Dutoronomi 10:17 - Ạḍinya Iigbia

¹⁷ loor esi dị Ọmoogh-we phọ Ẹnaan phọ anyina, ọdi kụ Ẹmugh dị epu oomo ạrumugh, egbogh Ẹmugh dị ẹbugh, eḍigh ruugu; oye ọ́ghigh ịyaar esi ọdi, rále ghan oti-ọman.

Dutoronomi 10:17 Iomraidhean Croise

2 Krọnikuls 19:7

Ịlogh eegu Ọmoogh-we phọ kụ ẹmaar emiighe loor, loor esi dị Ọmoogh-we Ẹnaan phọ ayira rakel bụlo oogbegheḍiom we, rꞌạbulo oḍighan ạga rꞌạbulo ọsighe oti ọman.”

Nehemaya 1:5

“Ọmoogh-we Ẹnaan kꞌạke, nạ ạbugh ni kụ yoor ọmeera esi oghiilaan ạna. Nạ raako ghan ni ịyo lọ nạ aghiran rꞌawe phọ ạbuphe ọphomoghian bọ nyịna kụ roḍighi ghan bọ ịlo nạ ạḅem.

Nehemaya 4:14

Mị ụmiin mọ aruugu rasiph we phọ, kụ mị ạḅeni bịdi rꞌabuḍiemiom mọ rꞌạbuo iiḍighi phọ ạbidi mọ, “Kékiilaan ẹpomoghian phọ ayira. Ịitughian ịpe Ọmoogh-we phọ ạman bọ esi eegu rꞌịikpo, kụ eghol we ẹmha phọ anyina, nmụny anyina, nmạriir anyina rꞌaruutu anyina eeghi ẹgham mọ.”

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Job 34:19

Ọdi ráḍighan ghan rạalha phọ kạgbiphoghom rukulom, loor esi dị ọdi kụ ạlhem ni tọrotoro oye.

Ạsuor 99:3

Tọrobo oye kaaseeny ḍigbogh aḍien eegu phọ ọdi. Ọdi oye iigbia.

Ẹḍua 23:8

Kále ịgara loor esi dị ịgara reḍighi ghan ịdi awe kọ́miin mun ịpe eru bọ elhiom ḅịle rẹpuenaan ghan rạghaaph awe lọ ụ́piom.

Azaya 37:16

“Ọkar Ogbogh Ọmoogh-we Ẹnaan phọ Ịzirel, ọpo ọrolomi bọ okupheriom ogbo ạruukpaany aghuḍuul phọ. Nạ bịn kụ Ẹnaan dị ạda oomo areelhe ịsien aḅirini phọ. Nạ kụ ụlhem bọ kẹ phọ rꞌade phọ.

Azaya 9:6

Mụmaranaan iyira mọony! Mụngo iyira ọkpana! Ọdi kaḍighi ọdaam ayira. Nyọdi kọmagh mọ, “Ịiḍaany,” “Uwo Oroma,” “Ẹnaan oomo ịikpo,” “Ọde kꞌagee-pọ,” “Ọkpana Ẹepho.”

Jerimaya 20:11

Kụ ọlo nạ, Ọmoogh-we, odi ni rꞌạmi rꞌiboom mọ ịikpo phọ ạna, ḅịle kẹn ạbuphe rụgbiphoghom bọ ịmi komeleghu ni. Komuton bịdi eephoogh kꞌagee-pọ, loor esi dị bịdi kótue oḍighi ịyaar. Kótue obula omutonaan eephoogh phọ ạbidi.

Jerimaya 32:18

Nạ maḍeenaan ẹphomoghian dị rébi ghan ạngo ịbadi ạsimuunir, kụ ọlo mạḅile kẹn ni ạliom weye loor ịkaraph ạburude rꞌaburunhiin phọ ạbidi. Nạ kụ Egbogh Ẹnaan dị ẹmoogh ịikpo, Ọmoogh-we phọ.

Dạniel 11:36

“Ọdaam eelhe phọ ạSiria kaḍighi ni ịlo ẹḅeeraan nyọdi. Ọdi kaabaga ni mọ ọno apu ni ẹmugh, ạḅile kẹn apu Ọkaraghi Egbogh Ẹnaan phọ. Ọdi katue ni aḍighi ghan ịduon tụtu ẹteeny mem mọ Ẹnaan kẹliom bọ nyọdi. Ẹnaan keḍighi ni ọkaraghi ịpe ọdi magbiighi bọ.

Dạniel 2:45

Nạ ụmiin ni ịdi aḍighiigh esophaan sịphe ekpululu bọ dị rꞌoye kụ ọ́ḅogh bịn emeelom igbudu phọ oḅolom bọ okuron, enaba, ẹḍaany, silva rꞌagol. Egbogh Ẹnaan phọ kụ rẹḅeni nyịna ọdaam mọ ịdi kemite mem dị retu. Mị mạḅeni nyịna ọkaraghi ịpe nạ ạmalha bọ ạḅile ạgba ẹkar ẹmhu phọ ạḅeni nyịna.”

Dạniel 2:47

Ọdaam eelhe phọ ạḅem mọ, “Ẹnaan ạna kụ ọkar egbogh dị epu oomo ạranaan, Ọmoogh-we phọ dị apeleghiom rạalha kụ ọdi kụ ragananami ghan rạraar ịbooghian. Mị alegheri ịphen phọ loor esi dị nạ marue ạkaaph ạagelion iikia phọ ịphen.”

