Dutoronomi 11:21 - Ạḍinya Iigbia

²¹ ọbo asiḍughul-otu phọ anyina rꞌasiḍughul-otu ạnmuny phọ anyina ẹdoony, sịphe ade phọ Ọmoogh-we Ẹnaan phọ anyina aghunya bọ ạngo bụrude phọ anyina ọngo ạbidi, ịdipho asiḍughul-otu ẹpe kꞌạke phọ edi bọ sịen aḅirini phọ.

Dutoronomi 11:21 Iomraidhean Croise

Ạsuor 72:5

Awe phọ ạna ooseeny ni nyịna oomo amem lọ ogogo phọ rạmu, oomo amem lọ ụnwanyu phọ rạngo ḍịḅaal phọ ọdi kꞌagee-pọ!

Ạsuor 89:30

“Kụ ọlo eḍighi ịyaar dị ọony ọony ọdi kụ ụ́naghanan iilogh phọ ạmi ḅịle ụ́tolan ọdaphan ịto phọ ạmi,

Asidogh 3:16

15 Olegheri-ịyaar kụ kạngo nyịna kụudoony aghuḍum, ḅịle rꞌẹelha rꞌeghuan.

Asidogh 3:2

Ịtughemi ạmi kẹngo nyịna kụudoony aghuḍum rꞌạḍigbo.

Asidogh 4:10

Mọony ạmi, ler rụru ụngo ịmi. Mạghami mạar ịphen mị rạḅeni bọ nyịna bịn aghuḍum ạna kạdoony ni.

Asidogh 9:11

Ologhi kạlogh sịa ghuḍum mọ ạna.

Azaya 65:20

Ạnmuny asipugh kómugh mun ẹghoroghor kụ oomo awe kọtol li opeele ọnhu ạsia phọ ạbidi. Bụdi ọteeny oniin okuron ạsia bịn kọḅem mọ ọbam oki. Aḍuugh dị emite kụ egbi ọteeny oniin okuron ạsia pọ ịlo eḍeenaan mọ mị mạlhiom bịdi.

Dutoronomi 11:9

ọbo nyina ẹrol ẹpe ade phọ ẹkpo, ḍịphe Ọmoogh-we phọ aghunya bọ ạngo bụrude phọ anyina, de ẹetool rꞌọninom.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:16

“‘Lọgh eegu ọde ạna rꞌonhiin ạna, ịdipho Ọmoogh-we phọ Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we Ẹnaan phọ ạna rạngo bọ nyịna.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Ogonanami Phọ 20:6

Iboh rꞌạḍiseph kꞌẸnaan edianaan ni bụphe oḍighom aani bọ sịen ọḅel oḅerion esi aḍuugh phọ. Bịdi mokpetenaan ịikpo aḍuugh phọ emuneniom bọ ịyal phọ. Bịdi koḍighi bụpinyon rịkia Ẹnaan rꞌaKraist dị kọḅarama nyọdi ọtooghi rạraar esi oniin ọonir ạsia.