Dutoronomi 1:18 - Ạḍinya Iigbia

¹⁸ Mem mọ ạmuphe mị ụghaaph ni oomo ịpe nyina keḍighi ghan bọ ịḅeni inyina.

Dutoronomi 1:18 Iomraidhean Croise

Ẹḍua 18:20

Tụghemi bịdi ịtooghi phọ rꞌiilogh phọ Ẹnaan, kụ ạgba aagbunion ạḅeni bịdi ịlo bịdi kọtol rꞌịlo ẹkpe oḍighi.

Ẹḍua 18:22

Bịdi kụ oogboonaan ghan we phọ ịiruen oomo amem. Kụ aḍighiton lọ epel bịdi loor kụ bịdi ọsighe ghan oruomonaan nyịna. Oomo ịbam asighiton phọ bịdi kụ ọḅem ghan. Ịduon kụ kedughanaan nyịna, loor ịdipho bịdi mophoor bọ dool phọ ạna.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Iiḍighi 20:20

Mị ịyaar ạsuo ụ́booghi ghan ọghaaph rꞌọtughemiom anyina esi ogbo, rꞌọḍua ghan otu ọgba otu. Mị oye ụ́gbatan ghan.

Iiḍighi 20:27

Mị ụ́booghi ogbononomi oomo arigbiom mọ Ẹnaan ọḅeni anyina.

Dutoronomi 12:28

Ịlogh elegh, ẹphamanam ịphen mị rịḅeni bọ inyina ọbo ịnighenom inyina rꞌạnmuny anyina bụphe kọtol bọ dọl phọ anyina kꞌagee-pọ. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ Ẹnaan phọ anyina.

Dutoronomi 12:32

“Tọrobo ịpe mị ạlogh bọ ologh ịngo inyina, ịpamanam ghan ịpe phọ kụ ẹdaph ghan eḍighinom. Ị́sighe ghan ịnon ẹḅaram, ḅịle kẹn ípiemi ghan.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 4:5

“Mị mịtughemi inyina iilogh phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụḅeni ịmi mọ ịduon kụ ịdi nyina keḍighi ghan ẹpe ade phọ nyina rẹki bọ ọmoogh phọ.