Dutoronomi 12:10 - Ạḍinya Iigbia

¹⁰ Mem lọ nyina ẹḅeeny Jọdan ephun kụ erugh ẹpe de phọ Ọmoogh-we Ẹnaan phọ anyina ịngo bọ inyina ọmoogh, kịngo ni inyina ophooghian esi oomo ạbumulogh-ḍien phọ anyina iko bọ inyina ekitonom, ọbo nyina erugh ẹpe phọ rꞌẹepho.

Dutoronomi 12:10 Iomraidhean Croise

1 Ạbudaam 4:25

Kụ aJuda rꞌỊzirel orughan rꞌoḍuom ologhi: tọrobo oye ạrol ghan iizin avain rꞌạfig ọdi, ẹḍua Dạn ẹghi esi Beersheba, oomo asuḍughul-otu phọ ạSolomon.

1 Ạbudaam 8:56

“Ạḍiseph ẹrolonaan Ọmoogh-we phọ ạngo bọ ẹepho we phọ ọdi Ịzirel, ạdaph oomo ịpe ọdi aguanaan bọ. Rꞌeniin ekpo ísugha esi oomo igey phọ ịpe ọdi aguanaan bọ Mozis otelhedom mọ ọdi.

1 Krọnikuls 22:18

Ọdi ạḅem, “Ọmoogh-we Ẹnaan phọ anyina mạrolan ni rꞌanyina kụ mịngo inyina ẹepho oomo ịigaany. Ọdi aḍighi ịdi mị ạkpar apu oomo awe dị ọrol ghan sịen ade phọ ạḍien, kụ bịdi moḍighi nyịidipho we dị odi eeḍian anyina rꞌỌmoogh-we phọ.

Ạsuor 4:8

Mem lọ mị ạmina, mị ạnaani rꞌẹepho ịdi eḍighi bọ nạ Ọmoogh-we phọ bịn kụ ọdi mị aḍuom ologhi.

Ẹḍua 33:14

Kụ Ọmoogh-we phọ ạḅeni nyọdi mọ, “Mị rꞌạna kụ kẹki ni. Mị kạngo ni nyịna ọkpar opu.”

Asidogh 1:33

Kụ ọlo tọrobo oye lọ ụnaghanan ịmi ịyaar nyọdi kẹ́ḅogh. Ọdi kạtolom dọl eekpereghian dị ịyaar kákiilaan.”

Jerimaya 23:6

Mem mọ ọpo ọdi kạda bọ, ịyaar kẹ́eḅaghami weye phọ aJuda, ḅịle kẹn awe phọ Ịzirel kọtolom ni rꞌẹepho. Kokol ghan nyọdi ‘Ọmoogh-we phọ Ọpelia phọ ayoor.’”

Jerimaya 32:37

Mị kaakpomoghi ni we phọ ọḍua bọ oomo areelhe phọ mị ạawalalami bọ bịdi rꞌophin ologhi phọ, kụ mị ạsighe bịdi atu esi phọ ịsien kụ aḍighi ịdi bịdi kọtol rꞌẹepho.

Jerimaya 33:11

ḍịolho ọḅaal ologhi rꞌibo rꞌiitia ile apinien. Nyina kẹnaghan weye dị rọmoor sụor dị ọsighe inmo rotumom Otu Ịiḅereghi phọ ạmi; bịdi kọḅem mọ, “‘Ịngo ḍịseph Ẹnaan Oomo Ịikpo Ọmoogh-we phọ loor esi dị ọdi ạnighe ni kụ ẹphomoghian ọdi edi ghan bịn kꞌagee-pọ.’ “Mị kaḍighi ịdi ade phọ ạḍien kemuum iimuma ịdipho emuum ghan bọ. Mị Ọmoogh-we phọ kụ mạḅem.”

Izikiel 28:26

Bịdi kọtol sịphe rꞌẹepho. Bịdi kodoghoḍi ruutu kụ ọzuphogh iizo iimuma avain. Mị kạliom oomo amatuman ạbidi lọ ophogh ghan bịdi ọḅitonaan, kụ Ịzirel ịyaar kẹ́ḅogh. Kụ bịdi ogbi olegheri mọ mị kụ Ọmoogh-we Ẹnaan phọ ạbidi.”

Izikiel 34:25

Mị kakiran ịyo rꞌạbidi dị kẹmeera enye mọ ịyaar bịdi kéḍighi. Mị kakune ịkaraph ịnam mọ edi bọ sịphe ade phọ, ẹrol dị iyool-ịga phọ ạmi ẹtol rꞌẹepho ẹpe arere phọ kụ ẹmina ẹpe ạruukpua phọ.

Izikiel 34:28

Areelhe phọ ịpe Ẹnaan úlegheri bọ kóbum mun rạraar ạbidi, kụ ilhom ịnam kẹ́ze ẹ́ba bịdi. Bịdi kọtol rꞌẹepho, kụ rꞌoniin oye káḍighi bịdi ịlo aḍiigu.

Izikiel 38:11

Nạ kạatughian ozuom eelhe lọ ẹloghonaan ílho dị awe phọ odi dọl dị ịyaar ị́ḅogh kụ orughogh rꞌẹepho sịphe ạramha dị úkoony kụ ị́moogh ịsuaram.

Izikiel 38:8

Ịbadi ạsia reten kụ mị ạto ạngo nyọdi mọ azuom ẹgham eelhe dị we phọ ụson ịbadi arikpisi kụ oru ookpomoghi kụ odi ghan dọl dị rókiilaan ghan ẹgham. Ọdi kazuom rạaḅaraph phọ Ịzirel ịpe ọḍuaghu bọ kụ awe ụ́tol ghan bọ mem dị ebia, kụ ọlo eḍighi esi dị oomo awe odi nyịidipho rꞌẹepho.

Dutoronomi 11:31

Nyina kẹḅeeny Jọdan epun, kụ ẹki ẹteeny de phọ ạḍiphe nyina rẹki bọ ọmoogh phọ, ḍịphe Ọmoogh-we Ẹnaan phọ anyina ịngo bọ inyina mọ ịmoogh phọ, erughogh sịphe.

Dutoronomi 3:27

Sịiny ọkar ạnyu Eegum aPisga ạnmanaghian aphogh ekeeny, aphogh elhiom, aphogh risigh, aphogh ọman. Mạar anaan ịyaar lọ nạ ạmiin, ịdi eḍighi bọ nạ rạ́ḅeeny kaphun Jọdan phọ.

Dutoronomi 33:12

Kụ ịlo eghun ạBenjamin ọdi ạḅem ịduon: “Phẹn kụ eghun dị Ọmoogh-we phọ ạphomoghian kụ ạmaar ạpham. Ọdi aḍighi okoriom ạbidi oomo aḍio, Kụ ọdi ạrolan ghan igbo ạbidi.”

Dutoronomi 33:28

Ịduon kụ ẹdi ẹemara ẹemara ạJekob ọrol rꞌẹepho, ọmaar ọrol de dị ịbiakpa rꞌamiim kụ emuza, esi dị ooto kꞌạke phọ kụ asoorom de phọ.

Dutoronomi 4:22

Kụ mị kamugh sịen ade phọ ạḍien. Mị rạ́ḅeeny aani bọ Jọdan kaphun. Nyina kẹḅeeny Jọdan epun ẹki ẹmoogh ịma phọ ade phọ.

Dutoronomi 9:1

“Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Josua 11:23

Kụ aJosua ạsighe oomo ade phọ ạbidi, ạdaph oomo ịpe Ọmoogh-we phọ ạghaaph bọ ạḅeni Mozis. Kụ aJosua ạsighe de phọ adiemi we Ịzirel eḍighi ẹlo ạbidi; ọdaph bin mụo eghun rꞌeghun. Kụ ạraagham emuneen, ade phọ ẹpho esi ạraagham.

Josua 14:1

Ịphen kụ ạramha phọ awe phọ Ịzirel ọmoogh bọ ẹpe ade phọ aKenan, ẹpe Ẹliazar oyil ạrikia phọ rꞌaJosua ọony phọ ạNon rꞌạbuo ạrumhu ạburude arughunughun phọ Ịzirel odiemi bọ bin ẹmoogh phọ bịdi.

Josua 3:17

Ịdipho awe phọ orelhe bọ rọḅeeny ḍịgharaghar ade, ariil ạrikia phọ ạbuphe orool bọ Igbe Ịyo phọ Ọmoogh-we phọ ụmeera ḍịgharaghar ade ogbo ạJodan, tụtu oomo awe phọ oten.

Josua 4:12

Kụ awe eghun aRuben rꞌawe eghun ạGad rꞌạpakiri eghun ạManase ọnyaaghian ibura ẹgham kụ otenom we Ịzirel, ịdipho aMozis ạḅeni bọ bịdi.

1 Sạmuel 7:12

Kụ ạSamuel ạsighe ḍighiigh ạmeremi igbo aMizpa rꞌaSen, kụ ạḅem mọ, “Ọmoogh-we phọ mụlhoghonaan iyoor ḍịghaagh oomo phọ amem mọ,” kụ ọdi aghol ḍighiigh phọ mọ “Aḍighiigh ọloghonaan ạḍighaagh.”