Dutoronomi 11:9 - Ạḍinya Iigbia

⁹ ọbo nyina ẹrol ẹpe ade phọ ẹkpo, ḍịphe Ọmoogh-we phọ aghunya bọ ạngo bụrude phọ anyina, de ẹetool rꞌọninom.

Dutoronomi 11:9 Iomraidhean Croise

Ẹḍua 20:12

“Lọgh eegu ọde ạna rꞌonhiin ạna, ịdipho Ọmoogh-we Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we phọ Ẹnaan phọ ạna rạngo bọ nyịna.

Ẹḍua 3:8

kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho.

Asidogh 10:27

Nạghanan Ọmoogh-we phọ bịn nạ kạtol li abia. Oḍighinom ịkaraph kamugh ẹpuuny.

Asidogh 3:16

15 Olegheri-ịyaar kụ kạngo nyịna kụudoony aghuḍum, ḅịle rꞌẹelha rꞌeghuan.

Asidogh 3:2

Ịtughemi ạmi kẹngo nyịna kụudoony aghuḍum rꞌạḍigbo.

Asidogh 9:11

Ologhi kạlogh sịa ghuḍum mọ ạna.

Izikiel 20:6

Pọ kụ amem mọ mị aguanaan bọ ọsighe ạbidi omitiom Ijipt kụ ororori ạbidi ọghi ade dị mị mạsaḅar ḍi ạbidi, ade ẹelha rꞌẹnuum, ade ẹetool rꞌọninom dị ẹnighe epu oomo ịdi.

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 11:10

Ade phọ ạḍiphe nyina rẹki bọ ọmoogh phọ ị́tol ịdipho ade phọ Ijipt ẹpe nyina ẹḍua bọ, kụ ẹsighe ghan ruwol anyina kụ eeduom mụum ịdipho ozo ịizupha.

Dutoronomi 11:21

ọbo asiḍughul-otu phọ anyina rꞌasiḍughul-otu ạnmuny phọ anyina ẹdoony, sịphe ade phọ Ọmoogh-we Ẹnaan phọ anyina aghunya bọ ạngo bụrude phọ anyina ọngo ạbidi, ịdipho asiḍughul-otu ẹpe kꞌạke phọ edi bọ sịen aḅirini phọ.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:16

“‘Lọgh eegu ọde ạna rꞌonhiin ạna, ịdipho Ọmoogh-we phọ Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we Ẹnaan phọ ạna rạngo bọ nyịna.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:18

Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Dutoronomi 6:3

Ịnaghan, nyina awe Ịzirel, igona siloor anyina ẹtuugh ghan ịphen phọ kụ eḍighi ghan, ọbo ịnighenom inyina, ẹmaar emuzeḍi, ịdipho Ọmoogh-we Ẹnaan phọ ạburude phọ iguanaan bọ inyina, ẹpe ade ẹetool rꞌọninom.

Dutoronomi 8:7

Ọmoogh-we Ẹnaan phọ anyina ịsighe inyina rạki ḍiiḅi ade ḍịo ạruudu ạmuum rꞌasikol ighool dị ạmuum rakilogh, rꞌaroogbolom;

Dutoronomi 9:5

Ọ́tuan ruukuan anyina rꞌịdi iloghi anyina eseleman kụ nyina rẹki bọ ọmoogh ade phọ ạbidi. Aloor esi ạsipioghom ạramha phọ kụ iḍighi bọ ịdi Ọmoogh-we Ẹnaan phọ anyina raporogh bọ bịdi kạsighe egbodo anyina, ọbo ọdi ạkparami ikpo ọnhu phọ ọdi, ịdipho dị aghunya bọ esi ạburude phọ anyina ạngo Ebraham, Ạizik rꞌạJekob.