Dutoronomi 1:10 - Ạḍinya Iigbia

¹⁰ Ọmoogh-we Ẹnaan phọ anyina mịbughe inyina. Rodon nyina meḍiza ịdipho ạraanaan phọ ẹpe kꞌạke.

Dutoronomi 1:10 Iomraidhean Croise

Emiighom 15:5

Kụ Ọmoogh-we phọ ạpham nyọdi amitenom erugh kụ ạḅeni nyọdi mọ, “Pogh okuaḍio phọ. Bạl rạanaan phọ, mụghumo nạ katue ni, agbi amuneni. Ịdipho kụ ẹdi ẹemara ẹemara ạna koleeny.”

Emiighom 22:17

mị maguanaan mọ mị kạngo nyịna ịbadi ẹemara dị kẹtol ịdipho ạraanaan phọ edi bọ kꞌạke phọ rꞌikpo ịisaar phọ edi bọ sịphe ọphiiny phọ. Ẹemara ẹemara ạna kọkpar ri opu ghan bụmulogh-ḍien ạbidi.

Emiighom 28:14

Ạnmuny ạna koḍiza ịdipho ịisaar ade phọ, kụ nạ ạtara asi ẹpe erumuḍio phọ remite ghan bọ, rꞌẹpe remeel ghan bọ, ạtara ạki ephunom ạtara ạki esoorom; kọtuan nyịna kụ ọseph oomo arughunughun sịen aḅirini phọ.

1 Krọnikuls 27:23

ADevid ọdaam mọ ógbiom nmụny dị ụ́man ịyaldi ạsia, loor esi oguan Ọmoogh-we phọ mọ ọno kamuzeḍi we Ịzirel dị kọtomaam rạanaan okuaḍio phọ.

Nehemaya 9:23

Nạ ụngo bịdi ịbadibadi ạnmuny ịdipho ạraanaan phọ ịpe edi bọ okuaḍio phọ, kụ ạngo bịdi ịnyaam ọkpar opu kụ orugh sịphe ade phọ nạ aguanaan bọ ọngo bụrude ạburude ạbidi.

Ạsuor 107:38

Ọdi ạseph we phọ ọdi kụ bịdi ọmaraghi ịbadi ạnmuny; ọdi ómeera aḍita ạsinam ạbidi esoorom.

Ẹḍua 12:37

Awe Ịzirel umiigh ni erelhe owol ade ọḍua Rameses osi Sukot. Alephiri bịn ọkiom ni 600,000, nmụny rꞌạnmariir ụ́loghom.

Ẹḍua 32:13

Tụutughian Ebraham rꞌẠizik rꞌỊzirel, abutelhedom mọ ạna, bụphe nạ ạtuan bọ kụ aghunya rꞌaloor, kụ ạḅeni bịdi mọ, ‘Mị kạbughe ni ọophi anyina ịdipho ạraanaan phọ edi bọ ẹpe okuaḍio; kụ oomo phọ ade phọ ạḍien mị aguanaan bọ ọngo oghiil anyina kẹtol ḍịo anyina kꞌagee-pọ.’”

Azaya 51:2

Ịitughian Ebraham ọde ạburude phọ anyina rꞌaSera, ọophi phọ nyina ẹḍua bọ emite. Mem dị mị ạmagh Ebraham, ọdi mọony ọ́moogh, kụ mị ạngo nyọdi ḍịseph ạngo nyọdi nmụny. Mị aḍighi ịdi ạnmuny ọdi oḍiza.

Izikiel 16:7

Mị aḍighi nyịna ịdi nạ aphoph ịdipho oreeny dị amoon. Nạ ạbugh rꞌịikpo kụ aphoph kụ aḍighi esina ọnyani. Ạramamaam ạna ẹmaar emite, kụ ạsilaal ạna ephoph, kụ ọlo nạ ụrol ẹdaḅa.

Igbiighi 10:36

Kụ tọrobo amem lọ ẹdi ezinian, ọdi ạḅem ghan mọ, “Ḅula, Ọmoogh-we ạteeny sịmuunir arughunotu phọ Ịzirel.”

Dutoronomi 1:11

Ọmoogh-we Ẹnaan ạburude phọ anyina mịbughe inyina eḍighi ḍiza oniin ọonir amem epu, ịseph inyina ịdipho ọdi iguanaan bọ inyina.

Dutoronomi 10:22

Ạburude phọ anyina ọpham bọ oḍualdi awe kụ ogheelom bọ Ijipt; kụ nyịidipho Ọmoogh-we Ẹnaan phọ anyina mịbughe inyina ịdipho ạraanaan phọ edi bọ kꞌạke eḍiza.

Dutoronomi 26:5

Kạaph ạḅeni Ọmoogh-we Ẹnaan phọ ạna mọ, ‘Ọde phọ ạmi ọlo ạSiria dị ịlo ọrol úlegheri kụ asuma agheel Ijipt kụ arugh ẹpe, ịyal-ikpo ạbidi kụ ugheel bọ ẹpe phọ, kụ ọdi aḍighi eboom eelhe oḍiza ọbugh omitiom ḍien.

Dutoronomi 28:62

Nyịidipho nyina eḍiza ịdipho ạraanaan phọ edi bọ kꞌạke phọ, kụ Ọmoogh-we Ẹnaan phọ anyina kighome inyina, ịdi eḍighi bọ nyina ị́naghanan ẹḍogh phọ ọdi.

Dutoronomi 7:7

“Ọmoogh-we phọ ọ́tuan ịdi nyina kụ ẹbugh epu bụnon awe kụ ịphomoghian bọ inyina, ịsaḅar inyina ạsighe: nyina kụ ighom epu oomo awe.