Dutoronomi 1:19 - Ạḍinya Iigbia

¹⁹ “Kụ yira ọtuugh ịpe Ọmoogh-we Ẹnaan phọ ayira ạto bọ ụḅeni iyira oḍighi kụ oḍighi. Yira ọḍua bọ sịphe Eegum aSainai kụ ọghi eten eboom ẹdala phọ eḍigh bọ ịikia ruugu ẹpe nyina ẹmiin bọ rẹki bọ roogbolom eelhe ạbuo Ạmorait phọ, osi Kades Bania.

Dutoronomi 1:19 Iomraidhean Croise

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Igbiighi 10:12

Kụ awe phọ Ịzirel ọḍua sịphe Ẹdala aSainai omiigh erelhe. Kụ rosi ẹpe ẹdala phọ ạParan kụ ọotu phọ azinian.

Igbiighi 13:26

Bịdi ọghi ọteeny Mozis, Eeron rꞌoomo aḍita awe phọ Ịzirel, sịphe Ẹdala ạParan, sịphe Kades, kụ bịdi ọghaaph ịpe bịdi ọmiin bọ ọḅeni bịdi rꞌoomo awe phọ, kụ oḍeenaan bịdi iimuma ade phọ.

Igbiighi 14:14

Kụ bịdi kọkaaph ni ọḅeni we phọ bụen orugh bọ de phọ aḍien, ịdi eḍighi bọ bịdi mọnaghan ni mọ Ọmoogh-we phọ odianaan ni rꞌawe phọ ạbuen. Seseeny, Ọmoogh-we, oomo ariḍien phọ kụ rẹmiin ni, dị ọotu phọ ạna ạmeera esomanan ạbidi, kụ nạ raḍiemiom ghan bịdi ootaany rꞌeekpoogh ọotu, ḍughul eekpoogh ạnian.

Igbiighi 32:8

Ọdo phọ ịphen kẹn kụ ịdi ạburude phọ anyina oḍighi bọ ẹpe Kades Bania mem mọ mị arom bọ bịdi mọ ọghi ọmiin de phọ.

Dutoronomi 1:2

(Bịdi orelhe bọ ḍioph rꞌaḍiniin aḍughul-otu, ọḍua Eegum aSainai, okiton ẹpe aroogbolom aIdom ọghi osi Kades Bania.)

Dutoronomi 1:20

Kụ mị ịḅeni bọ inyina mọ, ‘Yira mosi roogbolom mọ Ạmorait, nyẹpe Ọmoogh-we Ẹnaan phọ ayira rịngo bọ iyira.

Dutoronomi 1:7

Iḅula ekiton ẹphen erelhe ẹghi ẹpe ạraaḅaraph phọ edi bọ eelhe ạbuo Ạmorait phọ rꞌoomo ẹpe etuman reelhe ịpe ekitonom bọ ẹpe eḍiiny phọ ạJodan: ade phọ ẹyaghagha bọ, ẹpe aroogbolom mọ, ẹpe ade phọ eḍiinyaan bọ, ẹpe esoorom mọ, ẹpe ọgbal ọphiiny phọ. Ẹghi esi ẹpe ade phọ aKenan, ẹghi esi ẹpe Lẹbanon, ẹpe ogbogh Ọphiiny aYufratis phọ.

Dutoronomi 2:7

“Ịitughian ịdi Ọmoogh-we Ẹnaan phọ anyina mạseph oomo iiḍighi ạraghaagh phọ anyina. Ọdi alegheri ni erelhe phọ anyina sịen eboom mọ ẹdala phọ ẹphen; esi inyadi ạsia phọ Ọmoogh-we Ẹnaan phọ anyina edianaan ni rꞌanyina, ịyaar inyina ki̋ku.

Dutoronomi 32:10

“Ọdi ạmiin nyọdi ẹpe aḍiguuleeny ade phọ, de dị ị́moogh ịyaar oḍighinom, kụ ọdi aghurughi nyọdi ạsighe aloghoma, kụ aphogh ghan nyọdi ịdipho ọony aḍien phọ ọdi.

Dutoronomi 8:15

ọpo irorori bọ inyina ẹpe eboom mọ ẹdala phọ eḍigh bọ ịikia ruugu, ẹpe ịigama ạrakaraph-ịyaar rꞌasiepere phọ edi bọ, ẹpe ạmuum úlho bọ; ọpo amitiom bọ mụum loor aḍighiigh phọ ịngo inyina;

Josua 10:41

AJosua amiigh ẹpe Kades Bania kụ ạze bịdi ạghi asiemi ẹpe Gaza rꞌoomo ạramha phọ ẹpe aGosen, asiemi kꞌẹpe Gịbion.