Dutoronomi 11:18 - Ạḍinya Iigbia

¹⁸ “Kụ iḍighi, ẹmaar ẹpham ịphen mị rịḅeni bọ inyina sịphe iloghi phọ anyina rꞌaruwaloor phọ anyina, ẹsighe ẹghoroghian rạghaagh anyina, eḍighi ghan ẹḅeni esi anyina, ẹrol ghan sịphe iidum ariḍien phọ anyina.

Dutoronomi 11:18 Iomraidhean Croise

Ạsuor 119:11

Mị aseere ologh phọ ạna ologhi ạmi ọbo mị kaḍighi ghan bọ ịkaraph esi ạna.

Ẹḍua 13:16

Eḍighinom mọ ẹphen kẹtol ghan dịadi ịyaar lọ ọkpoom ḍịghaagh mꞌelhor ayira, dị kịghiom ghan iyira ologhi mọ rꞌạḍiikpara ạḍighaagh kụ ẹdi Ọmoogh-we phọ ụsighe bọ iyira amitiom ẹpe Ijipt.’”

Ẹḍua 13:9

Ịphen phọ eḍighi dịadi ịyaar lọ ọkagh ḍịghaagh mꞌelhor anyina, dị kịghiom ghan inyina ologhi ọgbaam ghan rꞌọtuughaam ghan Ologh Ọmoogh-we phọ, ịdi eḍighi bọ rꞌạḍiikpara ạḍighaagh kụ ẹdi Ọmoogh-we phọ ịsighe bọ inyina ạḍuanam ẹpe Ijipt.

Asidogh 3:1

Mọony ạmi, kábula ịlo mị ạtughemi nyịna. Oomo amem tụutughian oḍighi ịlo mị ạḅeni nyịna oḍighi.

Asidogh 3:3

Kámeera omeelom rꞌọḅogh aloor ọngo ekpetenaan nyịna. Kpụa dọl phọ ạḍien orum ạna kụ ạge sịphe ologhi ạna.

Jerimaya 32:39

Eniin ẹephua kụ ẹdi mị kạngo bịdi: ọngo ạmi eghuan oomo amem, ịlo kẹnighenaan bịdi rꞌạnmuny ạnmuny ạbidi.

Matiu 23:5

Kụ tọrobo ịyaar lọ bịdi oḍighi, rọwa ghan mọ awe ọmiin bịdi ọseph. Ịmiin ịdi bịdi ọsighe ịkololoony aruzu-ịnam dị ọgeeghi sịkpigh ạḍinya iigbia phọ kụ ọphiinya yogh rolhor rꞌạraghaagh ạbidi, ẹḅile ẹmiin ịdi ạrusuoma phọ ạbidi ẹgorogoro yogh.

Dutoronomi 32:46

kụ ạḅeni oomo awe phọ Ịzirel mọ, “Ịsighe oomo phọ ịphen mị mạghaaph bọ sịen ogbo phọ anyina rodon ẹlhogh iloghi anyina, ẹḅile ẹḅeni nmụny phọ anyina, ọbo bịdi ọkuami ooko ghan oomo ịpe Ẹnaan ẹtughemi bọ.

Bụo ạKolosi 3:16

Ọghaaph phọ aKraist ạrol li sịphe iloghi phọ anyina, ịngoom inyina ẹeḍiom rꞌolegheri ịyaar! Oniin ạsighe ghan olegheri ịyaar ạtughemiom, aromoghiom ghan nyoniin! Ịmoor ghan sụor aruukuan eboomiom Ẹnaan. Iloghi phọ anyina ẹngo ghan ḍịseph Ẹnaan oomo amem!

Bụo aHibru 2:1

Ịdipho kụ ịdi ẹkpe bọ ni dị yira kọkuami ọpam igey phọ yira mọnaghan bọ ọkananaam, ọbo yira kọkororo ghan bọ omeel.

2 Pita 1:12

Kụ esi ịduon phọ, mị rạ́akpukian ọghiom ghan anyina ologhi, ghạlamo ịdipho nyina melhegheri bọ ni ịphen phọ etene igbaany, ẹḅile ẹkua phạghaphagha sịphe igey phọ nyina mẹnaghan bọ.