Dutoronomi 10:18 - Ạḍinya Iigbia

¹⁸ Ọdi kụ raagbo ghan ịiruen ạnmuny-ịgo rꞌarukpekele ạnmariir. Ọdi ạpomoghian ruuruen rạngo ghan bịdi eḍien rꞌarukpe.

Dutoronomi 10:18 Iomraidhean Croise

2 Krọnikuls 19:7

Ịlogh eegu Ọmoogh-we phọ kụ ẹmaar emiighe loor, loor esi dị Ọmoogh-we Ẹnaan phọ ayira rakel bụlo oogbegheḍiom we, rꞌạbulo oḍighan ạga rꞌạbulo ọsighe oti ọman.”

Ạsuor 10:18

Leeleminaan ịiruen ạnmuny-ịgo rꞌạbuphe rọmiinom bọ, ọbo oye phọ ọlhemom bọ ọposo kạdeghogh ghan bọ bịdi bịn okpereghaan yogh.

Ạsuor 103:6

Ọmoogh-we phọ raagbo ghan ịiruen kạphel bụphe awe rọgbiphoghom bọ kụ ạngo bịdi ịlo ẹkpianaan.

Ạsuor 145:9

Ẹnighe ọdi ẹteeny ni tọrobo oye kụ ọdi ạnma ighirigiir oomo ọlem mọ ọdi.

Ạsuor 146:9

Ọdi ạmaar ghan rạpam ruuruen lọ odi de ayira; ọdi rạpel ghan rukpukele ạnmariir rꞌạbunyigo ạnmuny kụ kaphiemi we ạsipioghom.

Ạsuor 68:5

Ẹnaan, ọpo odi ghan bọ ologhi Otu iigbia phọ ọdi, ạmaar ghan rạpam bụnyigo ạnmuny kạḅile ạmaar aphogh rukpukele ạnmariir,

Ạsuor 68:6

Ọdi ramitiom ghan esi ọrol bụlo otu úlho kạḅile aḍiemiom bụo ikoli ọrol ạdol ẹereegh rꞌibo. Kụ ọlo awe ọḅaar ẹmhu kọtol de lọ awe úlho ghan.

Ẹḍua 22:20

“Oye lọ ạphighironaan ẹkia kụ ạngo ẹnon emugh dị ítu Ọmoogh-we phọ, itoph oye phọ ọpo ogbeph emutonaan nyọdi.

Ẹḍua 22:21

“Kẹ́miine ḅịle kẹ́gbiphoghom ooruen. Ilegheri mọ nyina ịrol li mem iiruen ẹpe Ijipt.

Ẹḍua 22:22

Kẹ́miine ekpukele ạnir ḅịle rꞌọnyigo ọony.

Ẹḍua 22:23

Eḍighi ịyaar lọ oye ạmiine, mị Ọmoogh-we phọ kạnaghan ni mem lọ bịdi umoghiom ịmi ọloghonaan ạḍighaagh.

Azaya 1:17

Kụ ẹtuugha oḍighi ghan igey. Ịmiin mọ oseleman ạtol — ịloghonaan ḍịghaagh bụphe rọgbiphoghom bọ, ịngo bụnyigo ạnmuny ịlo eru ịlo ạbidi, kụ ẹphel rukpukele ạnmariir phọ.”

Jerimaya 49:11

Ịwilenaan ịmi bụnyigo ạnmuny phọ anyina kụ mị kạmaar ri ạpam bịdi. Arukpukele ạnmariir phọ anyina kuḍuom ịmi ologhi.

Hosia 14:3

Asiria kótue ụphel iyoor kụ ịnam-ạsu ẹgham kétue iikpereghi iyoor. Yoor kọ́ḅeni mun ịkaaghineen ạrumugh mọ bịdi kụ Ẹnaan ayoor. Ọmoogh-we, nạ bịn kụ raḍeenaan ghan ọnma ighirigiir bụnyigo ạnmuny.”

Lịvitikos 25:35

“Eru mạar dị umor ạna ameel ekulom dị kátue ạpama loor ọdi, pọ nạ sịghe nyọdi arughom, ịdipho ooruen.

Igbiighi 10:32

Kụ eru mạar dị nạ ụdaph ni iyoor, pọ tọrobo iiḅi phọ ịpe Ọmoogh-we phọ kuḍighi bọ iyoor, ịpe phọ kụ ịdi kọtuugh ni oḍighi aani nyịna.”

Matiu 5:45

ọbo nyina eru nmụny Ọde phọ anyina odi bọ kꞌạke phọ. Ọdi aḍighi ni dị ogogo phọ ọdi ạmu rasoorom ghan bugey rꞌạbukaraph, ḅịle ọlophia phọ rạlophom ghan bugey rꞌạbukaraph.

Iiḍighi 14:17

kụ ọ́wile bịn dị ụ́maaghi iniin ịlo aḍimite phọ ọdi. Raḍighi ghan iiḅi, odi kꞌạke rạngo ghan ọlophia, rꞌamem ẹeḍiom, kụ rịpheremi ghan inyina eḍien rꞌọḅaal ologhi.”

Dutoronomi 27:19

“‘Itulughian ẹrolonaan oye lọ anme akeel ịiruen ooruen, mꞌịlo ọnyigo ọony, mꞌịlo ekpukele ạnir.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’