Dạniel 9:3 - Ạḍinya Iigbia

³ Kụ mị ạkaraghi ạaḅereghi Ẹnaan Ọmoogh-we phọ, ạlhom ghan, rꞌọkaagh ẹḍogh, ạkpologhian iinmenan ọto, ạḅile ạrol ghan ude esi ọoru.

Dạniel 9:3 Iomraidhean Croise

2 Sạmuel 12:16

ADevid ạaḅereghi ni Ẹnaan mọ ọony phọ aḍum. Ọdi ómeera olhe ịyaar, kụ tọrotoro aḍughul ọdi aḍigh osoph ọdi kụ ạmina ude.

Ẹzra 10:6

Pọ kụ esi dị ọdi ạḍua sịphe esomanan Otu Ịiḅereghi phọ ạghi ologhi asimarugh aJehohanan ọony Eliasib, kụ ạrol sịphe ḍughul phọ akururu iboom esi ẹ́moogh omeeraam mọ ạbuphe ọḍua bọ iiruen ạramha origheel. Ọdi eḍien ólhe, ịyaar ọ́phughol.

Ẹzra 8:21

Ẹpe ọgbal aKoroma Ahava, mị ụto ni ạngo mọ oomo phọ ayoor ọrol ọkoony kụ osooromi loor ghisigh Ẹnaan phọ ayoor kụ kẹn opuru ọdi ịlo oḍiemiom ayoor mem erelhe phọ ayoor kụ ọoḅaki ayoor rꞌạnmuny ayoor rꞌoomo ịpe yoor ọmoogh bọ.

Ẹzra 9:5

Mem dị ẹteeny mem ẹkia adulhe phọ, mị aḅetenu sịphe mị ạrol bọ rạto ghan, kụ mị akpuḍian rꞌarukpe phọ ạmi ẹphanyu bọ esi ịiḅereghi kụ ạrar rạghaagh ạmi ạghiom Ọmoogh-we Ẹnaan phọ ạmi.

Nehemaya 9:1

Ḍio dị emuneniom ịyaldi rꞌinya sịphe ụnwanyu phọ ọpo phọ, awe phọ Ịzirel uukpomoghan ni ọrol ọkoony esi ịiḅereghi oḍeenaan ọto esi ịkaraph phọ ạbidi. Bịdi mọgbatan ni siloor ạbidi esi aruuruen kụ ọkpologhian rụsuoma ọto, ọḅile ophugha rụmhu ạbidi ọoru oḍeenaan ẹ́ḅaal ologhi, kụ ọmeregha kụ omiigh ootuma ịkaraph dị bịdi rꞌạburude ạburude ạbidi moḍighi.

Esta 4:16

“Kịa aakpomoghi oomo ạbuo aJu phọ sịphe Sụsa eniin esi. Ịkaagh ẹḍogh ịiḅereghinaan ịmi. Kéle ḅịle kẹ́pughol rꞌeniin ịyaar esi ịraar ootaany rꞌaḍughul. Abutelhedom ạnmanyaan ạmi rꞌạmi koḍighi ni iniin phọ. Ịpe reten, mị kạki ni kꞌọdaam mọ, ghạlamo eḍighi ni ịdi ologh phọ úmeeraam. Eru mạar dị kughiigh ịmi loor esi oḍighi ịphen, pọ mị ạnya ni omugh.”

Job 42:6

Loor ịduon phọ umugholoor rusiph ni ịmi esi oomo phọ ịpe mị ạḅemogh bọ kụ mị magbula ọoru rꞌophugh esi okiton.

Ạsuor 35:13

Mem dị bịdi úmoon, mị umuuna ghan kpụru; mị aghine loor ạmi eḍien, akul orum ạmi ạlogh akururu kụ ạaḅereghi.

Azaya 22:12

Egbogh Ẹnaan Oomo Ịikpo Ọmoogh-we phọ ịmagh ghan inyina mem mọ ọpo mọ imoghi rꞌọto, ịlo oghula ạrumhu anyina kụ oonmenan iinmenan ọto.

