Dutoronomi 11:13 - Ạḍinya Iigbia

¹³ “Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 11:13 Iomraidhean Croise

1 Ạbudaam 3:3

ẠSolomon ạphomoghian Ọmoogh-we phọ, ạdaph oomo oroma phọ ịpe aDevid ọde phọ ọdi arelhe ghan bọ, omuton ọphinyonaan ạrikia phọ rꞌọsuughi ịmuwa phọ ạnyu arenmeny ạrikia phọ.

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 119:4

Ọmoogh-we, nạ mụngo iyoor iilogh phọ ạna kụ ụḅeni iyoor mọ ọmaar ooko.

Jerimaya 17:24

“Ḅẹni weye phọ ạbuen mọ bịdi ọnaghanan ịtooghi phọ ạmi. Bịdi kútool dool uḍighom rụnhu-aḍibuo ẹmha phọ ẹphen ḍio ophooghian phọ. Bịdi ooko ghan ḍio ophooghian phọ ịdipho aḍio iigbia ḅịle kẹn bịdi kụ́ḅogh ịyaar úḍighi.

Izikiel 34:26

“Mị kạseph ni bịdi kụ aḍighi ịdi bịdi kọtol okoom eegbolom iigbia phọ ạmi. Sịphe mị kạsephom bịdi oyiririph ọlophia mem lọ bịdi ọwa.

Lịvitikos 26:3

“Eru mạar dị nyina ẹphamanam ni ịtooghi phọ ạmi rꞌịiruen phọ ạmi kụ ẹdaph eḍighinom,

Lịvitikos 26:4

pọ mị kạloph ghan ọlophia ọkaraghi amem mọ, ọbo ade phọ esoor ghan eḍien, kụ ireeny ịsiphe ade phọ emuum ghan iimuma phọ ạbidi.

Dutoronomi 10:12

“Kụ nyịidipho, we Ịzirel, ịphen phọ kụ ịdi Ọmoogh-we phọ Ẹnaan phọ anyina rạwa ḍịghaagh anyina: oghiilaan Ọmoogh-we phọ Ẹnaan phọ anyina, rꞌọdaph ghan oomo areten phọ ọdi, rꞌọphomoghian ọdi, rꞌooseeny ghan Ọmoogh-we Ẹnaan phọ anyina rꞌoomo ologhi phọ ạna rꞌuwaloor phọ ạna.

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 11:22

“Eru mạar dị nyina esereghian kụ eeko oomo iilogh phọ ịphen mị ạlogh bọ ịngo inyina kụ eḍighi ghan, ẹphomoghian Ọmoogh-we Ẹnaan phọ anyina, ẹdaph ghan reten phọ ọdi, eḍighom nyọdi,

Dutoronomi 11:8

“Kụ iḍighi, ẹmaar eeko ghan oomo iilogh phọ ịphen mị ạlogh bọ ịngo inyina rodon, ọbo nyina ẹmoogh ịnyaam ẹghi esi ẹmoogh de phọ, ḍịphe nyina rẹki bọ ọmoogh phọ,

Dutoronomi 28:1

“Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina kụ eeko ghan iilogh phọ ọdi, ịphen mị ạlogh bọ rịḅeni inyina rodon, pọ Ọmoogh-we Ẹnaan phọ anyina kiphoophe ni inyina apuemi oomo ịpheri phọ areelhe ịsien aḅirini phọ,

Dutoronomi 4:29

Ẹpe phọ kụ ẹdi nyina kẹwa Ọmoogh-we Ẹnaan phọ anyina, kụ eḍighi dị nyina ẹwaam nyọdi rꞌoomo ologhi phọ anyina, rꞌoomo uwaloor phọ anyina, nyina kẹmiin ni nyọdi.

Dutoronomi 6:17

Isereghian, ẹmaar eeko iilogh Ọmoogh-we Ẹnaan phọ anyina rꞌạraraar eḍeenaan phọ rꞌịtooghi phọ ịpe ọdi ạlogh bọ.

Dutoronomi 7:12

“Eru mạar dị nyina ẹnaghanam ni kụ eeko kụ ẹdaph reḍighinom, pọ Ọmoogh-we Ẹnaan phọ anyina kạpamanam ni ịyo phọ rꞌọnma ighirigiir phọ dị aghunya bọ ạngo bụrude phọ anyina.