Dutoronomi 12:11 - Ạḍinya Iigbia

¹¹ Eniin esi edi ni dị Ọmoogh-we phọ Ẹnaan phọ anyina kạsaḅar kụ nyina eḍighi ịdi aḍien phọ ọdi ketugh sịphe phọ, kụ nyina kẹsighe ghan oomo ạraraar phọ ịpe mị ạlogh bọ ologh ịngo inyina ẹkimom ẹpe phọ: rịkia oguom ạnian phọ anyina, oomo ạrikia phọ anyina, muniin abin esi aḍioph abin phọ, ẹkia oḅio-giph phọ anyina, rꞌoomo ịpe nyina eguanaan bọ Ọmoogh-we phọ.

Dutoronomi 12:11 Iomraidhean Croise

1 Ạbudaam 12:27

Eru mạar dị awe phọ ạbuen ọghi Jeruselem oḍighi ịyaar aghuḍum sịphe Otu Ịiḅereghi phọ, pọ iloghi awe phọ ạbuen kenmia ni ekiton eḅula esi oye phọ ọpo ạmoogh bọ bịdi. Bịdi kughiigh ịmi kụ ọḅile oḅula esi aRehoboam ọdaam mọ aJuda.”

1 Ạbudaam 8:13

Mị mạlhoghonaan nyịna otu amarugh dị nạ katugh sịphe kꞌagee-pọ.”

1 Ạbudaam 8:16

‘Kꞌaḍio phọ mị ạsighe bọ we phọ ạmi ạḍuanam ẹpe Ijipt, mị ụ́saḅar ẹmha sịphe oomo iipolo phọ Ịzirel dị mị kạlogh otu dị aḍien ạmi kẹtol sịphe; mị ụsaḅar Devid mọ ọdi aphogh ghan we phọ ạmi Ịzirel.’”

1 Ạbudaam 8:29

ạḅarion riḍien phọ ạna asomoriom Otu phọ ọphon ḍughul rꞌootaany, asomoriom esi phọ ịsien nạ ạḅem bọ mọ aḍien phọ ạna kẹtol sịphe phọ, ạnaghanan ịiḅereghi phọ ịpe otelhedom mọ ạna rạaḅereghi bọ, ịlo esi phọ ịsien phọ.

2 Ạbudaam 18:22

Kụ oye ọlo Asiria phọ ạḅemom mọ, “Eru mạar dị nạ ụḅeni ịmi mọ nạ aḍuom ologhi Ọmoogh-we Ẹnaan phọ anyina, ọpo phọ kụ kọ́di ạHezekaya ạphueghi yogh bọ renmeny ạrikia phọ ịpe rọtol ghan bọ kọpinyon rịkia phọ, mem mọ ọdi ạḅeni bọ weye phọ aJuda rꞌaJeruselem mọ sịphe enmeny phọ aJeruselem bịn kụ ẹdi awe kọoḅereghi?

1 Krọnikuls 22:1

Kụ aDevid ạḅem mọ, “Ịsien kụ ẹdi Otu Ịiḅereghi Ọmoogh-we Ẹnaan phọ kạtol. Pọrono sịen enmeny dị awe phọ Ịzirel kọpinyon ghan rịkia oguom ạnian.”

2 Krọnikuls 6:20

Mạar aphogh Otu Ịiḅereghi phọ ọphon ootaany rꞌaḍughul. Nạ maguanaan mọ ịsien kụ esi dị kooseeny ghan nyịna; ịduon phọ ụnaghanan ịmi mem lọ mị asoman Otu Ịiḅereghi phọ ọphon kụ ạaḅereghi.

2 Krọnikuls 7:12

Ọmoogh-we phọ amite ni egaan esi ọdi ḍughul, kụ ạḅeni Sọlomon mọ, “Mị mạnaghan ịiḅereghi ạna, kụ mị ạsighe Otu Ịiḅereghi phọ ọphon mọ esi oḍighi ghan ạrikia ọngo ạmi.

Ẹzra 6:12

Ẹnaan phọ ẹsaḅar bọ Jeruselem eseere mọ eḍighi esi dị kooseeny ghan nyịno, ekiton elher bụdaam mọ rꞌareelhe lọ ọopu ologh phọ ọphon, kụ ọkparagha ịlo ophiemi Otu Ịiḅereghi phọ ẹpe phọ! Mị ạDarios kụ mạngo ịto phọ ịphen. Oomo phọ ịdi kooko ni ọmadan.”

Ạsuor 100:2

Iiseenyom Ọmoogh-we phọ rꞌọphalaḅaal ologhi. Ịpam sụor iboh erumom ghisigh ọdi.

Ạsuor 116:17

Mị kạpighiron ẹkia ạḍiseph ạngo nyịna, kụ ạaḅereghi.

