Dutoronomi 1:16 - Ạḍinya Iigbia

¹⁶ “Mem mọ ạmuphe mị ụlogh ni ologh ạngo bụo ịiruen phọ mọ, ‘Ịnaghanan ghan ịpe emite bọ ogbo abumor phọ anyina, kụ ẹsighe ruukuan kụ eegboom ghan riliom ịiruen kụ ẹngo bumor phọ anyina rꞌaruuruen phọ.

Dutoronomi 1:16 Iomraidhean Croise

Emiighom 18:25

Ọkar igey nạ kạze bụo aruukuan rꞌạbuo ạsipioghom mọ. Kétue emite! Nạ káḍighi ịdipho. Nạ aḍighi ịdipho, pọ mọḅar bụo aruukuan rꞌạbuo ạsipioghom mọ kụ ọliom. Ịpe kétue emite. Oogboom ịiruen oomo aḅirini phọ ạkpe ni oḍighi ạraraar dị eeleeny?”

2 Sạmuel 23:3

Ẹnaan phọ Ịzirel mẹḅem ọpelia phọ Ịzirel ụḅeni ịmi: “Ọdaam mọ ọpo ạdaam bọ iiḅi ịiruen, dị ạnaghanan Ẹnaan kụ ạdaam,

Ạsuor 58:1

Nyina phọ ẹdaaghi bọ resoph ghan ni ogey ọoruen ḍụghum? Nyina repoghom ghan ni oomo awe ḍiniin aḍien ḍụghum?

Ẹḍua 22:21

“Kẹ́miine ḅịle kẹ́gbiphoghom ooruen. Ilegheri mọ nyina ịrol li mem iiruen ẹpe Ijipt.

Asidogh 31:9

Kạaphanaan bịdi kụ aḍighi oye igey ịiruen. Pạmanaan riliom arukulom mọ rꞌạbuphe ẹkparam bọ.”

Lịvitikos 19:15

“Ụ́sighe ghan akeel útene apum, mem lọ nạ rasoph ọoruen; ụ́sighe ghan akeel uwekulom ụngo ọdaam, kụ sophonaan ghan elhiom ọoruen matuman ạna.

Lịvitikos 24:22

Ologh phọ ọphon idianaan ni inyina ạbuo ẹmha phọ rꞌaruuruen phọ; ịdi eḍighi bọ mị kụ Ọmoogh-we phọ, Ẹnaan phọ anyina.’”

Igbiighi 27:19

ạsighe nyọdi ạmeremi risigh Ẹliazar oyil ạrikia phọ rꞌesomanan oomo aḍita awe phọ kụ ạngo nyọdi ọghor sịphe risigh ạbidi.

Elegh ạJon 7:24

Kẹ́sighe ghan riḍien bịn esophom ọoruen. Ịnaghan ghan ọnhu aḍighiton phọ kụ.”

Dutoronomi 1:15

Mị ụtuan bọ ịphen phọ ạsighe bụo ạrumhu ịsiphe arughunughun phọ anyina, we olegheri ịyaar dị rọnaghanan ghan ḍụghum, aḍighi bịdi bụo ạrumhu dị kiphogh ghan inyina: buniin kọtooghi ghan ọngo oniin ọonir awe, buniin kọtooghi ghan ọngo oniin okuron awe, buniin kọtooghi ghan ọngo ooghdi awe, buniin kọtooghi ghan ọngo ḍioph awe rꞌạbudi kopogh ghan rughunughun phọ anyina ọkaaphogh ghan rạraar.

Dutoronomi 24:14

“Kạ́kpiloghom ghan uwekulom oye lọ nạ aphir oḍighinaan ạna oḍighi, mọ ọdi umor ạna mꞌooruen lọ odi sịphe ade phọ ạna, sịphe ạramha phọ anyina.

Dutoronomi 25:1

“Eru mạar dị awe ọmoogh ịikonoghian kụ ọsighe ọghi sịphe otu ịiruen phọ, pọ abuugboom ịiruen phọ ọtuugh elhiom kúsoph ogheelemi nyọpo ụ́pioman bọ, ophume nyọpo ạpioman bọ.

Dutoronomi 27:11

Kụ aMozis ạlogh ologh ḍiniin phọ aḍio phọ kụ ạḅem mọ,

Dutoronomi 31:14

Kụ Ọmoogh-we phọ ạḅeni Mozis mọ, “Nạghan, asiḍughul-otu ạna mẹebeeph dị nạ kamugh. Mạgh Josua mọ tue. Ịki eḍeenaan loor anyina sịphe Ogbogo phọ mị ụlogh ologh ạngo nyọdi.” Kụ aMozis rꞌaJosua ọghi sịphe Ogbogo phọ oḍeenaan loor ạbidi.

1 Bụo ạTesalonika 2:11

Ịdipho nyina elegheri bọ ni, yoor ụrolom tọrobo ọnyo anyina ịdipho ọde raakonom ghan bọ nmụny ọdi.

1 Timoti 5:21

Mị ạsighe ḍien Ẹnaan rꞌạJizos Kraist rꞌạruukpaany phọ Ẹnaan ẹsaḅar bọ kụ raghiremi nyịna ịyo mọ nạghanan ikpo ọnhu oroma phọ ịphen phọ, kụ tọrobo ịlo nạ raḍighi, kạ́seeghi ghan we.

1 Timoti 6:17

Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom.