Dutoronomi 12:1 - Ạḍinya Iigbia

¹ “Ịphen kụ ịtooghi phọ rꞌịiruen phọ ịpe nyina kẹpamanam bọ kụ ẹdaph ghan eḍighi ẹpe ade phọ Ọmoogh-we Ẹnaan ạburude phọ anyina ịngo bọ inyina mọ ịmoogh, oomo asuḍughul-otu aghuḍum mọ anyina ịpe nyina kẹtol bọ sịen aḅirini phọ.

Dutoronomi 12:1 Iomraidhean Croise

1 Ạbudaam 8:40

ọbo bịdi oghiilaan ghan nyịna oomo asuḍughul-otu phọ ịpe bịdi kọtol bọ sịphe ade phọ ạḍiphe nạ ạngo bọ bụrude phọ ayoor.

Job 7:1

Aghuḍum oye ạkigh oye dị ọkpaariom mọ ạghi ẹgham, ạkigh ghuḍum dị odimom oḍighi ạḍighaagh dị ạkpar,

Ạsuor 104:33

Mị kạmooraan ni Ọmoogh-we phọ sụor oomo aghuḍum mọ ạmi; oomo ariiḍio ạmi mị kạmoor sụor oboomiom Ẹnaan ạmi.

Ạsuor 119:5

Rꞌoomo ologhi ạmi mị rạwa ni ọmaar ọpham iromoghiom mọ ạna.

Ạsuor 146:2

Mị kaboom ghan nyọdi tụtu mị amugh; mị kạmooraan ni Ẹnaan ạmi oomo aghuḍum ạmi.

Izikiel 20:19

Mị kụ Ọmoogh-we Ẹnaan phọ anyina. Iiko iilogh phọ ạmi rꞌịtooghi phọ ạmi.

Dutoronomi 11:32

Egona ghan siloor anyina, eḍighi ghan oomo ịtooghi phọ rꞌịiruen phọ ọdi ịpe mị rịḅeni bọ inyina rodon.

Dutoronomi 12:19

Igona siloor anyina, íkel ghan bụo aLivait phọ, oomo asuḍughul-otu phọ ịpe nyina kẹtol bọ sịen aḅirini phọ.

Dutoronomi 3:18

“Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Dutoronomi 4:45

Iḍighi mem mọ bịdi mọḍua bọ ẹpe Ijipt kụ mosi ạga emitenom ạJodan ẹpe ekpululu bọ ọtol ropogh Bẹt Pior, kụ ọdi ạngo bọ bịdi iilogh phọ ịphen. Ịsien phọ iḍighi ghan eelhe phọ aSihon ọdaam mọ Ạmorait ọpo arugh bọ ẹpe Hesbon. AMozis rꞌawe Ịzirel ụkpar bọ opu nyọdi mem dị bịdi mọḍua ẹpe Ijipt.

Dutoronomi 4:5

“Mị mịtughemi inyina iilogh phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụḅeni ịmi mọ ịduon kụ ịdi nyina keḍighi ghan ẹpe ade phọ nyina rẹki bọ ọmoogh phọ.

Dutoronomi 5:1

AMozis ạmagh oomo phọ Ịzirel aakpomoghi, kụ ạḅeni bịdi mọ, “Weye Ịzirel, ịnaghan ịtooghi phọ rꞌịiruen phọ ịpe mị ạghaaph bọ rịḅeni inyina rodon, ọbo nyina ẹmaar eeko, ẹtuugh ẹdaph eḍighi.