Dạniel 8:2 - Ạḍinya Iigbia

² Sịphe uḍien phọ ekperenom bịn mị aloghoma dị mị masi Sụsa ẹkpana ẹmha ẹpe ẹkpigh phọ Ilam. Mị ụmeera ọgbal Ọphiiny Ulai,

Dạniel 8:2 Iomraidhean Croise

Emiighom 10:22

Ạnmuny ạSem — Ilam, Ashur, Apaksad, aLud, rꞌAram — bịdi kụ ạburude ạburude awe areelhe phọ romeera ghan bọ siḍien phọ ạbidi.

Emiighom 14:1

Inya ạbudaam, Ạmrafel ọlo ạBabilon rꞌẠriok ọlo Elasa rꞌaKedorlomer ọlo Ilam rꞌaTidal ọlo aGoyim,

Nehemaya 1:1

Phọn kụ ọghaaph arukumuan dị aNehemaya ọony phọ aHakalia akumuan. Ụnwanyu aKislev, lhạ phọ ạḍiphe emuneniom bọ ịyaldi phọ kꞌamem mọ Atazakzis aḍighi bọ ogbogh ọdaam eelhe aPasia, mị aNehemaya ụrol li ẹpe Sụsa, ẹkpana ẹmha phọ ọdi.

Esta 2:8

Mem dị ọdaam mọ mạngo bọ imoom ịto phọ ọdi kụ rọsighe bọ ịbadi ạnmanyaan koru sịphe Sụsa, Esta ạrolom aani ni. Ụlogh aani ni nyọdi sịphe ogiga ọdaam mọ aHegai rapogh bọ, ọpo ạmoogh bọ ịto ophogh ạdol ạnmariir kꞌọdaam mọ.

Esta 3:15

Esi ịto ọdaam mọ uḍighi ni ịdi ologh phọ aganana sịphe ẹkpana ẹmha phọ ạSusa, kụ ạbuo eghiil ọsighe dom mọ ọghi rịikpigh areelhe phọ. Ọdaam mọ rꞌaHaman ụrol ude kụ ọphughol miim mem dị ẹmha phọ ạSusa kụ moroph rosumeeny ologhi ịgbaragbara.

Esta 7:6

Esta ạphagharanaan mọ, “Ạmulogh-ḍien phọ rụgbiphoghom bọ iyoor, ọḅaghama phọ oye phọ ọphon aHaman.” AHaman ạnmagharan aphogh ọdaam mọ rꞌukueni-ạnir phọ esi oboom oghiilaan.

Esta 8:15

Rọkpologhian iinmenan dị eḍighi ạbiloogh rꞌịphalaḅaal, rꞌạsuoma dị ozuom ạnyu dị oḍighinom ịma ọyegheyeghe ukpe rꞌeboom eghoony agol, kụ aModekai ạwile ogiga ọdaam mọ. Sịphe areten phọ ạSusa, iboh rꞌịlooghi ọḅaal ologhi kụ emuza.

Esta 9:11

Ḍio ḍio phọ ạḍiphe ụḅeni ni ọdaam mọ ọnhu awe phọ ọze bọ sịphe Sụsa.

Esta 9:15

Ḍio dị emuneniom ḍioph rꞌinya aḍughul-otu ụnwanyu phọ Adar, ạbuo aJu phọ ẹpe Sụsa ọḅile ookpomoghan kụ ọze ịraar okuron ạbunon awe sịphe ẹmha phọ. Kụ ḅịle kẹn bịdi rạraar awe ụ́sighe.

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Azaya 21:2

Mị mạmiin ịmiin ạraraar igbagbaar dị kemite, ịmiin iikeleghian rꞌamuphe. Nyina ạbuo ẹgham Ilam, itu ozuom. Nyina ạbuo ẹgham aMedia, itu oḅinighian ozuom ọsighiogh rạmha phọ! Ẹnaan kekureri ni ịminimiin phọ ịpe ạBabilon kụ aseere bọ.

Izikiel 1:1

Omuneniom oogh aḍio omuneniom inya ụnwanyu esi ạlha dị emuneniom ịraardi, mị Izikiel oyil ạrikia phọ, ọony aBuzi, ụrolan dọl iiruen rꞌawe ạbuo aJu phọ ọgbal Ọphiiny aKebar ẹpe Bạbilonia. Okuaḍio phọ aghughuronu kụ mị ạmiin uḍien Ẹnaan.

Izikiel 32:24

“Ilam ọdi sịphe rꞌiiḍi awe ẹgham ạbidi dị ekoom. Ụze oomo ạbidi ẹgham, kụ bịdi ọghi, dị úḍuna, ọmar iḍim. Eye bịdi uleenye ḍiigu kụ nyịidipho bịdi momeel omugh rꞌumugholoor.

Dạniel 10:4

Ḍio phọ ạḍiphe emuneniom bọ ịyaldi rꞌinya ọḅel ụnwanyu ạlha phọ, mị ụmeera ọogaany ogbogh Ọphiiny ạTaigris.

Dạniel 7:15

Ạraraar phọ mị ạmiin bọ uḍien iḍigh ni ruugu esi ạmi, ẹḅile ịiḅaghami ịmi iboom.

Dạniel 7:2

ịpe mị ạmiin bọ ḍughul phọ: Ookuugh aghugh oomo ịigaany phọ kụ ạgur ghan ạnyu ạmuum otu-ḅualhe phọ.

Dạniel 8:1

Lhạ phọ ạḍiphe emuneniom bọ ịraar phọ kꞌamem mọ ạBelsazar amiigh bọ ọda phọ, mị ụḅile ni ạmiin uḍien.

Dạniel 8:3

kụ sịphe ọgbal ọphiiny phọ mị ạmiin odughuna dị ạmoogh ịyal ịidoony ạraphaal, oniin ạdoony ạḅile aḍighi omoom apu nyọori phọ.

Igbiighi 12:6

Kụ ọdi ạḅeni bịdi mọ, “Ịnaghan ịphen mị kạkaaph bọ. Eru mạar dị ariil uḍien odi sịphe ogbo phọ anyina, pọ mị Ọmoogh-we phọ aḍeenaan loor ạmi bịdi uḍien, kụ ạḅaanaan bịdi rạmalha.

Bụo aHibru 1:1

Mem dị meten, Ẹnaan irom ni riil ọdi kụ ọghaaph ghan ịbadi amem reten kịrokiro ọḅeni bụrude ạburude phọ ayira,

Ogonanami Phọ 9:17

Sịphe uḍien phọ, mị ụmiin ni ạrusu phọ rꞌawe phọ oḍiku bọ rokiilom. Ạmama ọsuaram ikpo phọ ạbidi ạghigh nịan rