Dutoronomi 1:17 - Ạḍinya Iigbia

¹⁷ Íkueni ghan oye mem lọ nyina reegbo ịiruen, ẹnaghanan ghan ịlo ọbam oye rꞌịlo ogbogh oye phọ. Kékiilaan oye, ịdi eḍighi bọ ịiruen ịlo Ẹnaan. Ịpelom inyina ịlo ọghaaph, pọ ịsighe ghan iruom ịmi mị ụkaaph.’

Dutoronomi 1:17 Iomraidhean Croise

Emiighom 18:25

Ọkar igey nạ kạze bụo aruukuan rꞌạbuo ạsipioghom mọ. Kétue emite! Nạ káḍighi ịdipho. Nạ aḍighi ịdipho, pọ mọḅar bụo aruukuan rꞌạbuo ạsipioghom mọ kụ ọliom. Ịpe kétue emite. Oogboom ịiruen oomo aḅirini phọ ạkpe ni oḍighi ạraraar dị eeleeny?”

2 Sạmuel 14:14

Oomo ayira komugh ni; yira ọkigh mụum dị ozu ude, dị kótue mun ookpomoghi. Ghạlamo Ẹnaan bịn réḅeton ghan mun oye lọ mamugh, kụ ọlo ọdaam mọ katue ni ạwa reten lọ oye lọ asuma katigheel.

2 Krọnikuls 19:5

Ọdi ạmaaghi we iiruen oomo ạramha phọ mokpeki yogh bọ ẹpe Juda,

2 Krọnikuls 19:6

kụ ạphur bịdi rụru mọ, “Ịmaar egona loor kụ eegbo ghan ịiruen; nyina rẹdaphan ịtooghi Ọmoogh-we phọ, kị́tooghi awe, kụ odi odianaan rꞌanyina mem osophonaan oye ọoruen.

Job 31:34

Mị úkiilaan ghan ịlo awe kọḅem; mị kőḅoorian ghan ọrol ologhi otu bịn loor oghiilaan ạreer ạbidi.

Ạsuor 82:2

“Isophe oogbo ghan ịkaraph ịiruen; kéḍighan ghan mun ọkaraph oye phọ.

Ẹḍua 18:18

Kẹpher ri nyịna rꞌawe phọ ạbuen phọ. Ịphen phọ ẹpughan dị ogina ạna bịn kụ kaḍighi ghan.

Ẹḍua 18:22

Bịdi kụ oogboonaan ghan we phọ ịiruen oomo amem. Kụ aḍighiton lọ epel bịdi loor kụ bịdi ọsighe ghan oruomonaan nyịna. Oomo ịbam asighiton phọ bịdi kụ ọḅem ghan. Ịduon kụ kedughanaan nyịna, loor ịdipho bịdi mophoor bọ dool phọ ạna.

Ẹḍua 18:26

Kụ bịdi ọḅemogh ghan sighiton awe phọ oomo amem. Aḍighiton lọ epel bịdi loor bịdi ọsighe ọkiom Mozis, kụ ọlo oomo ịbam asighiton phọ bịdi kụ ụḅem ghan.

Asidogh 18:5

Íḍighi elhiom oḍighan ọpo ephum bọ kụ okikima ọpo úlegheri bọ ọmoogh iiḅi ịiruen.

Asidogh 24:23

Awe olegheri-ịyaar ọḅile ọḅem ịduon: Ebeeph ni dị oogboom ịiruen kaḍighan ḍiniin ạga.

Asidogh 28:21

Oḍighan eniin ạga ebeeph ni. Kụ buniin abuugboom ịiruen kọpioman ni ạar ẹnum oti ọman.

Asidogh 29:25

Eḍighi ooto rꞌosooromineen ọoḅaghamian aloor ịlo awe rọotughianam nyịna; nạ ạkpasaghi esi Ọmoogh-we phọ, pọ ịyaar nyịna rẹ́ḅogh.

Jerimaya 1:17

Kookolobian, Jerimaya; kịa ạḅeni bịdi tọrotoro ịyaar lọ mị ạḅeni nyịna ọghaaph. Kákiilaan bịdi nyịidipho ọbo mị kaḍighi ghan bọ ịdi nạ kạkaraghi akiilaan mem lọ nạ ọdi rꞌạbidi.

Lịvitikos 19:15

“Ụ́sighe ghan akeel útene apum, mem lọ nạ rasoph ọoruen; ụ́sighe ghan akeel uwekulom ụngo ọdaam, kụ sophonaan ghan elhiom ọoruen matuman ạna.

Malakai 2:9

Kụ iḍighi kụ mị kaḍighi aani ni ịdi awe phọ Ịzirel kịḅitonaan inyina loor esi dị nyina ị́naghanan mun ogbi phọ ạmi, ḅịle kẹn mem lọ nyina rẹtughemi weye phọ ạmi, nyina répogh ghan weye phọ eniin ephoghom.”

