Dutoronomi 10:21 - Ạḍinya Iigbia

²¹ eetumaam ghan nyọdi. Ọdi kụ Ẹnaan anyina, nyẹpe iḍighi bọ inyina iboom mọ ịphen eḍigh bọ ruugu ịpe nyina ẹsighe riḍien anyina ẹmiinom.

Dutoronomi 10:21 Iomraidhean Croise

2 Sạmuel 7:23

Ẹnon eelhe sịen ade phọ dị ẹghigh Ịzirel ílho, bụen nạ ạtagharan bọ dọl ạrebene phọ kụ ạsighe aḍighi weye ạna. Igbogh rꞌịikia ạraraar phọ nạ aḍighinaan bọ bịdi memitiom ḍien phọ ạna eleenye aḅirini phọ. Nạ uphorogh ni ịnon areelhe rꞌạrumugh phọ ạbidi ạsighiogh mem mọ awe phọ ạna rotu bọ, awe phọ nạ ạtagharan bọ ẹpe Ijipt, mọ oḍighi bụo ạna.

Ạsuor 109:1

Mị aboom nyịna, Ẹnaan; káḅoorian.

Ạsuor 145:6

Awe kọkaaph ni ịlo iboom iiḍighi phọ ạna, kụ mị agbeelom igbogh phọ ạna.

Ạsuor 148:14

Ọdi ạkparami ni eelhe phọ ọdi. Pọ kụ ịyaar phọ oomo awe phọ ọdi roboom bọ nyọdi, awe Ịzirel oḍighi bọ ẹekaany esi ọdi. Iboom Ọmoogh-we phọ!

Ạsuor 22:3

Nạ Oye Iigbia. Nạ ạtolom oobagaam mọ Ịzirel dịadi ạgada ạraalha.

Ẹḍua 15:2

Ọmoogh-we phọ kụ ịnyaam ạmi rꞌạḍuor ạmi; Ọdi kụ ọpelia ạmi. Ọdi kụ Ẹnaan ạmi. Mị kaboom ghan ni nyọdi. Ọdi kụ Ẹnaan ọde ạmi, mị kabagaam ni nyọdi.

Ẹḍua 34:10

Ọmoogh-we phọ ạḅeni Mozis mọ, “Nyịidipho mị maghiran ịyo rꞌoomo awe phọ Ịzirel. Risigh ạbidi mị kaḍighi ịiḍaany, ịdi kőḍighi ghan sịen aḅirini phọ, kẹn ke̋mite ghan ẹnon eelhe. Oomo awe kọmiin ni ọdo igbogh ạraraar dị mị Ọmoogh-we phọ katue aḍighi loor esi dị mị kaḍighinaan nyịna ịyaar aḍiigu.

Azaya 60:19

“Amem kẹ́tol mun dị erumuḍio kụ kẹḅile ẹngo nyịna ḍịḅaal ootaany Ḅịle ụnwanyu kụ kạngo nyịna ḍịḅaal ḍughul; Mị Ọmoogh-we phọ kụ kaḍighi ḍịḅaal ạna kꞌagee-pọ; Ạḍiḅaal eegu phọ ạmi kẹmuom nyịna.

Azaya 64:3

Amem ịrol li dị nạ aru aḍighi imananaan dị yoor ologhi úseere; aruugum mọ ẹmiin nyina kụ ephiigha rꞌaḍiigu.

Jerimaya 17:14

Ọmoogh-we, uukonom ịmi bịn mị kạkaraghi ni amoon; ụtagharan ịmi bịn mị kạkaraghi ni akpetenaan. Nạ kụ ọdi mị raboomi ghan bọ!

Elegh aLuk 2:32

Ọdi kaḍighi ni ḍịḅaal dị kegananami eten phọ ạna eḍeenaan ruuruen phọ, ẹḅile ekueniom oomo aweye phọ Ịzirel.”

Josua 24:18

Kụ Ọmoogh-we phọ aphorogh oomo awe phọ ạsighiogh esomanan ayira rꞌạbuo Ạmorait phọ orugh bọ sịphe ade phọ, kụ iḍighi kụ yira kooseeny ghan Ọmoogh-we phọ, ịdi eḍighi bọ ọdi kụ Ẹnaan ayira.”

Ogonanami Phọ 21:23

Ẹmha phọ ị́moogh ịyaar oḍighinom ạḍiḅaal erumuḍio phọ rꞌụnwanyu phọ, loor esi dị ạḍiḅaal eegu phọ Ẹnaan esoorom ni nyọdi, ḅịle Ọony Oyool-ọga phọ kụ ọtozi ọdi.

1 Sạmuel 12:24

Ịnaghanan ghan Ọmoogh-we phọ ekumu nyọdi agey rꞌoomo ologhi anyina. Ịitughian ghan igbogh ạraraar phọ ọdi miḍighinaan bọ inyina.