Dutoronomi 1:8 - Ạḍinya Iigbia

⁸ Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 1:8 Iomraidhean Croise

Emiighom 12:7

Ọmoogh-we phọ amite ni egaan esi Ebram kụ ạḅeni nyọdi mọ, “Ḍịen kụ ade phọ mị kạngo bọ ẹemara ẹemara phọ ạna.” Kụ ọdi ạkan enmeny ạrikia ọloghom eghuan Ọmoogh-we phọ amitenaan bọ nyọdi sịphe phọ.

Emiighom 15:16

Keḍighi ni inya oghiil kụ ẹemara ẹemara phọ ạna oḅula sịen phọ, loor esi dị mị káporogh Ạmorait phọ, tụtu ọḅaar ẹmhu phọ ạbidi ạbugh asi esi dị kótue ọbile dị ụliom bịdi.”

Emiighom 15:18

Ḍio phọ ạḍiphe phọ Ọmoogh-we phọ aghiran ịyo rꞌEbram, kụ ạḅeni nyọdi mọ, “Mị aguanaan ọngo ẹemara ẹemara ạna de phọ ạḍien, emiigh ẹpe Ọphiiny aNail phọ kụ esiemi ẹpe oboom Ọphiiny phọ aYufratis

Nehemaya 9:15

“Mem dị ọkoony asiph bịdi, nạ ụngo ni bịdi eḍien dị ẹḍua kꞌạke, rꞌạmuum dị ạḍua esi aḍighiigh mem ọkoony ạmuum. Nạ ụḅeni bịdi mọ ophogh de phọ ạḍiphe nạ aguanaan bọ ọngo ạbidi.

Ẹḍua 23:31

Mị kaḍighi ịdi ạruuku ade phọ anyina kemiigh ẹpe Ọphiiny Akaba kụ ẹghi esi Ọphiiny aYufratis, ḅịle emiigh Meditarenian kụ ẹghi ẹteeny ẹdala ịisaar phọ. Mị kịngo ni inyina ịikpo apuemi bụo ade phọ kụ nyina eporogh bịdi ịduon nyina rẹki bọ.

Ẹḍua 33:1

Ọmoogh-we phọ ạḅeni Mozis mọ, “Ḍụa esi phọ ịsien, nạ rꞌawe phọ ạbuphe nạ ạsighe bọ ẹpe Ijipt amitiom, asiemi ẹpe ade phọ mị aguanaan bọ Ebraham rꞌẠizik rꞌạJekob kụ ạḅeni mọ ọto anyina kụ ẹdi mị kạngo bọ de phọ ạḍien.

Jerimaya 32:22

Nạ ạngo bịdi de ẹnuum, ịdipho nạ maguanaan bọ bụrude ạburude phọ ạbidi.

Izikiel 47:14

Mị ughunya ni rꞌạburude ạburude anyina mọ mị kạngo bịdi bin ẹmoogh sịen ade phọ aḍien; nyịidipho idian eelemi ẹngo siloor anyina.

Igbiighi 14:23

Ageny ni, bịdi kọ́miin de phọ ạḍiphe mị aghunya bọ ọngo ạburude phọ ạbidi; kụ esi aḍita ạbuphe uphogh bọ ịmi osooromi, ọlo kạmiin ólho.

Igbiighi 32:11

‘Alephiri ạnmuny phọ bụphe ọḍua bọ ẹpe Ijipt omite, emiigh bụlo mọman ịyaldi ạsia kụ ẹghiom ạnyu, rꞌoniin ọnyo ạbidi lọ kasi ẹpe ade phọ mị aghunya bọ ọngo Ebraham rꞌẠizik rꞌạJekob ólho, ịdi eḍighi bọ bịdi ụ́sighe ophooph ologhi kụ rụdapham bọ ịmi.’

Dutoronomi 1:11

Ọmoogh-we Ẹnaan ạburude phọ anyina mịbughe inyina eḍighi ḍiza oniin ọonir amem epu, ịseph inyina ịdipho ọdi iguanaan bọ inyina.

