Dutoronomi 12:18 - Ạḍinya Iigbia

¹⁸ Ịtol ghan egbodo Ọmoogh-we Ẹnaan phọ anyina kụ ele, esi phọ ẹpe Ọmoogh-we Ẹnaan phọ anyina azua bọ, nyina rꞌạnmuny anyina rꞌạnmanyaan anyina, ạnmuny-otu anyina rꞌạnmanyaan-otu anyina, rꞌạbuo aLivait phọ; kụ ẹmoogh iboh, ebo ghan sịphe egbodo Ọmoogh-we Ẹnaan phọ anyina, oomo ịpe nyina ẹsighe bọ rạghaagh anyina kụ eḍighinom.

Dutoronomi 12:18 Iomraidhean Croise

Ạsuor 32:11

Nyina ạbuo aruukuan phọ, ịḅaalami iloghi anyina kụ eboh loor esi ịpe Ọmoogh-we phọ maḍighi bọ. Nyina ạbuphe iloghi phọ eseleman bọ, ịḅaalami iloghi anyina kụ eboh.

Ạsuor 68:3

Kụ ọlo awe aruukuan phọ rọḅaal ologhi kụ oboh risigh ọdi; bịdi rọmoogh ghan iboh kụ kọlo ḍịolho iboh.

Asidogh 3:17

Olegheri-ịyaar kaḍighi ịdi ạdol kedugh kụ arelhiom nyịna dị rꞌịyaar nyịna kẹ́ḅogh.

Ọtughemia Phọ 3:12

Esi ịduon phọ mị ạmiin mọ oomo ịdi yira koḍighi, ọmoogh ghan ọḅaal ologhi rꞌoḍighi ghan ịlo yira kotue sịen yira odi bọ eye phọ.

Ọtughemia Phọ 5:18

Ịphen ịdi mị mạwa amitiom: ọkar egey ịyaar dị oye kaḍighi, olhe rꞌọphughol kụ ọghelom aruphua phọ ịpe ọdi makumuan bọ ạmoogh esi ekulha amem mọ Ẹnaan mẹngo bọ nyọdi: ọphon kụ amaazuan phọ oye.

Azaya 12:3

Ịdipho ạmubo ạmuum rạngo ghan bọ iboh we dị ạmuum rạpu, ịdipho kụ ẹdi awe Ẹnaan robo ghan mem dị ọdi ạphel bịdi.”

Iiḍighi 16:34

Kụ ạsighe bịdi asiom otu ạḅamanaan eḍien, kụ ạmoogh iboom iboh, rꞌoomo phọ kꞌọdi, mọ ạbuno momeeraam Ẹnaan.

Iiḍighi 2:46

Kụ aḍio etum ḍio, oomo phọ ạbidi ụghi ghan ni pạ Otu Ịiḅereghi phọ, ọparion ghan ạbred iloghi aruutu phọ ạbidi, kụ ọsighe ghan mụḅoph rꞌọḅaal ologhi kụ oliom eḍien.

1 Bụo ạKorint 10:31

Kụ mị ạpagharanaan ạḅeni we mọ, “Tọrobo ịlo nyina eḍighi, mꞌamale ḅịle mꞌịpughol, iḍighi ghan oomo phọ ịne eghueniom Ẹnaan.

Bụo aGaletia 5:22

Iimuma Uwaloor Iigbia phọ, pọ ẹphomoghian, iboh, ẹepho, ọkparam, ọnma ighirigiir, onmo inmo, ébi ghan oguan,

Dutoronomi 12:14

eḍigh esi phọ ẹpe Ọmoogh-we phọ ạsaḅar bọ sịphe oomo arughunughun phọ anyina. Ịsiphe kụ esi dị nyina kẹpighironaan ghan rịkia oguom ạnian phọ anyina. Ịsiphe kụ esi dị nyina keḍighi oomo ịphen phọ mị ạlogh bọ ologh ịngo inyina.

Dutoronomi 12:19

Igona siloor anyina, íkel ghan bụo aLivait phọ, oomo asuḍughul-otu phọ ịpe nyina kẹtol bọ sịen aḅirini phọ.

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 12:7

Ịsiphe phọ kụ esi dị nyina rꞌọto anyina kẹtol ghan egbodo Ọmoogh-we Ẹnaan phọ anyina kụ ele ghan ẹmoogh iboh esi oomo ạraraar phọ ịpe ẹsighe bọ rạghaagh anyina kụ eḍighinom, ịdipho Ọmoogh-we Ẹnaan phọ anyina ịseph bọ inyina.

Dutoronomi 14:23

Kụ ẹrol sịphe egbodo Ọmoogh-we Ẹnaan phọ anyina kụ elhe, esi phọ ẹpe ọdi ạsaḅar bọ aseere ḍien phọ ọdi, muniin abin sịphe aḍioph phọ, mụo ịbiakpa, mụo avain, mụo ạmunum, rꞌabin ịḅel ạnmuny lọ ạsinam mọ anyina ẹmar, ịḅel ạnmuny phọ ịpe iyool-ịga phọ anyina ẹmar bọ. Ịtuugha oghueni ghan Ọmoogh-we Ẹnaan phọ anyina oomo amem.

Dutoronomi 15:20

Nạ rꞌọto ạna kẹtol ghan egbodo Ọmoogh-we Ẹnaan phọ anyina kụ ele ghan ạlha etum lhạ, sịphe Ọmoogh-we Ẹnaan phọ anyina ạsaḅar bọ.

1 Sạmuel 1:4

Tọrobo amem lọ Elkana ạphighironaan ẹkia phọ, ọdi kạsighe muniin abin ịnam ạngo Penina ạnir phọ ọdi. Oomo ạnmuny phọ ọdi, lephiri phọ rꞌạnmanyaan phọ uphin ghan bin bin.