌạbulo ụ́ḅaal olhe aani ni.

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 16:11

Kụ ẹrol ghan egbodo Ọmoogh-we Ẹnaan phọ anyina ẹmoogh iboh, nạ rꞌạnmuny ạna rꞌạnmanyaan ạna rꞌạrebene ạna, alephiri rꞌạnmariir, rꞌạbuo aLivait phọ odi bọ sịphe ạramha phọ anyina, ruuruen phọ, ịnyigo ạnmuny phọ rꞌarukpukele ạnmariir phọ, bụphe rꞌanyina edi bọ sịphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Dutoronomi 16:6

Esi phọ ịsiphe Ọmoogh-we Ẹnaan phọ anyina ạsaḅar bọ aseenaan ḍien phọ ọdi, ịpa kụ esi phọ nyina kẹpighironaan ghan bọ rịkia ẹyaal ọphel otene phọ anyina dulhe. Mem dị ẹnam-aḍio remeel ighool, pọ kụ amem mọ nyina ẹḍua bọ ẹpe ade phọ Ijipt.

Dutoronomi 26:2

ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.