Ạsuor 66:13

Mị kạpam ịinua ẹkia oguom ạnian kụ atumom pạ otu phọ ạna; mị kạngo ni nyịna ịlo mị aguanaan.

Ạsuor 78:68

Ọdi ạḅile ghụn ạsaḅar eghun aJuda rꞌEegum ạZayon, ẹpe ọdi ạphomoghian bọ iboom.

Ẹḍua 25:8

Awe phọ ụlhoghonaan ịmi ogbogo iigbia pịdi mị ạtol ghan rꞌạbidi.

Ẹḍua 29:45

Mị katugh igbo awe phọ Ịzirel, kụ mị aḍighi Ẹnaan ạbidi.

Jerimaya 7:12

Ịki ẹpe Sailo, ẹḅel esi phọ mị ạsaḅar bọ mọ ọrol ghan ụuḅereghi ịmi, ẹmiin ịpe mị aḍighi bọ esi phọ loor esi ịkaraph awe phọ ạmi Ịzirel.

Lịvitikos 17:4

dị ụ́sighe útu sịphe ọnhu-aḍibuo Ogbogo Ạdol Ọmoogh-we phọ oḍighinom ịyaar aghuḍum ọngo Ọmoogh-we phọ, pọ kọsighe ni apum ozu ịḅaal ọḅam ẹmhu oye phọ ọpo, pọ awe phọ ọdi oroph nyọdi ogbeph omutonaan nyọdi.

Dutoronomi 12:13

Igona siloor, ị́pighironaan ghan ẹkia oguom ạnian phọ anyina tọrobo esi,

Dutoronomi 12:14

eḍigh esi phọ ẹpe Ọmoogh-we phọ ạsaḅar bọ sịphe oomo arughunughun phọ anyina. Ịsiphe kụ esi dị nyina kẹpighironaan ghan rịkia oguom ạnian phọ anyina. Ịsiphe kụ esi dị nyina keḍighi oomo ịphen phọ mị ạlogh bọ ologh ịngo inyina.

Dutoronomi 12:18

Ịtol ghan egbodo Ọmoogh-we Ẹnaan phọ anyina kụ ele, esi phọ ẹpe Ọmoogh-we Ẹnaan phọ anyina azua bọ, nyina rꞌạnmuny anyina rꞌạnmanyaan anyina, ạnmuny-otu anyina rꞌạnmanyaan-otu anyina, rꞌạbuo aLivait phọ; kụ ẹmoogh iboh, ebo ghan sịphe egbodo Ọmoogh-we Ẹnaan phọ anyina, oomo ịpe nyina ẹsighe bọ rạghaagh anyina kụ eḍighinom.

Dutoronomi 12:21

Kụ eru mạar dị esi phọ ẹpe Ọmoogh-we phọ azua bọ mọ aḍien phọ ọdi ẹrol sịphe kụ ẹkel, pọ kiigh ni nạm mꞌọga ạna, ịpe Ọmoogh-we phọ ịngo bọ inyina, ịdipho mị ạlogh bọ ologh ịngo inyina. Ịtol ghan ni sịphe ạa tọrobo ịpe rịphu bọ inyina.

Dutoronomi 12:26

Ạraraar iigbia phọ ịpe anyina rꞌịpe nyina eguanaan bọ Ẹnaan kụ ịdi nyina kẹsighe ghan ẹki sịphe Ọmoogh-we phọ azua bọ.

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 14:23

Kụ ẹrol sịphe egbodo Ọmoogh-we Ẹnaan phọ anyina kụ elhe, esi phọ ẹpe ọdi ạsaḅar bọ aseere ḍien phọ ọdi, muniin abin sịphe aḍioph phọ, mụo ịbiakpa, mụo avain, mụo ạmunum, rꞌabin ịḅel ạnmuny lọ ạsinam mọ anyina ẹmar, ịḅel ạnmuny phọ ịpe iyool-ịga phọ anyina ẹmar bọ. Ịtuugha oghueni ghan Ọmoogh-we Ẹnaan phọ anyina oomo amem.

Dutoronomi 15:19

“Oomo ịḅel ilephiri phọ ịpe ạsinam mọ ạna kẹmar bọ, rꞌịḅel ilephiri iyool-ịga phọ ạna kẹmar bọ, sịghe ghan asipha Ọmoogh-we Ẹnaan phọ anyina. Ụ́sighe ghan ịḅel ilephiri phọ ịpe ạsinam mọ ạna kẹmar bọ aḍighinom ịyaar, ḅịle kẹn úsoph ghan ẹza ịḅel idughuna phọ iyool-ịga phọ ạna kẹmar bọ.

Dutoronomi 15:20

Nạ rꞌọto ạna kẹtol ghan egbodo Ọmoogh-we Ẹnaan phọ anyina kụ ele ghan ạlha etum lhạ, sịphe Ọmoogh-we Ẹnaan phọ anyina ạsaḅar bọ.

