Dutoronomi 11:16 - Ạḍinya Iigbia

¹⁶ Igona siloor anyina, ologhi anyina inyina kíbi, ọbo nyina kekiton ghan bọ eeseeny ịnon ạrumugh ẹeḅereghi bịdi.

Dutoronomi 11:16 Iomraidhean Croise

1 Ạbudaam 8:35

“Kụ mem lọ oghughi ẹpe ạke phọ kụ ọlophia ụ́loph loor ịkaraph dị oḍighi oru esi ạna, kụ eru mạar dị bịdi oru egbodo esi phọ ịsien kụ ọoḅereghi kụ olegheri ḍien phọ ạna, kụ okiton esi ịkaraph phọ ạbidi mem dị nạ rạliom bịdi,

Job 31:27

Mị kőphe ghan eten oghueni ạbidi ḅịle rꞌọkpun ạḍighaagh ạmi oghueniom ạbidi.

Azaya 44:20

Eḍeenaan ologhi ịdi kọtomaam oye lọ rạlaay ghan ọoru. Ịitughian élegheri-ịyaar phọ ọdi mebi nyọdi ịdi ịlo ọphel ílho. Ọdi kátue ameera mọ ẹkaaneen ịyaar phọ ọno ạpham bọ ḍịghaagh kẹ́mugh ni bịn.

Elegh aLuk 21:34

“Igona loor anyina. Kémeera iloghi phọ anyina ịiḅaghami inyina loor olhe ghan uruur rꞌọoko amiim, rꞌigbiriḅa ịlo ạraraar ịsien aḅirini phọ, ọbo aḍio phọ ạḍiphe kimeelom ghan bọ inyina ekperenom

Elegh aLuk 21:36

Ịtol esi ogon ẹeḅereghi ghan oomo amem, pịdi nyina ẹmoogh ịnyaam ọmerenyan oomo ạraraar phọ ịphen osi eekuna ḅịle rꞌọmeeraam aghisigh Ọony phọ Oye.”

Elegh aLuk 21:8

Kụ ọdi mọ, “Igona loor anyina, ọbo kiikeleghi ghan bọ inyina, ịdi eḍighi bọ ịbadi kotu ni kụ okophora ḍien phọ ạmi kụ ọḅem ghan mọ ạbuno kụ aMesaya phọ, ḅịle kẹn mọ, ‘Amem mọ mesi sịen ẹda ạḍighaagh!’ Kẹ́daph bịdi.

Dutoronomi 12:30

igona siloor anyina, ọbo bịdi kiikeleghi ghan bọ inyina bịn nyina ẹdaph bịdi, ịdipho mophiemi bọ bịdi risigh anyina. Ípuru ghan olegheri ịlo ạrumugh phọ ạbidi. Ípuru ghan mọ, ‘Ạramha phọ ịphen phọ ụuḅereghi ghan rụmugh phọ ạbidi ika?’ Ẹrol dị yira ọtuugh ọoḅereghi aani.

Dutoronomi 13:3

pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 17:3

Eru mạar dị ọdi ạghi raaseeny ghan ịnon ạrumugh kụ rạaḅereghi ghan bịdi: mꞌerumuḍio mꞌụnwanyu mꞌoomo ịpe edi bọ ẹpe okuaḍio phọ, ịpe mị ụ́ḅem bọ,

Dutoronomi 28:14

Ị́bile ghan ịphen mị rịḅeni bọ inyina rodon, ẹgbatanaan ẹghi ḍịghaagh elhiom mꞌạḍighaagh ekeeny, ẹghi ẹeḅereghi, eeseeny ghan ịnon ạrumugh.

Dutoronomi 29:17

Nyina ịmiin ni sịḅaphanya phọ ạbidi, igbudu phọ ạbidi, ịpe ireeny phọ rꞌịpe ạrana phọ, silva rꞌagol phọ eko bọ bịdi ekitonom.

Dutoronomi 29:18

Igona siloor anyina sịphe ogbo phọ anyina, mꞌolephiri mꞌạnir mꞌọto mꞌeghun ọlo ologhi kakitonu rodon bịn ạḍua esi Ọmoogh-we phọ Ẹnaan phọ ayira ạki aaseeny rụmugh ịnon areelhe phọ, ọbo ạḍini dị kemuum iimuma eghiḍim rꞌaḍuugh kẹtol ghan bọ sịphe ogbo phọ anyina.

Dutoronomi 30:17

Kụ eru mạar dị iloghi phọ anyina enmia kụ nyina ị́naghanan kụ ẹḍua ẹghi rẹeḅereghi reeseeny ghan ịnon ạrumugh,

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 4:23

Igona siloor anyina ọbo nyina kebula ghan bọ ịyo phọ Ọmoogh-we Ẹnaan phọ anyina, ịpe ọdi rꞌanyina eghiran bọ,

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 5:7

“‘Imuton ịmi ẹnon ẹmugh kạ́aḅereghi.

