Dutoronomi 11:15 - Ạḍinya Iigbia

¹⁵ Kụ mị aḍighi ịdi ạroogho kasiighi sịphe asileeny phọ anyina ịlo ạsinam mọ anyina, ọbo nyina ele ghan ịpher inyina.

Dutoronomi 11:15 Iomraidhean Croise

1 Ạbudaam 18:5

Kụ Ehab ạḅeni Obadaya mọ, “Itu ọghi orelhe yogh ẹpe oomo ade ạmuum mọ, rꞌẹpe oomo iiḍiph phọ, ạgama, ịdipho oḍighom ịyaar, yira kọmiin ni rọogho ọsighe otu ọngo ịnam adool rꞌạrusu phọ ayira, ẹrol dị bịdi eḍum, ọbo rꞌeniin ẹnam mọ ayira kemugh ghan bọ.”

Ạsuor 104:14

Nạ amitiom rọogho mọ ạsinam ẹraal ghan rꞌịizupha awe sịen ade phọ dị rẹngo eḍien,

Jerimaya 14:5

Ẹpe eḍum mọ ọya ọnuen dị ạmar mạwile omoom ọony phọ ọdi loor esi dị ạroogho ólho.

Joel 1:18

Ạsinam reḅeela loor ọkoony loor esi dị ạroogho ọraal ólhoonaan bịdi; asita iyool-ịga phọ kẹn rẹmiinom.

Joel 2:19

Ọdi ạphagharanaan bịdi: “Nyịidipho mị kịngo inyina ịbiakpa rꞌamiim rꞌạmunum-ọliv, kụ kịgbaanyan ni inyina. Ịnon areelhe kị́ḅitonaan mun inyina.

Joel 2:22

Ịnam, kẹ́moogh oghiilaan; Ạroogho phọ agbidiim; ireeny phọ emuum iimuma phọ ạbidi, kụ iimuma ireeny ạfig rꞌireeny avain emuza.

Joel 2:26

Nyịidipho nyina kẹmoogh eboom ẹlo olhe, kụ ẹgbaanyan. Nyina keeseeny Ọmoogh-we Ẹnaan phọ anyina, ọpo miḍighinaan bọ inyina iikia ạraraar. We phọ ạmi kọ́ḅitonaan mun.

Lịvitikos 26:5

Ariiḍien phọ anyina kẹpughan ni ẹku ịbiakpa mem dị mẹteeny ookoroghi iimuma, kụ nyina ẹḅile ghan kẹn ẹson iimuma mem dị mẹteeny ọzuph ịbiakpa. Nyina kele ghan ni eḍien ịpher inyina kụ ẹtol ẹereegh sịphe ade phọ.

Hagai 1:6

Nyina mẹzuph iboom ịbiakpa, kụ rẹku ọony ẹnum bịn. Nyina ẹmoogh ni eḍien olhe, kụ ọlo ị́manam ọpher oye. Nyina ẹmoogh ni miim ọphughol, kụ ọlo ógeni dị kakiigh oye! Nyina ẹmoogh ni rukpe, kụ ọlo ígeni ọngo anyina ẹghologhol. Ḅịle kẹn bụphe odiighi bọ sidom mọ róle ghan ikpoki dị egeni ọrolom.

Dutoronomi 6:11

rꞌaruutu dị oomo igey ạraraar kụ emuza, ịdi nyina kụ ị́moogh, rꞌasighuḍia dị oguphogh, ịdi nyina kụ íguphogh, rꞌiizo avain rꞌireeny ọliv dị nyina kụ ị́zuphogh, mem lọ nyina elhe kụ ịpher inyina,

Dutoronomi 8:10

Mem lọ nyina ele kụ mịpher inyina, ịseph ghan Ọmoogh-we Ẹnaan phọ anyina ịlo aḍiiḅi ade phọ dị ịngo bọ inyina.