Dutoronomi 10:12 - Ạḍinya Iigbia

¹² “Kụ nyịidipho, we Ịzirel, ịphen phọ kụ ịdi Ọmoogh-we phọ Ẹnaan phọ anyina rạwa ḍịghaagh anyina: oghiilaan Ọmoogh-we phọ Ẹnaan phọ anyina, rꞌọdaph ghan oomo areten phọ ọdi, rꞌọphomoghian ọdi, rꞌooseeny ghan Ọmoogh-we Ẹnaan phọ anyina rꞌoomo ologhi phọ ạna rꞌuwaloor phọ ạna.

Dutoronomi 10:12 Iomraidhean Croise

1 Ạbudaam 3:3

ẠSolomon ạphomoghian Ọmoogh-we phọ, ạdaph oomo oroma phọ ịpe aDevid ọde phọ ọdi arelhe ghan bọ, omuton ọphinyonaan ạrikia phọ rꞌọsuughi ịmuwa phọ ạnyu arenmeny ạrikia phọ.

2 Ạbudaam 10:31

AJehu ọ́maghami ịyaar ịlo ọdaph iilogh Ọmoogh-we Ẹnaan phọ Ịzirel rꞌoomo ologhi ọdi. Ọdi ọ́gbatanaan ọ́wile ịkaraph phọ ịpe aJeroboam aḍighi yogh bọ, tụtu eḍighi bọ ịdi Ịzirel oḍighi yogh ịkaraph.

2 Ạbudaam 18:3

Ọdi aḍighi ghan ịdi eseleman ghisigh Ọmoogh-we phọ, ạdaph oomo eḍighinom ạraraar phọ ịpe aDevid ọde phọ ọdi aḍighi ghan bọ kụ aḍighi.

2 Ạbudaam 18:6

Ọdi aḍighom ni Ọmoogh-we phọ. Rꞌamem dị ọdi ạgbatanaan ọdaph Ọmoogh-we phọ ị́tol. Ọdi aako ghan ni iilogh phọ Ọmoogh-we phọ ạlogh bọ ạngo Mozis.

1 Krọnikuls 28:9

Kụ Sọlomon ọdi ạḅeni, “Mọony ạmi, mị rạḅeni nyịna mọ legheri Ẹnaan ọde phọ ạna kụ ạrolan nyọdi rꞌophooph ologhi dị rạ́bal ịyal yạl. Ọmoogh-we phọ alegheri ni oomo ịitughian ayira rꞌạruuphua. Eḍighi mạar dị nạ ạghi esi ọdi, ọdi kạsighe ni nyịna, kụ ọlo nạ ạgumom ọman nyọdi, pọ ọdi kaghel li nyịna bịn akanam.

2 Krọnikuls 15:12

Bịdi ughiran ịyo dị bịdi omeeraam mọ bịdi kooseeny ghan Ọmoogh-we Ẹnaan ạburude ạburude ạbidi rꞌoomo ologhi rꞌoomo ịikpo ạbidi.

Job 36:11

Eḍighi ịyaar lọ bịdi ọnaghanan Ẹnaan kụ okumu nyọdi, pọ edughom rꞌẹepho kụ kẹtolonaan ghuḍum ạbidi.

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 128:1

Ọḅaal ologhi kụ odianaan bụphe rọnaghanan ghan bọ Ọmoogh-we phọ, kụ odimom ghan bọ ịtooghi phọ ọdi.

Ạsuor 145:20

Ọdi raakpereghi ghan ni tọrobo oye lọ ạphomoghian nyọdi, kụ ọlo, ọdi kaagulemi ni bụo ạsipioghom mọ.

Ạsuor 18:1

Mị ạphomoghian ni nyịna, Ọmoogh-we. Nạ kụ ịnyaam ạmi.

Ạsuor 34:9

Ịlogh eegu Ọmoogh-we phọ, nyina awe phọ ọdi. Ịyaar rékuom ghan oomo ạbuphe rọlogh bọ eegu phọ nyọdi.

