Dutoronomi 10:22 - Ạḍinya Iigbia

²² Ạburude phọ anyina ọpham bọ oḍualdi awe kụ ogheelom bọ Ijipt; kụ nyịidipho Ọmoogh-we Ẹnaan phọ anyina mịbughe inyina ịdipho ạraanaan phọ edi bọ kꞌạke eḍiza.

Dutoronomi 10:22 Iomraidhean Croise

Emiighom 15:5

Kụ Ọmoogh-we phọ ạpham nyọdi amitenom erugh kụ ạḅeni nyọdi mọ, “Pogh okuaḍio phọ. Bạl rạanaan phọ, mụghumo nạ katue ni, agbi amuneni. Ịdipho kụ ẹdi ẹemara ẹemara ạna koleeny.”

Emiighom 22:17

mị maguanaan mọ mị kạngo nyịna ịbadi ẹemara dị kẹtol ịdipho ạraanaan phọ edi bọ kꞌạke phọ rꞌikpo ịisaar phọ edi bọ sịphe ọphiiny phọ. Ẹemara ẹemara ạna kọkpar ri opu ghan bụmulogh-ḍien ạbidi.

Emiighom 46:26

Oomo ọto ạJekob dị rꞌọdi ogheel bọ Ijipt. Bụdi oru ọkaraghi ạbudi dị kụ ạmar, dị ụ́ḅaram nmạriir ạnmuny phọ ạJekob, ọman bọ odiinydi rꞌodiiny awe.

Emiighom 46:27

Ạnmuny phọ, bụphe ọmaranaan bọ Jọsef ẹpe Ijipt, ịyal ạnmuny: oomo ọto ạJekob dị ogheel bọ ẹpe Ijipt, oḍualdi awe.

Nehemaya 9:23

Nạ ụngo bịdi ịbadibadi ạnmuny ịdipho ạraanaan phọ ịpe edi bọ okuaḍio phọ, kụ ạngo bịdi ịnyaam ọkpar opu kụ orugh sịphe ade phọ nạ aguanaan bọ ọngo bụrude ạburude ạbidi.

Ẹḍua 1:5

Aḍita oomo ạnmuny phọ ạJekob ụman ni oḍualdi awe; mebia ni dị ạJosef ọony phọ ọdi odi ghan bọ ẹpe Ijipt.

Igbiighi 26:51

Ogbi bọ we phọ Ịzirel ọman bọ 601,730 awe.

Igbiighi 26:62

Ogbi bọ bịdi ọman bọ 23,000 awe, omiigh tọrobo olephiri ọony lọ mạman oniin ụnwanyu kụ ọghiom risigh. Ụ́ḅaram bịdi úgbiom aani rꞌawe phọ Ịzirel, ịdi eḍighi bọ ụ́ngaani bịdi bin ẹmoogh sịphe awe phọ Ịzirel.

Iiḍighi 7:14

Kụ ạJosef arom ọghi ọmagh Jẹkob, ọde phọ ọdi, rꞌoomo ọto phọ ọdi, kụ ụman oḍualdi rꞌoogh awe.

Dutoronomi 1:10

Ọmoogh-we Ẹnaan phọ anyina mịbughe inyina. Rodon nyina meḍiza ịdipho ạraanaan phọ ẹpe kꞌạke.

Dutoronomi 1:11

Ọmoogh-we Ẹnaan ạburude phọ anyina mịbughe inyina eḍighi ḍiza oniin ọonir amem epu, ịseph inyina ịdipho ọdi iguanaan bọ inyina.

Dutoronomi 26:5

Kạaph ạḅeni Ọmoogh-we Ẹnaan phọ ạna mọ, ‘Ọde phọ ạmi ọlo ạSiria dị ịlo ọrol úlegheri kụ asuma agheel Ijipt kụ arugh ẹpe, ịyal-ikpo ạbidi kụ ugheel bọ ẹpe phọ, kụ ọdi aḍighi eboom eelhe oḍiza ọbugh omitiom ḍien.

Dutoronomi 28:62

Nyịidipho nyina eḍiza ịdipho ạraanaan phọ edi bọ kꞌạke phọ, kụ Ọmoogh-we Ẹnaan phọ anyina kighome inyina, ịdi eḍighi bọ nyina ị́naghanan ẹḍogh phọ ọdi.

Bụo aHibru 11:12

Kụ Ebraham mọ ọphon phọ mạrol bọ ni rapogh ḍuugh, kụ aḍighi bọ ọde ẹemara ẹemara phọ eḍiza bọ ịdipho ạraanaan phọ ịpe edi bọ kꞌạke, ḅịle rꞌikpo ịisaar phọ kótue bọ ọbal omuneni edi bọ oogbom ọphiiny phọ.