Dutoronomi 1:15 - Ạḍinya Iigbia

¹⁵ Mị ụtuan bọ ịphen phọ ạsighe bụo ạrumhu ịsiphe arughunughun phọ anyina, we olegheri ịyaar dị rọnaghanan ghan ḍụghum, aḍighi bịdi bụo ạrumhu dị kiphogh ghan inyina: buniin kọtooghi ghan ọngo oniin ọonir awe, buniin kọtooghi ghan ọngo oniin okuron awe, buniin kọtooghi ghan ọngo ooghdi awe, buniin kọtooghi ghan ọngo ḍioph awe rꞌạbudi kopogh ghan rughunughun phọ anyina ọkaaphogh ghan rạraar.

Dutoronomi 1:15 Iomraidhean Croise

Ẹḍua 18:21

Kụ esi ọḅaram, sọn ikakara awe amitiom sịphe ogbo awe phọ Ịzirel ạmaaghi buḍiemiom dị kopogh ghan sita ọonir, mꞌoniin okuron, mꞌooghdi, mꞌaḍioph. Bịdi oḍighi we oghiilaan Ẹnaan dị koḍuom ologhi ḅịle kúḍighi we ole oti-ọman.

Ẹḍua 24:1

Ọmoogh-we phọ ạḅeni Mozis, “Tue ạnyu eegum mọ ụteeny ịmi, nạ rꞌEeron, ạNadab, Abihu rꞌoḍualdi abuḍiemiom mọ Ịzirel; kụ nyina ẹtol repogh bịn ekpuḍian iiseeny ịmi.

Igbiighi 1:4

Eghun eghun, oye oye kụ ọḅaram rꞌanyina, oye lọ aru uwo ẹmhu sịphe ọto phọ ạbidi.”

Igbiighi 31:14

Kụ aMozis ạghagham ologhi bụo ạrumhu ạtorobo ẹku awe ẹgham mọ, bụphe rọtooghi ghan bọ kọngo sụmuunir ạbuo ẹgham mọ, rꞌạbuphe rọtooghi ghan bọ kọngo rukuron ạbuo ẹgham mọ, ọḍua bọ ẹgham mọ origheel.

Bụo ạEfesos 4:11

Ọdi kụ aanmo bọ we ruunmo phọ, ạma buniin oḍighi abutelhedom, buniin ọghaaph ghan ịpe Ẹnaan egananami bọ, buniin ọghaaph ghan ooḅi ọghaaph phọ, buniin ophogh ghan ạbuo ạsiosi phọ, buniin ọtughemi ghan ịtughemi.

Dutoronomi 1:14

Nyina emeeraam mọ, ‘Ịphen nạ ạghaaph bọ, ẹkpe ni oḍighi.’

Dutoronomi 1:16

“Mem mọ ạmuphe mị ụlogh ni ologh ạngo bụo ịiruen phọ mọ, ‘Ịnaghanan ghan ịpe emite bọ ogbo abumor phọ anyina, kụ ẹsighe ruukuan kụ eegboom ghan riliom ịiruen kụ ẹngo bumor phọ anyina rꞌaruuruen phọ.

Dutoronomi 16:18

“Ikori ẹmaaghi bụo ịiruen rꞌạbuo ịtooghi sịphe ạramha phọ anyina, ịpe Ọmoogh-we Ẹnaan phọ anyina rịngo bọ inyina, ịdaph rughunughun phọ anyina, kụ bịdi oogboonaan ghan we phọ riliom ịiruen.

1 Sạmuel 17:18

Ạsighe ḍioph iiḅoghoḍi onhiir ạmamaam ạnam ạpham ạghiom uwo ẹmhu phọ ạbidi. Mạar ạwa alegheri ịlo abumor phọ ạna odi; kụ nạ ratigheel, pạm ịyaar dị keḍeenaan mọ nạ ụkaraghi ni ạmiin bịdi ḅịle kẹn mọ bịdi omoon ni.

1 Sạmuel 22:7

Kụ ạSol ạḅeni bụo ịtooghi phọ ọdi mọ, “Ịnaghan, nyina awe kꞌạBenjamin. Nyina regbiom ghan mọ aDevid kạsighe iizo ariiḍien rꞌavain kụ ạngooghi oomo phọ anyina ḍụghum kụ ạsighe oomo anyina aḍighi bụo ịtooghi awe ẹgham mọ ọdi ḍụghum?

1 Sạmuel 8:12

Ọdi kạsighe buniin aḍighi ruwo ẹmhu dị kopogh ghan ḍita awe dị ọman oniin ọonir awe, abuniin opogh we dị ọman ooghdi awe. Ạnmuny phọ anyina kụ koḅephanaan ghan nyọdi iizo; obughanaan nyọdi ibugha mem lọ ẹteeny, ọḅile ọlemanaan nyọdi reenema ẹgham rꞌarughuugh-ude phọ ọdi.