Ạsuor 81:13

Pọ eeghe oboom ọto dị mị ameelom loor ẹmhu awe phọ ạmi. Ẹnighe dị ọbo nyina mịnaghanan ịmi.

Ạsuor 81:14

Ọbo mị mụnuun ni ạka bụmulogh-ḍien phọ ạbidi, ạkpar apu oomo phọ ạbidi.

Ẹḍua 23:25

Eḍighi ịyaar lọ nyina iiseeny ịmi Ọmoogh-we Ẹnaan phọ anyina, mị kịsephom ni inyina eḍien rꞌạmuum ạḅile aporogh rẹezegh phọ anyina.

Ọtughemia Phọ 12:13

Oomo ịphen phọ reru reten, eniin ịyaar bịn kụ ẹdi ọghaaph: lọgh eegu Ẹnaan kụ ạnaghanan ịtooghi phọ ọdi, loor esi dị ịphen phọ bịn kụ ẹdi ọtuan bọ kụ ọlhem oye.

Izikiel 11:20

Pọ kụ amem dị bịdi kooko iilogh phọ ạmi, ọḅile ọnaghanan oomo ịtooghi phọ ạmi rꞌoomo iloghi ạbidi. Bịdi koḍighi we ạmi, kụ mị aḍighi Ẹnaan ạbidi.

Maika 6:8

Eeye. Ọmoogh-we phọ mụḅeni ni iyira ịdi ẹnighe. Ịdi ọdi rạwa esi ayira ịduon: oḍighi ịlo ẹkpianaan, oḍeenaan ẹphomoghian oomo amem, rꞌosooromi aloor kụ ọrolan rꞌẸnaan ayira.

Zẹfanaya 3:9

“Kụ mị kanme weye areelhe phọ, kụ bịdi ụuḅereghi ghan ịmi bịn, kị́non ạrumugh. Oomo ạbidi kụnaghanan ghan ịmi.

Matiu 22:37

Kụ ạJizos mọ, “‘Pọmoghian Ọmoogh-we Ẹnaan phọ ạna, rꞌoomo ologhi ạna, rꞌoomo uwaloor ạna, rꞌoomo ịitughian ạna.’

Elegh aLuk 10:27

Kụ ọdi ạphagharanaan mọ, “‘Nạ kạpomoghian Ọmoogh-we Ẹnaan phọ ạna rꞌoomo ologhi ạna rꞌoomo uwaloor ạna rꞌoomo ịnyaam ạna rꞌoomo ịitughian ạna, rꞌọnon oye ịdipho aloor phọ ạna.’”

Elegh aLuk 11:42

“Pọ eeghe ọdo ịminimiin dị kịrolonaan inyina aFarisi phọ! Nyina redi ghan ghạlamo rꞌịikiripha amooboph ḍioph abin kẹsighe muniin ẹngo Ẹnaan, kụ meghel asiph rꞌakeel rꞌẹphomoghian phọ Ẹnaan. Iḍighi ghan ịphen phọ kụ egbi ghan ọḅaram ịpheri phọ.

Iiḍighi 9:31

Mụen kụ amem dị oomo ạbuo ạsiosi phọ ẹpe Judia rꞌaGalili rꞌaSameria ọmoogh ẹepho kụ omiigh ọmoogh ạsini rꞌaḍiphoph; kụ Uwaloor Iigbia phọ ạloghonaan ni ḍịghaagh ọlogh eegu Ọmoogh-we phọ.

Bụo aRom 1:9

Ẹnaan phọ mị ạsighe bọ oomo ologhi raḍighinaan oḍighi ọghaaph ghan ooḅi ọghaaph ịlo Ọony phọ ọdi, elegheri ni mọ ịphen mị rạkaaph bọ igey ni, mọ mị rásoph ghan mem oghol anyina

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

Dutoronomi 10:11

Kụ Ọmoogh-we phọ ụḅeni ịmi mọ, ‘Ḅetenu amiigh ẹghi phọ ạna aḍiemiom we phọ, ọbo bịdi ọghi osi ẹpe ade phọ ọmoogh, ịdipho mị aghunya bọ ạngo bụrude phọ ạbidi ọngo ạbidi.’