Dutoronomi 17:8

“Eru mạar dị aḍighiton lọ ịkparanaan inyina osoph ọoruen emite: ḍighiton enu, mꞌaḍighiton ịikonoghian, mꞌaḍighiton elebiri, tọrobo ọdo asighiton phọ ịphen kụ emite sịphe ạramha phọ anyina, pọ iḅetenuom ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ,

Dutoronomi 18:6

“Eru mạar dị ọlo kꞌaLivai ọlo eniin ẹmha sịphe Ịzirel ạḍua ekpisi phọ dị arugh bọ kụ aru ạteeny esi phọ ẹpe Ọmoogh-we phọ ạsaḅar bọ,

Dutoronomi 23:16

Ọdi arugh sịphe kꞌạna sịphe ogbo phọ anyina, esi lọ ọdi azua sịphe ạramha phọ anyina, esi phọ ẹpe ẹḅeeraan bọ nyọdi.

Dutoronomi 26:2

ịsighe ghan iniin sịphe oomo ịḅel iimuma phọ anyina, ịpe nyina ebugha bọ sịphe ade phọ Ọmoogh-we Ẹnaan phọ anyina rịngo bọ inyina, ịsighe ghan ẹlhogh ọkpa ẹsighe ẹghi esi phọ ẹpe Ọmoogh-we Ẹnaan phọ anyina ạsaḅar bọ aseenaan ḍien phọ ọdi.

Josua 18:1

Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.

Josua 22:11

Kụ awe phọ Ịzirel ọnaghan kụ ọḅem mọ, “Ipogh. Eghun aRuben, eghun ạGad rꞌọphori phọ opol eghun ạManase mọkan enmeny ạrikia sịphe esomanan ade phọ aKenan ẹpe etuman bọ Jọdan, ạga phọ nyọpo ayoor.”

Josua 22:16

“Ịphen kụ ịdi aḍita ookpomoghan phọ Ọmoogh-we phọ ụḅeni iyoor mọ ipuru inyina mọ, ‘Ịphen phọ nyina eḍighi bọ ịghen? Ipeel phọ ịphen nyina eḍighi bọ ẹpioman esi Ẹnaan phọ Ịzirel. Nyina mẹwile ọdaph Ọmoogh-we phọ rodon, ẹkan enmeny ạrikia ẹlo anyina, ẹmoogh oḅom ẹmhu dị aleeny ịduon esi Ọmoogh-we phọ rodon.

Josua 22:23

Mọ yoor ụ́tuan eeghe kụ ọkan enmeny ạrikia ẹlo ayoor, mọ pọ yoor mọwile ọgbatanaan ọdaph Ọmoogh-we phọ, ọphinyon ạrikia oguom ạnian, mꞌạraraar aghuḍum ịnam mꞌạrikia ẹboroph ạnyu ịsiphe, pọ Ọmoogh-we phọ kụ upuru iyoor.

Josua 22:27

Eḍighi ịyaar dị kẹgba ghan emitiom ịlo anyina rꞌayoor, rꞌoghiil phọ ayira ọpo ratu bọ, mọ yoor uḍighi ghan ni oḍighi phọ Ọmoogh-we phọ sịphe Ogbogo ọphinyon aani ghan ni rịkia oguom ạnian rꞌịngooghineen rꞌạrikia ẹboroph phọ ayoor, ọbo ạnmuny anyina kẹ́ḅeniom ghan bọ nmụny ayoor, ḍio-pọ, mọ yoor ụ́moogh bin esi Ọmoogh-we phọ.

Josua 22:29

Ịlo ayoor ríḍigh, dị yoor kọpioman Ọmoogh-we phọ, ọgbatanaan ọbile ọdaph Ọmoogh-we phọ rodon, ọkan enmeny ạrikia oguom ạnian mꞌịyaar aghuḍum ịnam mꞌịngooghineen, omuton enmeny ạrikia phọ Ọmoogh-we Ẹnaan phọ ayira ẹpe ẹmeera bọ sịphe Ogbogo phọ ọdi.”

Josua 9:27

Kụ mem mem mọ ọdi ạsighe bịdi aḍighi rẹbene ọso ghan ịpe ọḅile ọkpaaghinaan ghan ạmuum ookpomoghan awe phọ Ịzirel rꞌịsiphe enmeny ạrikia phọ Ọmoogh-we phọ. Kꞌarodon bịdi odi ghan oḍighi ịphen phọ esi dị Ọmoogh-we phọ ạsaḅar mọ ọrol ghan kụ ọoḅereghi.

1 Sạmuel 1:21

Amem mọ ẹḅile bọ ẹteeny dị Elkana rꞌeghunotu phọ ọdi kọki ẹpe Sailo ọpighiron ẹkia ẹlo ạlha phọ rꞌọngo ẹkia phọ ẹpe ọdi aguanaan bọ.