Dutoronomi 1:30 - Ạḍinya Iigbia

³⁰ Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 1:30 Iomraidhean Croise

2 Krọnikuls 32:8

Ịnyaam dị ọdi ạmoogh ẹḍua esi oye bịn; ịlo ayira ẹḍua Ọmoogh-we Ẹnaan phọ ayira dị kabianan ẹgham mọ ayira kụ ụphel iyira.” Ikpo ọnhu ọdaam mọ ịkparami ni iloghi awe phọ.

Nehemaya 4:14

Mị ụmiin mọ aruugu rasiph we phọ, kụ mị ạḅeni bịdi rꞌabuḍiemiom mọ rꞌạbuo iiḍighi phọ ạbidi mọ, “Kékiilaan ẹpomoghian phọ ayira. Ịitughian ịpe Ọmoogh-we phọ ạman bọ esi eegu rꞌịikpo, kụ eghol we ẹmha phọ anyina, nmụny anyina, nmạriir anyina rꞌaruutu anyina eeghi ẹgham mọ.”

Nehemaya 4:20

Eḍighi ịyaar dị nyina ẹnaghan ọkuodu phọ, pọ itu eekpomoghan sịphe mị odi bọ. Ẹnaan phọ ayira keenaan ni iyira.”

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ẹḍua 10:21

Ọmoogh-we phọ ạḅeni Mozis mọ, “Poophe ḍịghaagh ạna ạghiom ạnyu, kụ ọkiph-kịph ufiri kaḍigh aakpereghiom oomo ade phọ Ijipt.”

Ẹḍua 14:14

Ịpam oomiigh anyina. Ọmoogh-we phọ kebian ni inyina.”

Ẹḍua 14:25

Kụ ọdi aḍighi ịdi idighila arughuugh-ude phọ ẹḅaraghan ude, kụ ẹkparanaan bịdi ịlo oghiilom, kụ awe phọ Ijipt ọḅem mọ, “Ọmoogh-we phọ odianaan rꞌawe phọ Ịzirel rabianaan rꞌayira. Ọḍua sịen phọ.”

Ẹḍua 19:4

Nyina ịmiin ni ịpe mị aḍighi bọ we phọ Ijipt, mị ịpham inyina ịdipho uga rạpam ghan bọ mọony ọdi ạnyu araphaaph phọ ọdi kụ mị ịsighe inyina aghuraam loor ạmi.

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Bụo aRom 8:37

Eeye. Ọpo ụphomoghian bọ iyira raḍighi ghan ni ịdi yira ọkpar ri ropu kopeleghiom oomo ạraraar phọ ịphen phọ.

Dutoronomi 1:29

“Kụ mị ịḅeni bọ inyina mọ, ‘Kékpereghaan, kékiilaan bịdi.

Dutoronomi 11:3

ịiḍaany phọ ọdi ịpe ọdi aḍighi yogh bọ ọdaam eelhe phọ Ijipt rꞌoomo ade phọ ọdi.

Dutoronomi 29:2

AMozis aakpomoghi oomo Ịzirel kụ ạḅeni mọ, “Nyina ịmiin ni oomo phọ ịpe Ọmoogh-we phọ aḍighi bọ ọdaam mọ Ijipt rꞌoomo ạrebene phọ ọdi rꞌade phọ ọdi,

Dutoronomi 3:22

Kékiilaan bịdi loor esi dị Ọmoogh-we Ẹnaan phọ anyina kieenaan ni inyina.’

Dutoronomi 31:3

Ọmoogh-we Ẹnaan phọ anyina kiḍiemiom inyina apiemi oomo areelhe phọ ịpe edi bọ risigh anyina, kụ nyina kụ kẹmoogh bịdi, kụ aJosua kụ kiḍiemiom inyina, ịdipho Ọmoogh-we phọ ạḅem bọ.

Dutoronomi 34:11

Ọnon oyil ólho dị aḍighi ịdo areḍeenaan rꞌịiḍaany phọ ịpe Ọmoogh-we phọ arom bọ Mozis mọ aḍighi yogh ẹpe ade phọ Ijipt, aḍeenaan ọdaam eelhe phọ rꞌoomo abutelhedom mọ ọdi rꞌoomo ade phọ ọdi.

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Dutoronomi 7:18

pọ kékiilaan bịdi, ịitughian ghan ịpe Ọmoogh-we Ẹnaan phọ anyina eḍighi bọ ọdaam eelhe phọ rꞌoomo awe phọ Ijipt:

Josua 10:14

Ịphen phọ ke̋mite ghan ẹnon aḍio kꞌageediidi, dị Ọmoogh-we phọ ạnaghanan ẹḍogh oye. Ọmoogh-we phọ kụ eenaan Ịzirel.

Josua 10:42

AJosua ạsighe oomo arere phọ ạbidi rꞌạbudaam mọ ạbidi egina amem, ịdi eḍighi bọ Ọmoogh-we Ẹnaan phọ Ịzirel kụ eenaan Ịzirel.

Josua 23:3

kụ nyina mẹmiin ni oomo ịpe Ọmoogh-we Ẹnaan phọ anyina eḍighi bọ oomo areelhe phọ loor ẹmhu phọ anyina, ịpe Ọmoogh-we phọ Ẹnaan phọ anyina eenaan bọ inyina.