Dutoronomi 1:44 - Ạḍinya Iigbia

⁴⁴ Kụ bụo Ạmorait phọ bụphe orugh bọ ẹpe aroogbolom mọ aIdom oru izuom inyina ẹgham kụ iphorogh inyina ịdipho aḍiowo, kụ iphiemi inyina ọghi osi kꞌẹpe Homa.

Dutoronomi 1:44 Iomraidhean Croise

Ạsuor 118:12

Bịdi ụuphunogh ukoom ịmi mụdi aḍiowo, kụ ọlo bịdi ụnuughi egina amem ịdipho ạnian esi iitoor; esi ịikpo Ọmoogh-we phọ mị aphiemi ni bịdi.

Azaya 7:18

“Ẹteeny mem mọ ạmuphe eru, Ọmoogh-we phọ kạapioph kụ asita ạbuo ẹgham Ijipt ọḍuaghu rikpisi asikol Ọphiiny aNail dị ẹkel iboom kụ otu ịdipho ịphi, ọḅile ọḍuaghu ẹpe eelhe Asiria kụ otu ịdipho aḍiowo.

Igbiighi 14:45

Kụ bụo Ạmalekait phọ rꞌạbuo aKenanait phọ orughogh bọ ẹpe aroogbom mọ osoroghu ude okuphogh bịdi, ophorogh bịdi osiemi ẹpe Homa.

Igbiighi 21:3

Ọmoogh-we phọ ạnaghan ẹḍogh phọ Ịzirel, kụ ạḅogh we aKenan phọ ạngo; kụ bịdi oogulemi bịdi kpel kpel rꞌạramha phọ ạbidi, kụ oghol esi phọ ḍien mọ aHoma.

Dutoronomi 28:25

“Ọmoogh-we phọ kaḍighi ni ịdi ạbumulogh-ḍien phọ anyina kọkpar ipu inyina. Nyina kekiton eniin eten kụ ẹki ozuom ạbidi, kụ nyina kesumughian oḍual areten kụ ẹḍuaghu, kụ imutonaan inyina sịphe oomo areelhe ịsien aḅirini phọ.

Dutoronomi 32:30

Oniin oye kaḍighi ika kụ atue bọ aporogh oniin ọonir awe? Ịyal awe koḍighi ika kụ otue oporogh ḍioph ọonir awe, omuton dị Aḍighiigh phọ kụ ẹḅitonaan bịdi, dị Ọmoogh-we phọ kụ ạḅogh ạngo bịdi?

Josua 7:5

Awe phọ aEai uphorogh bịdi omitiom sịphe ọnhu-aḍibuo ẹmha phọ osiom esi dị roogbo ghan sighiigh, kụ ọze we dị ọman ịraardi rꞌodiiny awe, ekpisi dị eegbolom mọ ekpululu. Kụ iḅiom awe Ịzirel ẹpheeph; iloghi ạbidi ẹrol ịdipho ạmuum.