Matiu 22:16

Kụ bịdi orom bụmatuan ạbidi rꞌạbuo ạHerod, mọ ọghi ọteeny Jịzos opuru mọ, “Ọtughemia, yoor olegheri ni mọ nạ oye aruukuan ni. Nạ rápogh ghan oye kạmagh mọ ịyaar ri. Esi ạna oye oye ópu. Nạ ạkar ri rạtughemi ghan reten phọ Ẹnaan.

Elegh ạMak 12:14

Kụ bịdi oru kụ ọḅeni nyọdi mọ, “Ọtughemia, yoor olegheri ni mọ nạ oye aruukuan ni. Nạ rápogh ghan oye kạmagh mọ ịyaar ri. Esi ạna oye oye ópu. Nạ ạkar ri rạtughemi ghan reten phọ Ẹnaan. Iilogh phọ ayira emeeraam ni mọ yira osogh ghan iisogh phọ aSiza uwo ẹmha phọ aRom ḍụghum? Osogh ghan ni kụ kúsogh?”

Elegh aLuk 20:21

Kụ bịdi opuru nyọdi mọ, “Ọtughemia, yoor olegheri ni mọ ọghaaph phọ rꞌịtughemi phọ ạna igey ni. Esi ạna oye oye ópu. Nạ ạkar ri rạtughemi ghan reten phọ Ẹnaan.

Bụo aRom 2:11

Ghisigh Ẹnaan oye oye ópu.

Bụo ạEfesos 6:9

Bụrude-otu, ịtuugh egina phọ ẹphamam mọ kụ ẹpham rẹbene phọ anyina. Ịbile ọpaarogh ghan ạbidi. Ilegheri mọ nyina rꞌạrebene phọ anyina ẹḅoph nyoniin Ọde-otu ẹpe kꞌạke, dị rạpam ghan tọrobo oye eniin phọ ẹphamam mọ.

Dutoronomi 10:17

loor esi dị Ọmoogh-we phọ Ẹnaan phọ anyina, ọdi kụ Ẹmugh dị epu oomo ạrumugh, egbogh Ẹmugh dị ẹbugh, eḍigh ruugu; oye ọ́ghigh ịyaar esi ọdi, rále ghan oti-ọman.

Dutoronomi 16:19

Ị́sighe ghan akeel etene apum; íkiilaan ghan oye; íle ghan ịgara, ịdi eḍighi bọ ịgara reḍighi ghan ịdi ariḍien oye dị alegheri ịyaar keḅomoghian, bịn anme elhiom ịiruen phọ.

Dutoronomi 24:17

“Kẹ́tu ghan mọ ọdi ooruen bịn enme ịiruen; ḅịle mọ ọnyigo bịn enme ịiruen akeel phọ ọdi. Kẹ́sighe ghan rukpe ekpukele ạnir ẹphagh.

Dutoronomi 25:1

“Eru mạar dị awe ọmoogh ịikonoghian kụ ọsighe ọghi sịphe otu ịiruen phọ, pọ abuugboom ịiruen phọ ọtuugh elhiom kúsoph ogheelemi nyọpo ụ́pioman bọ, ophume nyọpo ạpioman bọ.

Bụo ạKolosi 3:25

Kụ tọrobo oye lọ raḍighi ghan ịkaraph kạmoogh ni ịikpia dị ẹkasian rꞌịkaraph phọ ọdi. Ẹnaan rẹ́logh ghan oye ịiseeny.

1 Bụo ạTesalonika 2:4

Yoor ụghaaph ghan ịdipho awe dị Ẹnaan mẹma ẹsighe ooḅi ọghaaph phọ ẹlogh rạghaagh, kị́lo kẹgbaanyan we, ịlo ọḅaalami ologhi Ẹnaan phọ rẹeḅeghion ghan bọ iloghi phọ ayoor.

Jems 2:9

Nyina ephogh ọolha ephophe kụ ephogh uwekulom esooromi, pọ nyina mẹpioghom, ḅịle erugh miphum inyina.

1 Pita 1:17

Ịdipho mem lọ nyina rẹeḅereghi Ẹnaan phọ repogh ghan bọ oḍighi ạtorobo oye kẹtuugh ịiruen esophonaan kụ nyina rẹmagh ghan bọ mọ “Ọde”, ịsighe nụun oomo phọ aghuḍum mọ anyina asugha bọ sịen ade phọ eghueniom nyọdi.

1 Sạmuel 16:7

Kụ ọlo Ọmoogh-we phọ ạḅeni Sạmuel mọ, “Kápogh ḍimite rꞌẹnighe phọ. Mị akel li nyọdi, loor esi dị mị rápogh ghan ịdipho awe ropogh ghan bọ. Awe ropogh ghan ẹphen ạnyu phọ, kụ mị rapogh ghan ologhi phọ ọdi.”

1 Sạmuel 2:25

Eru mạar dị oye ạpioman esi ọnon oye, pọ Ẹnaan ketue ni ẹpel nyọdi; kụ ọlo ạnhian kụ katue ạpel oye dị mạpiom ghisigh Ọmoogh-we phọ?” Kụ ọlo bịdi ụ́naghanan ẹḍogh ọde phọ ạbidi, loor esi dị Ọmoogh-we phọ magbiighi amuneni ọze ạbidi.