Dutoronomi 12:16 - Ạḍinya Iigbia

¹⁶ Kẹ́baam ghan ịḅaal phọ. Ịsighe ịḅaal phọ ẹghi eeku ude ịdipho ạmuum.

Dutoronomi 12:16 Iomraidhean Croise

Emiighom 9:4

Eniin ịyaar dị nyina kẹ́ba, ẹnam dị emughom ịḅaal, mị agbi ni loor esi dị ịḅaal phọ kụ aghuḍum mọ.

Izikiel 24:7

Ọko enu ạrol li sịphe ẹmha phọ, kụ ọlo ịḅaal phọ úzu sịphe ade phọ ẹpe ophugh phọ mụbooghi bọ; ịḅaal phọ uzu ạnyu oopho aḍighiigh.

Izikiel 33:25

“Ḅẹni bịdi ịpe mị Ọmoogh-we dị ạmoogh oomo ịikpo phọ rạḅem bọ: nyina ạa ephulupul ẹnam rꞌịḅaal dị edimom. Nyina eeseeny ịkaaghineen ạrumugh. Nyina ẹko enu. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

Lịvitikos 19:26

“Ị́ba ghan tọrobo ẹnam dị emughom ịḅaal. Ị́tuugha ghan ọmiin ịmiin, ḅịle kẹn, ị́gbe ghan ghạma.

Lịvitikos 3:17

Iilogh phọ ịphen eru eḍighinom ịyaar kꞌanyina kꞌagee-pọ oghiil atum oghiil: ị́ba ghan ẹnuum, ị́ba ghan ịḅaal.

Iiḍighi 15:20

Ọge ghụn ḍịnya ọghiom mọ bịdi ọgbatanaan ịipuan ạraraar lọ mọkoom ịko ọngo ruru mọ ạregelenya ạnmariir rꞌalephiri ẹmha kúle ghan, mọ kụ́ba ghan ịlo ọphur orum kụ oghiigh, rꞌịlo emughom ịḅaal.

Iiḍighi 15:29

mọ kéle ghan rạraar lọ ọphighironom ẹkia ọngo ruru, mọ kẹ́ba ghan ịlo emughom ịḅaal rꞌịlo ọphur orum kụ oghiigh, mọ ạregelenya ạnmariir rꞌalephiri ẹmha kúle ghan. Nyina ẹwile yogh ịphen phọ, pọ kịnighenaan ni inyina. Ịmaar ẹrol.”

Dutoronomi 15:22

pọ ịtol ẹpe ạramha phọ anyina kụ elhe. Bụo ọḅaal rꞌạbulo ụ́ḅaal, olhe ni ịdipho ezoogh rꞌịdipho ọnuen.

Dutoronomi 15:23

Kụ ọlo ị́ḅaram ghan ịḅaal phọ kụ ạa ghan. Ịsighe ghan ịḅaal phọ eeku ghan sịphe ade phọ ịdipho ạmuum.

1 Timoti 4:4

Tọrobo ịyaar phọ Ẹnaan ẹlhem bọ ẹnighe ni. Rꞌeniin kúkel ghan, ọngo ghan ghụn Ẹnaan ḍịseph bịn ọsighe ghan olhe,

1 Sạmuel 14:32

kụ iḍighi kụ bịdi oogborion ọsighe rạraar phọ bịdi ạanyi bọ ẹpomoghian phọ; bịdi ọsighe iyool-ịga rꞌạsinam, ọze bịn ạanyi ịnam mọ mem dị ịḅaal phọ ke̋mite ẹman.

1 Sạmuel 14:33

Kụ ọghaaph ọḅeni Sọl mọ, “Mịin, awe phọ roḍighi ịkaraph risigh Ọmoogh-we phọ. Bịdi ọḅar ịnam rꞌịḅaal.” Kụ ạSol ạlho mọ, “Nyina mẹpioman. Iikilemi ḍiboom aḍighiigh iruom ịmi rodon.”