Dutoronomi 1:21 - Ạḍinya Iigbia

²¹ Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 1:21 Iomraidhean Croise

Nehemaya 9:15

“Mem dị ọkoony asiph bịdi, nạ ụngo ni bịdi eḍien dị ẹḍua kꞌạke, rꞌạmuum dị ạḍua esi aḍighiigh mem ọkoony ạmuum. Nạ ụḅeni bịdi mọ ophogh de phọ ạḍiphe nạ aguanaan bọ ọngo ạbidi.

Ạsuor 46:1

Ẹnaan phọ kụ esi ịbooghian ḅịle rꞌịnyaam ayira. Ọdi rụlhoghonaan ghan iyira ḍịghaagh mem ịiḅaghami.

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ạsuor 46:7

Ọmoogh-we Oomo Ịikpo phọ odianaan ni rꞌayira, Ẹnaan phọ ạJekob kụ aḍibuo dị yoor oḍigh.

Azaya 41:10

Kẹ́moogh oghiilaan — mị odi ni rꞌanyina! Mị kụ Ẹnaan anyina — rꞌịyaar inyina kị́degh! Mị kaḍighi ịdi nyina kẹmoogh ịikpo kụ ịngo inyina ẹloghonaan! Mị kiiko ni inyina kụ ịphel inyina.

Igbiighi 13:30

ẠKeleb ạphoomi ni iloghi awe phọ rọgumom bọ kophoghom Mozis, kụ ạḅem mọ, “Ụgua ozuom nyịidipho ọghi ọsighe de phọ. Yira ọmoogh ịikpo dị ẹmanam ọkpar opu ọsighenom.”

Elegh aLuk 12:32

“Ḍịbam aḍita, oḅio anyina kúkaph. Ẹḅeeraan ni Ọde phọ anyina ọngo anyina ọmar phọ ọdi.

Dutoronomi 1:20

Kụ mị ịḅeni bọ inyina mọ, ‘Yira mosi roogbolom mọ Ạmorait, nyẹpe Ọmoogh-we Ẹnaan phọ ayira rịngo bọ iyira.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:3

‘Ịnaghan, nyina Ịzirel, nyina meḍuraan ẹebeeph rodon ee ẹgham rꞌạbumulogh-ḍien phọ anyina, obio anyina kúkaph, kékiilaan, kékpereghaan, kékiilaan bịdi,

Dutoronomi 31:6

Ịkparami siloor anyina, ẹmoogh ạkpo ologhi, kékiilaan, kẹ́moogh eepuph, ịdi eḍighi bọ Ọmoogh-we Ẹnaan phọ anyina kụ kiḍiemiom ni inyina. Ọdi inyina kị́wile, inyina kíghel.”

Dutoronomi 7:18

pọ kékiilaan bịdi, ịitughian ghan ịpe Ọmoogh-we Ẹnaan phọ anyina eḍighi bọ ọdaam eelhe phọ rꞌoomo awe phọ Ijipt:

Dutoronomi 7:21

Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

Dutoronomi 9:23

Mem mọ Ọmoogh-we phọ ịḅeni bọ inyina ẹpe Kades Bania mọ, ‘Ịki ẹsighe de phọ ẹmoogh, ḍịphe mị ịngo bọ inyina,’ kụ nyina ị́naghanan ịpe mị Ọmoogh-we Ẹnaan phọ anyina ạghaaph bọ. Nyina ímeeraam, ịnaghanan ẹḍogh phọ ọdi.

Bụo aHibru 13:6

Kụ esi ịduon phọ yira kọḅem ni rꞌoḍuom ologhi mọ, “Ọmoogh-we phọ kụ rụlhoghonaan ghan ịmi ḍịghaagh. Mị kákiilaan. Oye kuḍighi ịmi eeghe?”

Josua 1:6

Kpạrami loor ạna, ạmoogh oḅiom, loor esi dị nạ kụ kaḍighi ịdi awe phọ ạbuen kọmoogh de phọ, ḍịphe mị aghunya bọ esi ạburude phọ ạbidi ọngo ạbidi.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”