Dutoronomi 8:19

Eru mạar dị nyina ewula Ọmoogh-we Ẹnaan phọ anyina bịn ẹdaph eeseeny ịnon ạrumugh, ẹeḅereghi bịdi, mị rạpur sịruru anyina rodon phọ ạḍien, bịn nyina eguul.

Bụo aHibru 12:15

Igona loor, ọbo ọghor phọ Ẹnaan kakpetenaan ghan bọ ọnyo anyina. Igona kẹn loor mọ eghiḍim kị́moogh sịni esi anyina, ịdi eḍighi bọ resi rẹmanam keḍighi ni oboom ọgbaragbara ogbo phọ anyina.

Bụo aHibru 2:1

Ịdipho kụ ịdi ẹkpe bọ ni dị yira kọkuami ọpam igey phọ yira mọnaghan bọ ọkananaam, ọbo yira kọkororo ghan bọ omeel.

Bụo aHibru 3:12

Bụo asiya, igona loor anyina ẹmiin mọ rꞌoniin ọnyo anyina ọ́moogh ologhi dị eeph iboom rꞌemeeraam, dị ọdi kạgbatanaan ạḍua esi Ẹnaan phọ edi ghan bọ.

Bụo aHibru 4:1

Ịdipho oguan phọ Ẹnaan mọ yira koḍigh aani ni dọl ophooghian phọ ọno udianaan bọ ni iyira, ẹkpe ghụn ni dị yira komiigha loor ọbo rꞌoniin ọnyo anyina kạpiom ghan bọ owol oḍigh aani ạdol ophooghian phọ ạḍiphe phọ.

Jems 1:26

Oye lọ ạḅem mọ ọno ameeraam Ẹnaan kụ nem ọdi óoko, pọ ọdi rabia ni loor ọdi, omeeraam mọ ọdi kẹn ọ́man ịyaar.

1 Jọn 5:21

Ịbam ạnmuny, imiigha loor ítuman ghan rụmugh ọkpe!

Ogonanami Phọ 12:9

Kụ oroph oboom mọ anonom oḍual ạrumhu phọ omitiom. Ọdi kụ egbaany ẹkaraph-ịyaar phọ oghol bọ mọ Eru ḅịle rꞌaSetan phọ eekeleghi bọ oomo aḅirini phọ. Kụ oroph nyọdi rꞌoomo ạruukpaany phọ ọdi osiemi ude.

Ogonanami Phọ 13:14

Kụ ọdi ạsighe ni ịiḍaany phọ omeeraam bọ mọ ọdi aḍighi yogh amitiom ghisigh ẹḅel elhom ẹnam mọ aakeleghiom oomo awe phọ orugh bọ sịen ade phọ. Ẹnam mọ ẹphen phọ ịḅeni ni oomo awe aḅirini phọ mọ ọka ịyaar ọotughianam ghan elhom ẹnam mọ ẹpe elhool ẹgham mọ esoroghuom bọ kụ úmugh bọ.

Ogonanami Phọ 20:4

Kụ mị ụḅile ni ạmiin sịgada ọdaam rꞌạbuphe ọrologhom bọ. Ụngo ni bịdi ịnyaam oogboom ịiruen. Mị ụmiin kẹn ni ruwaloor ạbuphe ọtuan bọ mọ ọkaaph ịpe ạJizos agananami bọ ḅịle ọghaaph phọ Ẹnaan kụ ọzeeghi bọ. Bịdi kꞌekulha úuseeny elhom ẹnam mọ mꞌịyaar ọotughianam ghan ọdi phọ, ḅịle kẹn ụ́logha aani elegh elhom ẹnam mọ rolhor mꞌạraghaagh phọ ạbidi. Bịdi ụrol li ọḅarama Kraist ọtooghi rạraar ịdipho ạbudaam esi ọonir ạsia phọ.

1 Sạmuel 12:20

ẠSamuel ạphagharanaan bịdi mọ, “Kékiilaan. Ghạlamo sịpioghom mọ ịphen nyina mẹpioghom bọ ni, kẹ́ḅitonaan Ọmoogh-we phọ. Ikumu ni nyọdi rꞌoomo iloghi phọ anyina.

1 Sạmuel 12:21

Kẹ́daph ruru: bịdi inyina kétue ẹloghonaan ḍịghaagh, kétue kẹn ẹpel loor esi dị bịdi ị́moogh ịyaar oḍighinom.