Dutoronomi 10:13

Rꞌooko ghan iilogh Ọmoogh-we phọ rꞌịtooghi phọ ọdi, ịphen mị ạlogh bọ rịḅeni ghan inyina rodon, ọbo ịnighenom inyina.

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 11:13

“Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 26:16

“Rodon Ọmoogh-we Ẹnaan phọ anyina ạto rịḅeni inyina mọ ịdaph ghan ịtooghi phọ rꞌịiruen phọ ọdi kụ eḍighinom ghan; kụ iḍighi kụ ịpamanam oomo phọ ịdi, ẹsighe eseerian sịphe iloghi phọ anyina rꞌaruwaloor phọ anyina.

Dutoronomi 27:10

Kụ iḍighi ịnaghanan ghan ẹḍogh Ọmoogh-we Ẹnaan phọ anyina, eeko ghan iilogh phọ ọdi rꞌịtooghi phọ ịpe mị ạlogh bọ ologh ịngo inyina rodon.”

Dutoronomi 30:16

Mị ụtuan ịphen phọ kụ ạlogh bọ iilogh phọ ịngo inyina ḍio phọ aḍien arodon phọ mọ ịpomoghian Ọmoogh-we Ẹnaan phọ anyina, ẹdaph ghan reten phọ ọdi kụ erelhe ghan, eeko ghan iilogh phọ, ịtooghi phọ, rꞌịiruen phọ ọdi, ọbo nyina ẹrol ẹmaraghian, ọbo Ọmoogh-we Ẹnaan phọ anyina ịseph inyina ẹpe ade phọ nyina rekeel bọ ọmoogh.

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 4:29

Ẹpe phọ kụ ẹdi nyina kẹwa Ọmoogh-we Ẹnaan phọ anyina, kụ eḍighi dị nyina ẹwaam nyọdi rꞌoomo ologhi phọ anyina, rꞌoomo uwaloor phọ anyina, nyina kẹmiin ni nyọdi.

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:13

Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Dutoronomi 6:24

Ọmoogh-we phọ ạlogh ologh ụngo iyira mọ yira ọdaph ghan oḍighi ghan oomo ịtooghi phọ ịphen, oghueni Ọmoogh-we Ẹnaan phọ ayira ọbo ịnighenom iyira oomo amem, ọbo ọdi ạpham ghuḍum mọ ayira ịduon idianaan bọ iyira rodon.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

Bụo aHibru 12:28

Ọngo ghan ghụn ḍịseph mọ yira mọmoogh ẹmha dị kópighemi! Ọḅaal ologhi, ọpham eegu rꞌeghuan kụ ooseenyom Ẹnaan, ịdi kẹḅeeraan nyọdi,

Josua 22:5

Ịmaar ẹphama siloor anyina eeko ghan iilogh phọ rꞌologh phọ ọpo aMozis otelhedom mọ Ọmoogh-we phọ ạlogh bọ ịngo inyina. Ịpomoghian Ọmoogh-we Ẹnaan phọ anyina, erelhe ghan oomo areten phọ ọdi, ẹḅile eeko iilogh phọ ọdi, eḍighom nyọdi rꞌooseeny ọdi rꞌoomo ologhi rꞌaruwaloor phọ anyina.”

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

1 Jọn 2:15

Kẹ́pomoghian dọl aḅirini phọ rꞌạraraar phọ ọdi. Nyina ẹphomoghian dọl aḅirini phọ, pọ nyina ị́moogh mun ẹphomoghian Ọde phọ sịphe iloghi phọ anyina.

1 Jọn 5:5

Ọpo ameeraam bọ mọ ạJizos kụ Ọony phọ Ẹnaan ni bịn kụ rạkpar ghan bọ kapu ịikpo aḅirini phọ.

1 Sạmuel 12:20

ẠSamuel ạphagharanaan bịdi mọ, “Kékiilaan. Ghạlamo sịpioghom mọ ịphen nyina mẹpioghom bọ ni, kẹ́ḅitonaan Ọmoogh-we phọ. Ikumu ni nyọdi rꞌoomo iloghi phọ anyina.