Jerimaya 33:3

“Ụmagh ịmi kụ mị kạnaghanan ni nyịna, mị kạḅeni ni nyịna iikia ạraraar ịiḍaany dị nạ úlegheri.

Izikiel 36:37

Ọmoogh-we dị ạmoogh oomo ịikpo ạḅem, “Mị kạḅile ni ạngo ọgel awe Ịzirel phọ ụlhom ịmi ọloghonaan ạḍighaagh, kụ mị kạbughe ḍita ạbidi ịdipho aḍita iyool-ịga.

Dạniel 6:10

Mem dị ạDaniel ạnaghan mọ mọdaphari ḍịghaagh ologh phọ, ọdi agheel kꞌọdi. Osoph ẹpe otu ạnyu phọ ọdi arughuugh-ookuugh ịrol li dị esoman Jeruselem. Ịsiphe phọ, ịdipho ọdi raḍighi ghan bọ tọrotoro amem, ọdi akpuḍian atuman rughuugh ookuugh phọ moghunyon bọ kụ ạaḅereghi Ẹnaan ịraar amem ḍio.

Dạniel 9:2

Ḍịḅel ạlha ọda phọ ọdi, mị odi rạaḅeghion ghan rịnya iigbia phọ kụ ạatughian ghan ịpe oḍualdi ạsia ạdol amuphe phọ aJeruselem kẹtol bọ, ọdaphan ịpe Ọmoogh-we phọ mạḅeni bọ Jerimaya oyil phọ.

Dạniel 9:20

Mị odi ni rạaḅereghi, ratuphughian ịkaraph ạmi rꞌịkaraph awe phọ ạmi Ịzirel, kụ ạlom ghan Ẹnaan phọ ạmi Ọmoogh-we Ẹnaan phọ ạmi ọosa ooḅulemi Otu Ịiḅereghi iigbia phọ ọdi.

Dạniel 9:4

Mị ụuḅereghi ni Ọmoogh-we Ẹnaan phọ ạmi kụ aruphughian ịkaraph awe phọ ạmi. Mị ụḅem ni, “Ọmoogh-we Ẹnaan, nạ kụ ogbogh, ḅịle yoor roghueni ni nyịna. Nạ raako ghan ịyo phọ nạ maghiran bọ aḍeenaan ẹphomoghian dị rémuneen ghan esi ạbuphe ọphomoghian bọ nyịna roḍighi ghan bọ ịlo nạ ạto.

Joel 1:13

Ịkpologhian rụsuoma ọto kụ emoghi, nyina ariil ạrikia phọ, bụphe okumu ghan bọ sịphe enmeny phọ! Iḍigh Otu Ịiḅereghi phọ kụ emoghi oomo aḍughul phọ! Ịbiakpa rꞌamiim ílho mun ọngo Ẹnaan phọ anyina.

Joel 2:12

Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

Jona 3:5

Awe phọ aNineve umeeraam ni dom mọ Ẹnaan erom bọ. Kụ bịdi omeeraam mọ tọrobo oye kạkaagh ẹḍogh, kụ oomo awe phọ, emiigh ọbam kụ ẹteeny ogbogh, ọkpologhian ịparapara iinmenan oḍeenaan mọ bụno mokiton esi ịkaraph phọ ạbuno.

Matiu 17:21

Ịnon ịikpo dị kọsighe kụ oporoghom ọdo uwaloor phọ ọphon ílho, emuton ịiḅereghi rꞌọkaagh ẹḍogh.]”

Iiḍighi 10:30

Kụ ạKonilios mọ, “Rꞌarodon inya aḍughul-otu ọdo amem mọ ạmuen, mị odi kꞌạmi rạaḅereghi ghan ịiḅereghi ịraar asuo ootaany, bịn mị ạmiin oye dị aḍighinaan iiloghoḍian ibura, dị ạmeera esomanan ạmi,