Dutoronomi 1:1 - Ạḍinya Iigbia

¹ Ịphen kụ ịdi aMozis ạghaaph bọ ạḅeni oomo Ịzirel sịphe ẹdala phọ ạga emitenom Ọphiiny ạJodan. Bịdi ụrol sịphe Eḍiiny ạJodan dị etuman Suf, igbo ẹmha ạParan dị edi ḍiniin ạḍighaagh, rꞌạramha aTofel, Lẹban, Hazerot rꞌaDizahab ḍịeri phọ ạḍighaagh.

Dutoronomi 1:1 Iomraidhean Croise

Emiighom 21:21

Ọdi arugh ẹpe Ẹdala ạParan; kụ onhiin phọ ọdi aphinanaan nyọdi ạnir ọlo Ijipt.

1 Ạbudaam 11:18

Kụ bịdi ọḍua ẹpe Mịdian ọghi osi Pạran, kụ bịdi ọsighe we ẹpe Pạran ọpham ọghi osiom Ijipt, osi kꞌọdaam eelhe phọ Ijipt. Ọdaam eelhe phọ ạngo nyọdi otu ạḅeni mọ ịngo nyọdi eḍien, ạḅile ạngo nyọdi de.

Hạbakuk 3:3

Ẹnaan mẹḅile ẹḍua ẹpe Idom retu; Ẹnaan aruukuan ẹḍua ẹpe aroogbolom mọ ạParan kụ retu. Eegu phọ ọdi eekpereghiom okuaḍio phọ kụ de phọ ạḍiseph ọdi kụ imuza.

Igbiighi 10:12

Kụ awe phọ Ịzirel ọḍua sịphe Ẹdala aSainai omiigh erelhe. Kụ rosi ẹpe ẹdala phọ ạParan kụ ọotu phọ azinian.

Igbiighi 11:35

Awe phọ ọḍua sịphe Kibrot Hataava ọghi osi ẹpe Hazerot; kụ ọrol sịphe Hazerot.

Igbiighi 12:16

Pụruku awe phọ Ịzirel ọḍua sịphe Hazerot omiigh erelhe, ọghi osi ẹpe Ẹdala ạParan, kụ odoghoḍi rugbogo sịphe.

Igbiighi 13:26

Bịdi ọghi ọteeny Mozis, Eeron rꞌoomo aḍita awe phọ Ịzirel, sịphe Ẹdala ạParan, sịphe Kades, kụ bịdi ọghaaph ịpe bịdi ọmiin bọ ọḅeni bịdi rꞌoomo awe phọ, kụ oḍeenaan bịdi iimuma ade phọ.

Igbiighi 13:3

AMozis ạdaph ịpe Ọmoogh-we phọ ạto bọ ạḅeni nyọdi sịphe Ẹdala ạParan kụ arom bịdi. Oomo ạbuphe ọdi arom bọ ạbuo ạrumhu sịphe ạnmuny phọ Ịzirel.

Igbiighi 32:19

Yoor kọ́ḅaram rꞌạbidi, ópinogh asibin ẹmoogh ẹpe ẹḅeenyom ọphiiny phọ ạJodan ẹghiom risigh, ịdi eḍighi bọ ẹmoogh ẹlo ayoor imeelom iyoor ẹphen ọman phọ ạJodan, ẹpe erumuḍio phọ remite ghan bọ.”

Igbiighi 32:32

Yoor kọnyaaghian ni ịlo ẹgham mọ egbodo Ọmoogh-we phọ, ọdaph ọki osi ẹpe ade phọ aKenan, kụ abin ẹmoogh phọ mụo ayoor ịrolonaan ni iyoor ạga emitenom erumuḍio phọ ẹpe ạJodan.”

Igbiighi 32:5

Eru mạar dị nyina ịphomoghian ni iyoor kụ ẹmoogh ghụsan esi ayoor, pọ ịngo butelhedom mọ anyina de phọ ạḍien eḍighi ẹmoogh ḍịo ayoor; kị́pham iyoor ẹḅeenyom Ọphiiny ạJodan.”

Igbiighi 34:15

ẹpe ọman ạJodan repogh bọ Jeriko, ẹpe erumuḍio phọ remite ghan bọ.”

Igbiighi 35:14

ịraar ạramha ạga emitenom erumuḍio phọ ẹpe Jọdan, ịraar ẹpe ade phọ aKenan.

Dutoronomi 2:8

“Kụ mem mọ yoor otenom bọ bumor phọ ayoor nmụny phọ Ịso bụphe orugh bọ ẹpe Idom, ẹpe eten phọ Araba oten Elat ẹpe Ezion Geber, kụ yoor oḅula okiton eten phọ nyẹpe ẹpe ẹdala phọ ạMoab.