Dutoronomi 1:35

‘Agey ni, rꞌoniin oye ólho sịen ọkaraph oghiil phọ ọphon dị kạmiin ịma phọ ạḍiphe mị aghunya bọ ạngo bụrude phọ ạbidi,

Dutoronomi 10:11

Kụ Ọmoogh-we phọ ụḅeni ịmi mọ, ‘Ḅetenu amiigh ẹghi phọ ạna aḍiemiom we phọ, ọbo bịdi ọghi osi ẹpe ade phọ ọmoogh, ịdipho mị aghunya bọ ạngo bụrude phọ ạbidi ọngo ạbidi.’

Dutoronomi 11:24

Tọrobo esi lọ ạrada aruwol phọ anyina ẹzer, pọ ẹlo anyina; ọku anyina amiigh sịen ẹdala phọ ạki asi ẹpe Lẹbanon. Emiigh sịphe Ọphiiny Yufratis ẹghi esiemi ẹpe iigbom ọphiiny phọ kụ ọku anyina.

Dutoronomi 11:9

ọbo nyina ẹrol ẹpe ade phọ ẹkpo, ḍịphe Ọmoogh-we phọ aghunya bọ ạngo bụrude phọ anyina, de ẹetool rꞌọninom.

Dutoronomi 2:29

tụtu yoor osi Ọphiiny Jọdan oḍigh de phọ Ọmoogh-we Ẹnaan phọ ayoor ịngo bọ iyoor. Ạnmuny ạnmuny phọ Ịso, bụphe orugh bọ ẹpe Idom, rꞌawe ạMoab, bụphe orugh bọ ẹpe Ar, umeera ni yoor ọḅeeny oten eelhe phọ ạbidi.’

Dutoronomi 26:15

Tọl sịphe ạdol iigbia phọ ạna ẹpe kꞌạke aphogh ude, ạseph we phọ ạna Ịzirel rꞌade phọ ạḍiphe nạ ụngo bọ iyoor, ḍịphe nạ aghunya bọ ạngo bụrude phọ ayoor, de ẹetool rꞌọninom.’

Dutoronomi 26:3

Ịki ẹteeny oyil ạrikia ọpo odi bọ mem mọ ạmuphe, kụ ẹḅeni nyọdi mọ, ‘Yoor uru ọghaaph omitiom ọḅeni ạna rodon, ọḅeni Ọmoogh-we Ẹnaan phọ ayoor mọ yoor mosi ẹpe ade Ọmoogh-we phọ aghunya bọ ạngo bụrude phọ ayoor ọngo ayoor.’

Dutoronomi 28:11

Ọmoogh-we phọ kịbughe ni inyina ịngo inyina edughom, rꞌọophi anyina, rꞌọophi ạsinam mọ anyina, rꞌariḍien ịsiphe ade phọ, ḍịphe Ọmoogh-we phọ aghunya bọ esi ạburude phọ anyina ọngo anyina.

Dutoronomi 29:12

Oomo phọ anyina rꞌỌmoogh-we phọ kụ kekiran bọ ni ịyo phọ Ọmoogh-we Ẹnaan phọ anyina rꞌanyina rekiran bọ rodon,

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 31:7

Kụ aMozis ạmagh Josua sịphe ogbo aḍita awe phọ Ịzirel kụ ạḅeni mọ, “Kpạrami loor ạna, ẹmoogh ạkpo ologhi. Nạ kụ kạsighe we phọ ạbuen asiemi ẹpe ade phọ Ọmoogh-we phọ aghunya bọ ạngo bụrude phọ ạbidi ọngo ạbidi; nạ kụ kạsighe bịdi asiemi bịdi ọmoogh.

Dutoronomi 34:4

Kụ Ọmoogh-we phọ ạḅeni Mozis mọ, “Ḍịen phọ kụ ade phọ mị aghunya bọ ọngo Ebraham, Ạizik rꞌạJekob, kụ ạḅem bọ mọ mị kạngo ni nmụny ạbidi. Mị uḍighi ni ịdi nạ ạsighe riḍien ạna ạmiin, nạ kátenom sịen phọ ạki risigh.”

