Dutoronomi 10:19 - Ạḍinya Iigbia

¹⁹ Kụ iḍighi, ịpomoghian ghan ruuruen, ịdi eḍighi bọ nyina ịrol li dọl aruuruen ẹpe Ijipt.

Dutoronomi 10:19 Iomraidhean Croise

Ẹḍua 22:21

“Kẹ́miine ḅịle kẹ́gbiphoghom ooruen. Ilegheri mọ nyina ịrol li mem iiruen ẹpe Ijipt.

Izikiel 47:22

keḍighi bin ẹmoogh anyina. Aruuruen lọ odianan rꞌanyina kụ mọmar nmụny sịen kọmoogh aani ni bin ade phọ mem dị nyina edian. Kopoghom bịdi ekpeḍien dị bịdi ọkar oḍighi bụo Ịzirel kụ kodi ẹdo kụ opinom bin ade phọ rꞌarughunughun phọ Ịzirel.

Izikiel 47:23

Tọrobo ooruen kụ odi sịphe ade phọ kapin aani ịdipho awe eghun phọ ọdi ophin bọ. Mị Ọmoogh-we dị ạmoogh oomo ịikpo kụ mạḅem.”

Elegh aLuk 17:18

Uḍighi ika kụ oniin ooruen phọ ọphon bịn kụ aḅula bọ raboom ghan Ẹnaan?”

Elegh aLuk 6:35

Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph.

Bụo aGaletia 6:10

Loor ịphen phọ, ọony eepoogh lọ yira ọmoogh, oḍighi ghan ni iiḅi tọrobo oye, kụ ẹkaraghi ẹkpaariom esi ạbuo asiya phọ momeeraam aani bọ!

Dutoronomi 23:7

“Ímutonaan ghan ọlo Idomait, ịdi eḍighi bọ bịdi abumor anyina; ímutonaan ghan ọlo Ijipt, ịdi eḍighi bọ nyina ịrol li iiruen ẹpe ade phọ ạbidi.

Dutoronomi 23:8

Ịraar oghiil esi ạnmuny phọ ạbuphe ọmaranaan bọ bịdi, ọghi aani ghan ni ookpomoghan awe Ọmoogh-we phọ.