Dutoronomi 27:1

AMozis rꞌikumoor awe phọ Ịzirel ụto ni ọḅeni we phọ mọ, “Iiko ghan oomo iilogh phọ ịphen mị adoghoḍi bọ ịngo inyina rodon.

Dutoronomi 29:1

Ịphen kụ ikpo ọnhu ịyo phọ ịpe Ọmoogh-we phọ ạlogh bọ ologh ạngo Mozis, ịpe ọno rꞌawe Ịzirel oghiran bọ ẹpe ade phọ ạMoab. Ịphen kị́pe bịdi rꞌọno oghiran bọ ẹpe Eegum aSainai.

Dutoronomi 31:1

Kụ aMozis ạḅile ạghaaph ikpo ọnhu phọ ịphen ạḅeni oomo Ịzirel mọ,

Dutoronomi 33:2

Ọdi ạḅem: “Ọmoogh-we phọ ạḍua ẹpe Eegum aSainai kụ aru ụteeny iyira; eegu ọdi imite ịdipho erumuḍio ạḍiroor ẹmuom Idom, kụ ẹḍua Eegum ạParan esoorom we phọ ọdi. Ạsimuunir ạruukpaany ọrolan ni rꞌọdi, kụ ạnian dị reemor ẹrol ḍịghaagh elhiom ọdi.

Dutoronomi 5:1

AMozis ạmagh oomo phọ Ịzirel aakpomoghi, kụ ạḅeni bịdi mọ, “Weye Ịzirel, ịnaghan ịtooghi phọ rꞌịiruen phọ ịpe mị ạghaaph bọ rịḅeni inyina rodon, ọbo nyina ẹmaar eeko, ẹtuugh ẹdaph eḍighi.

Josua 22:4

Kụ nyịidipho Ọmoogh-we Ẹnaan phọ anyina mạngo bumor phọ anyina ophooghian ịdipho dị aguanaan bọ bịdi; esi ịphen phọ kụ iḍighi, iḅula egheel ẹpe arugbogo phọ anyina ẹpe ade abin ẹmoogh phọ anyina, ḍịphe aMozis otelhedom Ọmoogh-we phọ ịngo bọ inyina ạga emitenom erumuḍio phọ ạJodan.

Josua 22:7

Oniin opol eghun ạManase aMozis ạngo bịdi bin ẹmoogh ẹlo ạbidi ẹpe Bạsan, kụ ọphori phọ eghun ạManase aJosua ạngo bịdi bin ẹmoogh ẹlo ạbidi atumeriom bumor phọ ạbidi ẹpe erumuḍio remeel ghan bọ ẹpe Jọdan. Kụ mem mọ aJosua ạḅeni bọ bịdi mọ ikeel ẹpe arugbogo phọ anyina kụ ạseph bịdi kụ ạḅeni bịdi mọ,

Josua 3:16

ạmuum mọ asophe okil bịn akpolan eḅum kꞌẹpe ogbo ọphiiny sịphe Ạdam, ẹmha dị edi ọogaany aZaretan; kụ ekiilom ạmuphe rasoor bọ kaḍigh Ọphiiny-Ạla phọ ẹkar bịn esophaan: kụ awe phọ oru ọḅeeny ophun esi dị etuman Jeriko.

Josua 9:1

Ọdu ọkpar opu phọ Ịzirel aaleghaan ni ạteeny oomo ạbudaam-ẹmha phọ bụphe orugh bọ ạga emeelom erumuḍio phọ ạJodan, kꞌẹpe aroogbolom mọ rꞌẹpe aruugum mọ, rꞌẹpe ọgbal Ọphiiny aMeditarenian phọ ẹteeny eelhe dị etuman Lẹbanon: bụen kụ ạraalha ạHitait phọ rꞌẠmorait phọ rꞌaKenanait phọ rꞌạPerezait phọ rꞌaHivait phọ rꞌaJebusait phọ.

Josua 9:10

rꞌoomo ịpe ọdi aḍighi bọ ịyal phọ ạbudaam mọ Ạmorait bụphe orugh bọ ẹpe ạga emitenom mọ ạJodan, ịpe ọdi aḍighi bọ Sihon ọdaam mọ aHesbon, rꞌịpe ọdi aḍighi bọ Ọg ọdaam mọ ạBasan, bụphe orugh bọ ẹpe Astarot.

1 Sạmuel 25:1

ẠSamuel amugh kụ oomo awe phọ Ịzirel ookpomoghan omoghi nyọdi. Kụ bịdi oḍi nyọdi ẹpe ẹmha phọ ọdi ẹpe Rama. Ịphen phọ reten, kụ aDevid aten ạghi ẹpe ẹdala phọ ạParan.