Dutoronomi 1:11 - Ạḍinya Iigbia

¹¹ Ọmoogh-we Ẹnaan ạburude phọ anyina mịbughe inyina eḍighi ḍiza oniin ọonir amem epu, ịseph inyina ịdipho ọdi iguanaan bọ inyina.

Dutoronomi 1:11 Iomraidhean Croise

Emiighom 15:5

Kụ Ọmoogh-we phọ ạpham nyọdi amitenom erugh kụ ạḅeni nyọdi mọ, “Pogh okuaḍio phọ. Bạl rạanaan phọ, mụghumo nạ katue ni, agbi amuneni. Ịdipho kụ ẹdi ẹemara ẹemara ạna koleeny.”

Emiighom 22:17

mị maguanaan mọ mị kạngo nyịna ịbadi ẹemara dị kẹtol ịdipho ạraanaan phọ edi bọ kꞌạke phọ rꞌikpo ịisaar phọ edi bọ sịphe ọphiiny phọ. Ẹemara ẹemara ạna kọkpar ri opu ghan bụmulogh-ḍien ạbidi.

Emiighom 26:4

Kụ mị aḍighi ịdi ạnmuny phọ ạna kọmar omuzeḍi ịdipho ạraanaan phọ edi bọ kꞌạke phọ, kụ mị ạsighe oomo ạramha phọ ịphen ạngo nmụny ạna. Kọtuan nmụny ạna kụ ọseph oomo areelhe ịsien aḅirini phọ,

Emiighom 49:25

Ẹnaan ọde phọ ạna kụ rẹloghonaan nyịna ḍịghaagh. Ẹnaan Oomo Ịikpo phọ kụ rẹngo nyịna ḍịseph: Ḍịseph ọlophia dị ạḍua ẹpe kꞌạke kụ aru, Ḍịseph ạmuum dị ẹḍua ẹpe aḍigher ade kụ eru, Ḍịseph ọoloogh ạsinam rꞌạnmuny,

2 Sạmuel 24:3

Kụ aJoab ạphagharanaan ọdaam mọ mọ, “Nạ Ogbogh Ọdaam, Ọmoogh-we Ẹnaan phọ ạna ạbughe weye phọ Ịzirel oniin okuron amem apuemi ịphen edi bọ nyịidipho, kụ nạ tọl li eye ạmiin mem dị ọdi kaḍighi bọ ịphen phọ. Kụ eeghe kụ iḍighi kụ nạ Ogbogh Ọdaam mọ rạwa bọ oḍighi ịphen phọ?”

1 Krọnikuls 21:3

AJoab ạphagharanaan mọ, “Ọmoogh-we phọ ạbughe weye phọ Ịzirel oniin okuron amem apuemi ịphen edi bọ nyịidipho! Oomo ạbidi abutelhedom ạna. Kụ ọlo eeghe kụ iḍighi kụ nạ ogbogh ọdaam mọ rạwa bọ oḍighi ịduon phọ ọngo eelhe phọ apum?”

Ạsuor 115:14

Ọmoogh-we phọ aḍighi ni ịdi nyina kẹmoogh ẹnighenom — nyina rꞌạnmuny anyina!

Ẹḍua 32:13

Tụutughian Ebraham rꞌẠizik rꞌỊzirel, abutelhedom mọ ạna, bụphe nạ ạtuan bọ kụ aghunya rꞌaloor, kụ ạḅeni bịdi mọ, ‘Mị kạbughe ni ọophi anyina ịdipho ạraanaan phọ edi bọ ẹpe okuaḍio; kụ oomo phọ ade phọ ạḍien mị aguanaan bọ ọngo oghiil anyina kẹtol ḍịo anyina kꞌagee-pọ.’”

Izikiel 16:7

Mị aḍighi nyịna ịdi nạ aphoph ịdipho oreeny dị amoon. Nạ ạbugh rꞌịikpo kụ aphoph kụ aḍighi esina ọnyani. Ạramamaam ạna ẹmaar emite, kụ ạsilaal ạna ephoph, kụ ọlo nạ ụrol ẹdaḅa.

Igbiighi 22:12

Ẹnaan ẹḅeni Bẹlam mọ, “Kạ́daph bịdi ạki atulughi we phọ, ịdi eḍigh bọ bịdi awe dị mị mạseph.”

Igbiighi 6:27

Kụ Ọmoogh-we phọ ạḅile ạḅem mọ, “Bịdi ọsighe ḍien phọ ạmi ọḅogh ọngo we phọ Ịzirel ịduon phọ, mị kạseph ni bịdi.”

Dutoronomi 1:10

Ọmoogh-we Ẹnaan phọ anyina mịbughe inyina. Rodon nyina meḍiza ịdipho ạraanaan phọ ẹpe kꞌạke.

Dutoronomi 1:12

Ogina phọ ạmina bịn kụ kaḍighi ika kụ atue bọ atool ẹemor phọ anyina, ịiḅaghami phọ anyina, rꞌasighiton phọ anyina?

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 10:22

Ạburude phọ anyina ọpham bọ oḍualdi awe kụ ogheelom bọ Ijipt; kụ nyịidipho Ọmoogh-we Ẹnaan phọ anyina mịbughe inyina ịdipho ạraanaan phọ edi bọ kꞌạke eḍiza.

Dutoronomi 28:62

Nyịidipho nyina eḍiza ịdipho ạraanaan phọ edi bọ kꞌạke phọ, kụ Ọmoogh-we Ẹnaan phọ anyina kighome inyina, ịdi eḍighi bọ nyina ị́naghanan ẹḍogh phọ ọdi.