Dutoronomi 4:1

Kụ aMozis ạḅeni we phọ Ịzirel mọ, “Nyịidipho iler rụru ẹnaghanan oomo iilogh phọ rꞌịiruen phọ ịpe mị ịtughemi bọ inyina, ịpe nyina keḍighi ghan bọ ọbo nyina ẹrol ẹghelom de phọ ạḍiphe Ọmoogh-we Ẹnaan ạburude phọ anyina rịngo bọ inyina.

Dutoronomi 6:10

“Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 7:12

“Eru mạar dị nyina ẹnaghanam ni kụ eeko kụ ẹdaph reḍighinom, pọ Ọmoogh-we Ẹnaan phọ anyina kạpamanam ni ịyo phọ rꞌọnma ighirigiir phọ dị aghunya bọ ạngo bụrude phọ anyina.

Dutoronomi 7:13

Ọdi kịphomoghian ni inyina ịseph inyina, ịbughe inyina, ạḅile ạbughe ọophi anyina, ạbughe eḍien ịsiphe ade phọ, ịizupha phọ anyina, avain phọ anyina rꞌạmunum mọ, ạbughe sịnam rꞌiyool-ịga phọ anyina ẹpe ade phọ dị aghunya bọ ạngo bụrude phọ anyina, ọngo anyina.

Dutoronomi 7:8

Ịdi eḍighi bọ Ọmoogh-we phọ ịphomoghian inyina kụ ạtu bọ raako ghan ịyo phọ ịpe ạburude phọ anyina rꞌọdi oghiran bọ, kụ Ọmoogh-we phọ ạtu bọ ạsighe ḍịghaagh iphelegbe phọ ọdi ịsighenom inyina ạḍuanam, ịtagharan inyina ạsighe esi ạdol ạrebene phọ ḍịghaagh ọdaam eelhe phọ Ijipt.

Dutoronomi 8:1

“Oomo iilogh phọ ịphen mị ạlogh bọ rịngo inyina rodon, ịmaar ẹpham ẹdaph ghan eḍighi, ọbo ẹrol ẹmar emuzeḍi, ẹghi ẹsighe de phọ ạḍiphe Ọmoogh-we phọ aghunya bọ ạngo bụrude phọ anyina.

Dutoronomi 9:5

Ọ́tuan ruukuan anyina rꞌịdi iloghi anyina eseleman kụ nyina rẹki bọ ọmoogh ade phọ ạbidi. Aloor esi ạsipioghom ạramha phọ kụ iḍighi bọ ịdi Ọmoogh-we Ẹnaan phọ anyina raporogh bọ bịdi kạsighe egbodo anyina, ọbo ọdi ạkparami ikpo ọnhu phọ ọdi, ịdipho dị aghunya bọ esi ạburude phọ anyina ạngo Ebraham, Ạizik rꞌạJekob.

Bụo aHibru 6:13

Mem mọ Ẹnaan eguanaan bọ Ebraham oguan phọ, ọdi aghunyian ni mọ ọno kaḍighi ni ịpe ọno maguanaan bọ. Kụ ịdipho ọnon oye dị ạbugh apu nyọdi úlho bọ, ọdi ạsighe loor phọ ọdi kụ aghunyaam iikunya phọ.

Bụo aHibru 6:14

Ọdi ạḅem mọ, “Mị aguanaan ni nyịna ạkparami, mọ mị kạngo ni nyịna ḍịseph, nạ ạḅile ạmar ọote atum ọote.”

Josua 1:6

Kpạrami loor ạna, ạmoogh oḅiom, loor esi dị nạ kụ kaḍighi ịdi awe phọ ạbuen kọmoogh de phọ, ḍịphe mị aghunya bọ esi ạburude phọ ạbidi ọngo ạbidi.

Bụo Ịiruen 2:1

Ọokpaany kꞌỌmoogh-we phọ ạḍua ni Gịlgal ạghi ẹpe Bokim kụ ạḅeni we Ịzirel mọ, “Mị kụ ịsighe bọ inyina amitiom ẹpe Ijipt, ạsighe aru asiemi sịen ade phọ ạḍien mị aghunya bọ ạngo bụrude phọ anyina, kụ mị ạḅeni bọ mọ mị kạ́ka ịyo phọ mị rꞌanyina eghiran bọ.