Dutoronomi 10:14 - Ạḍinya Iigbia

¹⁴ Ọmoogh-we phọ kụ ạmoogh kẹ phọ rꞌẹpe kꞌạke phọ, rꞌade phọ rꞌoomo ạraraar phọ edi bọ sịen ade phọ.

Dutoronomi 10:14 Iomraidhean Croise

Emiighom 14:19

Kụ ọdi ạseph Ebram kụ ạḅem mọ, “Ạḍiseph Egbogh Ẹnaan phọ ẹlhem bọ kẹ phọ rꞌade phọ, ẹrolonaan nyịna Ebram.

Emiighom 14:22

Kụ Ebram ạḅeni ọdaam mọ ạSodom, “Mị akunya ghisigh Ọmoogh-we phọ, Egbogh Ẹnaan phọ, Ọlemia ạke rꞌade phọ,

1 Ạbudaam 8:27

“Kụ keḍighi ni ịdi Ẹnaan katugh sịen aḅirini phọ ḍụghum? Ạke phọ rꞌokuaḍio phọ nyịna káḍigh. Kụ ọphon phọ, Otu phọ ọphon mịna ạlogh bọ kụ ạmanam ghan eeghe ịyaar?

2 Krọnikuls 6:18

“Kụ nạ katue ni, Ẹnaan, ạtolan sịen ade phọ ogbo alephiri rꞌạnmariir? Ghạlamo oomo ạke phọ ọ́yaghagha dị ạmanam nyịna ọrol kụ keḍighi ika kụ Otu Ịiḅereghi phọ ọphon mị ạlogh bọ ạkasian nyịna ọrol?

Nehemaya 9:6

Kụ awe phọ Ịzirel ọoḅereghi ịduon: “Nạ Ọmoogh-we, nạ bịn kụ Ọmoogh-we phọ; nạ kụ ụlhem de rꞌotu-ḅualhe rꞌoomo ạraraar phọ edi bọ ologhi ạbidi; nạ kụ ụngo ghuḍum oomo phọ ạbidi. Ịikpo phọ ịpe edi bọ kꞌạke phọ ekpuḍian ni reeseeny nyịna.

Job 41:11

Ạnhian kụ katue ạdegh nyọdi kụ ạtol ẹereegh? Oye ólho sịen oomo aḅirini phọ dị katue aḍighi ịdipho?

Ạsuor 115:16

Ạke phọ ọlo Ọmoogh-we phọ bịn, kụ ọlo, ọdi ạngo de phọ oye.

Ạsuor 148:4

Iboom nyọdi, rẹekela ariisi okuaḍio rꞌạrumuum mọ edi bọ ạnyu ạke phọ.

Ạsuor 24:1

Ade phọ rꞌoomo ạraraar phọ edi bọ ịlo Ọmoogh-we phọ; aḅirini phọ rꞌoomo awe phọ orugh bọ sịphe phọ ạbuo ọdi,

Ạsuor 50:12

“Eru mạar dị ọkoony rusiph ịmi, mị inyina mípuru ẹlo olhe; aḅirini phọ rꞌoomo ạraraar phọ edi bọ sịen aḅirini phọ ịlo ạmi.

Ạsuor 68:33

ọpo rakiilom bọ okuaḍio, okuaḍio ageedi phọ. Ịnaghan ịdi ọdi ạlho ḍịolho rꞌegumaguma ẹḍogh.

Ẹḍua 19:5

Nyịidipho eru mạar dị nyina kẹnaghanan ni ẹḍogh phọ ạmi, kụ eeko ịyo phọ ạmi, pọ nyina keḍighi ni we ạmi, ịdi eḍighi bọ mị ịsaḅar inyina esi oomo ạbueri phọ awe phọ ạsighe.

Ẹḍua 9:29

AMozis ạḅeni nyọdi mọ, “Mị rọḍua sịen ẹmha phọ, pụruku mị kapoophe ḍịghaagh ạmi ạnyu ạaḅereghi Ọmoogh-we phọ, kụ ọomaany phọ kasoph, oghim kạ́tol mun. Kụ nạ agbi olegheri mọ Ọmoogh-we kụ ạmoogh aḅirini phọ.

Azaya 66:1

Ọmoogh-we phọ rạḅem ghan mọ, “Ạke phọ kụ ogbogh ạgada ọdaam mọ ạmi, kụ ade phọ kụ ịkasi ọkpasaghiom aruwol ạmi. Ọghen ọdo otu kụ ẹdi nyina kịlhoghonaan bọ ịmi, ẹghen ọdo esi kụ ẹdi mị kạtol ghan?

Iiḍighi 17:24

Ẹnaan phọ ẹlhem bọ aḅirini phọ rꞌoomo ịpe edi bọ Ọmoogh-we ạke rꞌade rátugh ghan ruutu lọ ọsighe rạghaagh kụ ọloghom.

1 Bụo ạKorint 10:26

ịdi eḍighi bọ ạḍinya iigbia phọ ẹḅem mọ, “Ọmoogh-we phọ kụ ạmoogh de phọ rꞌoomo ạraraar phọ.”

1 Bụo ạKorint 10:28

Kụ eḍighi ịyaar dị oye arophaan ọnhu mọ, “Ẹphen eḍien dị ọphighironom ẹkia ọngo ruru,” pọ ịtuan nyọdi ẹsighe ologhi ẹwilenom eḍien phọ.

2 Bụo ạKorint 12:2

Mị alegheri ni oniin ọnyo aKraist dị osiph ogheelom ookpe kꞌạke dị amuneniom ịraar, esi aḍioph rꞌinya ạsia dị meten. Mọ ịsien eye phọ, ḅịle mọ ẹmugh aloor, mị úlegheri, Ẹnaan kụ ilegheri.

Dutoronomi 10:13

Rꞌooko ghan iilogh Ọmoogh-we phọ rꞌịtooghi phọ ọdi, ịphen mị ạlogh bọ rịḅeni ghan inyina rodon, ọbo ịnighenom inyina.

Dutoronomi 33:26

“We Ịzirel, egeny ịyaar ílho dị ẹnighe eeleeny Ẹnaan phọ anyina; dị rakiil ẹpe kꞌạke oru ọloghonaan anyina ḍịghaagh, rꞌigbogh phọ ọdi.