Elegh ạMak 12:14

Kụ bịdi oru kụ ọḅeni nyọdi mọ, “Ọtughemia, yoor olegheri ni mọ nạ oye aruukuan ni. Nạ rápogh ghan oye kạmagh mọ ịyaar ri. Esi ạna oye oye ópu. Nạ ạkar ri rạtughemi ghan reten phọ Ẹnaan. Iilogh phọ ayira emeeraam ni mọ yira osogh ghan iisogh phọ aSiza uwo ẹmha phọ aRom ḍụghum? Osogh ghan ni kụ kúsogh?”

Iiḍighi 10:34

Kụ aPita ạtagharan ọnhu ọdi kụ ạḅem mọ, “Pụruku mị malhoghoma mọ Ẹnaan rẹ́logh ghan oye ịiseeny.

Bụo aRom 2:11

Ghisigh Ẹnaan oye oye ópu.

Bụo aGaletia 2:6

Kụ bụen bụo ịḍagha phọ rokol ghan bọ mọ ạbuo ạrumhu phọ rꞌeniin ekpo ọnhu ụ́loghom ụngo ịmi — mị ụḅem ịduon phọ, ịdi eḍighi bọ esi ạmi ịyaar ị́man ọdo awe lọ bịdi oru, loor esi dị Ẹnaan répogh ghan oḍighi lọ oye ạpham.

Bụo ạEfesos 6:9

Bụrude-otu, ịtuugh egina phọ ẹphamam mọ kụ ẹpham rẹbene phọ anyina. Ịbile ọpaarogh ghan ạbidi. Ilegheri mọ nyina rꞌạrebene phọ anyina ẹḅoph nyoniin Ọde-otu ẹpe kꞌạke, dị rạpam ghan tọrobo oye eniin phọ ẹphamam mọ.

Dutoronomi 1:17

Íkueni ghan oye mem lọ nyina reegbo ịiruen, ẹnaghanan ghan ịlo ọbam oye rꞌịlo ogbogh oye phọ. Kékiilaan oye, ịdi eḍighi bọ ịiruen ịlo Ẹnaan. Ịpelom inyina ịlo ọghaaph, pọ ịsighe ghan iruom ịmi mị ụkaaph.’

Dutoronomi 16:19

Ị́sighe ghan akeel etene apum; íkiilaan ghan oye; íle ghan ịgara, ịdi eḍighi bọ ịgara reḍighi ghan ịdi ariḍien oye dị alegheri ịyaar keḅomoghian, bịn anme elhiom ịiruen phọ.

Dutoronomi 24:17

“Kẹ́tu ghan mọ ọdi ooruen bịn enme ịiruen; ḅịle mọ ọnyigo bịn enme ịiruen akeel phọ ọdi. Kẹ́sighe ghan rukpe ekpukele ạnir ẹphagh.

Dutoronomi 27:25

“‘Itulughian ẹrolonaan oye lọ ọkpe ikpoki mọ aghiigh oye dị mạar ụ́piom.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 7:21

Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

Bụo ạKolosi 3:25

Kụ tọrobo oye lọ raḍighi ghan ịkaraph kạmoogh ni ịikpia dị ẹkasian rꞌịkaraph phọ ọdi. Ẹnaan rẹ́logh ghan oye ịiseeny.

1 Timoti 6:15

Kemunughan ni ọkaraghi amem mọ, kụ Ẹnaan Ạḍiseph phọ, Oogboom ịiruen phọ, Ọdaam aḅirini rꞌỌmoogh-we dị emuton nyọdi ọnon úlho ghan.

Josua 22:22

“Ẹnaan phọ ẹpe epu bọ oomo ạrumugh, Ẹnaan Ọmoogh-we phọ; Ẹmugh phọ ẹpe epu bọ oomo ạrumugh, Ẹnaan Ọmoogh-we phọ. Ọdi alegheri ni. Ịzirel rꞌaloor ạbidi olegheri ni. Mụghumo oḅom ẹmhu, kẹn, mụghumo ọpioman esi Ọmoogh-we phọ, pọ ọdi iyoor kụ́wilenaan rodon.

1 Pita 1:17

Ịdipho mem lọ nyina rẹeḅereghi Ẹnaan phọ repogh ghan bọ oḍighi ạtorobo oye kẹtuugh ịiruen esophonaan kụ nyina rẹmagh ghan bọ mọ “Ọde”, ịsighe nụun oomo phọ aghuḍum mọ anyina asugha bọ sịen ade phọ eghueniom nyọdi.

Ogonanami Phọ 17:14

Bịdi kotuphiom ni ẹgham Mọony Oyool-ọga phọ, kụ Ọony Oyool-ọga phọ rꞌạbuphe ọdi ạsaḅar bọ ạmagh kụ oseere ghan bọ ologhi phọ esi ọdi kọkpar ri opu bịdi, ịdi eḍighi bọ emuton nyọdi ọnon Ọmoogh-we rꞌỌdaam ólho ghan.”

Ogonanami Phọ 19:16

Sịphe ạsuoma phọ ḅịle rꞌowol phọ ọdi ụge ni ḍien phọ ạḍien mọ, “Ọdaam aḅirini rꞌỌmoogh-we dị emuton nyọdi ọnon úlho ghan.”