Dutoronomi 1:32 - Ạḍinya Iigbia

³² Kụ kꞌịphen kꞌịphen phọ nyina ímeeraam Ọmoogh-we phọ Ẹnaan phọ anyina,

Dutoronomi 1:32 Iomraidhean Croise

2 Krọnikuls 20:20

Eḅon ạḍiroor aḍio dị etum, awe phọ ụghi ni ẹpe ẹdala phọ etuman bọ Tekoa. Ịdipho bịdi ọmeregha bọ ropogh, ạJehosafat ạḅaanaan bịdi ẹḍogh phọ ẹphen: “Weye aJuda rꞌaJeruselem! Ịkpasi loor anyina esi Ọmoogh-we Ẹnaan phọ anyina bịn nyina ketue ni ẹmerenyan. Imeeraam ịpe ariil phọ ọdi mịḅeni bọ inyina bịn kẹnighe ni.”

Ạsuor 106:24

Kụ bịdi oghel ịma ade phọ Ẹnaan aguanaan bọ bịdi, loor esi dị bịdi úmeeraam nyọdi.

Ạsuor 78:22

loor esi dị bịdi ụ́moogh omeeraam esi ọdi ḅịle úmeeraam mọ ọdi katue ni ạpel bụno.

Azaya 7:9

Ịzirel ọ́kpar opu Sameria ẹkpana ẹmha phọ ọdi, kụ aSameria ọ́kpar opu Peka ọdaam mọ. “Eḍighi mạar dị omeeraam anyina ụ́kpar, nyina kẹ́kparam.”

Igbiighi 14:11

Kụ Ọmoogh-we phọ ạḅeni Mozis mọ, “Kꞌapuramem kụ ẹdi awe phọ ạbuen kọbile ọḅitonaan ghan ạmi? Kꞌapuramem kụ ẹdi awe phọ ạbuen kumeeraam ghan ịmi ghạlamo rꞌoomo areḍeenaan phọ ịpe mị raḍereghinaan ghan bọ bịdi?

Bụo aHibru 3:12

Bụo asiya, igona loor anyina ẹmiin mọ rꞌoniin ọnyo anyina ọ́moogh ologhi dị eeph iboom rꞌemeeraam, dị ọdi kạgbatanaan ạḍua esi Ẹnaan phọ edi ghan bọ.

Bụo aHibru 4:2

Yira mọnaghan ni ooḅi ọghaaph phọ ịdipho bụo ọrugh phọ aMozis ọnaghan bọ. Ọghaaph phọ bịdi ọnaghan bọ bịdi sụo ọ́ngo, ịdi eḍighi bọ bịdi ụ́sighe omeeraam kụ ọnaghanam bọ.

Ạḍinya dị aJud ạge 1:5

Nyina melhegheri ni ịphen phọ etene igbaany, kụ mị rạwa ni ọghiom anyina ologhi mọ Ọmoogh-we phọ kụ aako bọ ni weye phọ Ịzirel amitiom eelhe phọ Ijipt, kụ amem ẹḅile bọ ẹman mem ọ́wile ophiemi ạbuphe úmeeraam bọ.