Dutoronomi 1:7 - Ạḍinya Iigbia

⁷ Iḅula ekiton ẹphen erelhe ẹghi ẹpe ạraaḅaraph phọ edi bọ eelhe ạbuo Ạmorait phọ rꞌoomo ẹpe etuman reelhe ịpe ekitonom bọ ẹpe eḍiiny phọ ạJodan: ade phọ ẹyaghagha bọ, ẹpe aroogbolom mọ, ẹpe ade phọ eḍiinyaan bọ, ẹpe esoorom mọ, ẹpe ọgbal ọphiiny phọ. Ẹghi esi ẹpe ade phọ aKenan, ẹghi esi ẹpe Lẹbanon, ẹpe ogbogh Ọphiiny aYufratis phọ.

Dutoronomi 1:7 Iomraidhean Croise

Emiighom 12:9

Kụ Ebram aḍuraan ni ạḍua esi ạgba esi arelhe ghan rạki ẹpe ạga esoorom mọ rẹki bọ pạkiri aKenan.

2 Sạmuel 8:3

Kụ ọdi ạkpar apu Hadadezer ọony aRehob ọdaam mọ aZoba, mem dị ọdi akiton ẹpe ọphiiny phọ aYufratis rạki ọḅile ọkparami ịtooghi phọ ọdi ẹpe eelhe phọ.

1 Krọnikuls 18:3

ADevid ạḅile azuom Hadadezer ọdaam mọ aZoba sịphe eelhe phọ ạSiria etuman bọ ạga ạHamat, loor esi dị aHadadezer makiton ẹpe eelhe ọphiiny phọ aYufratis rạki ọḅile ọkparami ịtooghi phọ ọdi ẹpe phọ.

1 Krọnikuls 5:9

Bịdi ụmoogh igbogh asita ạsinam sịphe ade phọ ạGiliad, kụ bịdi ọmooghom de phọ kꞌẹpe erumuḍio phọ remite ghan bọ ọosaar phọ ẹdalala bọ rẹki ẹpe Ọphiiny aYufratis.

Ẹḍua 23:31

Mị kaḍighi ịdi ạruuku ade phọ anyina kemiigh ẹpe Ọphiiny Akaba kụ ẹghi esi Ọphiiny aYufratis, ḅịle emiigh Meditarenian kụ ẹghi ẹteeny ẹdala ịisaar phọ. Mị kịngo ni inyina ịikpo apuemi bụo ade phọ kụ nyina eporogh bịdi ịduon nyina rẹki bọ.

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Igbiighi 10:12

Kụ awe phọ Ịzirel ọḍua sịphe Ẹdala aSainai omiigh erelhe. Kụ rosi ẹpe ẹdala phọ ạParan kụ ọotu phọ azinian.

Dutoronomi 1:19

“Kụ yira ọtuugh ịpe Ọmoogh-we Ẹnaan phọ ayira ạto bọ ụḅeni iyira oḍighi kụ oḍighi. Yira ọḍua bọ sịphe Eegum aSainai kụ ọghi eten eboom ẹdala phọ eḍigh bọ ịikia ruugu ẹpe nyina ẹmiin bọ rẹki bọ roogbolom eelhe ạbuo Ạmorait phọ, osi Kades Bania.

Dutoronomi 11:11

Ade phọ ạḍiphe nyina rẹki bọ ọmoogh phọ, ade aroogbolom rꞌasikol, kụ rẹpughol ghan mụum ọlophia phọ rạloph ghan bọ ẹpe kꞌạke kameleghu;

Dutoronomi 11:24

Tọrobo esi lọ ạrada aruwol phọ anyina ẹzer, pọ ẹlo anyina; ọku anyina amiigh sịen ẹdala phọ ạki asi ẹpe Lẹbanon. Emiigh sịphe Ọphiiny Yufratis ẹghi esiemi ẹpe iigbom ọphiiny phọ kụ ọku anyina.

Josua 1:4

Emiigh kꞌẹpe ẹdala phọ rꞌịsien Lẹbanon ẹghi esiemi oboom mọ ọphiiny phọ, Ọphiiny aYufratis, oomo ade phọ ạbuo ạHitait, ẹghi esiemi ẹpe Ọphiiny aMeditarenian phọ, ẹsighe ẹghi esiemi ẹpe erumuḍio phọ remeel ghan bọ kụ ọku anyina.

Josua 10:40

AJosua ạkpar apu oomo ade phọ, emiigh kꞌẹpe aroogbolom mọ rꞌạḍigharaghar ade esoorom mọ esiemi ẹpe eḍiinyaan bọ rꞌẹpe ekpululu bọ; ạze bụdaam ẹmha phọ ạbidi rꞌoomo awe phọ ropooghu bọ ạmadan, rꞌoniin oye ósugheeny, ịdipho Ọmoogh-we Ẹnaan phọ Ịzirel ạto bọ ạḅeni nyọdi.

Josua 24:15

Mụghumo eḍighi ni ịkaraph esi anyina ooseeny ghan Ọmoogh-we phọ, pọ rodon ịma nyọpo nyina keeseeny ghan bọ, mụghumo ạrumugh phọ ịpe ạburude phọ anyina ọoḅereghi ghan bọ ẹpe Mesopotamia, mụghumo ạrumugh awe Ạmorait phọ sịen ade phọ ạḍien nyina erugh bọ, kụ mị rꞌọto ạmi kooseeny ghan Ọmoogh-we phọ.”

Josua 9:1

Ọdu ọkpar opu phọ Ịzirel aaleghaan ni ạteeny oomo ạbudaam-ẹmha phọ bụphe orugh bọ ạga emeelom erumuḍio phọ ạJodan, kꞌẹpe aroogbolom mọ rꞌẹpe aruugum mọ, rꞌẹpe ọgbal Ọphiiny aMeditarenian phọ ẹteeny eelhe dị etuman Lẹbanon: bụen kụ ạraalha ạHitait phọ rꞌẠmorait phọ rꞌaKenanait phọ rꞌạPerezait phọ rꞌaHivait phọ rꞌaJebusait phọ.

Ogonanami Phọ 9:14

Kụ ẹḍogh phọ ẹḅeni ọokpaany phọ amuneniom bọ odiiny phọ ạmoogh bọ ọkuodu phọ mọ, “Kpọokpo inya phọ ạruukpaany phọ ọphaḍi bọ ẹpe oboom Ọphiiny aYufratis.”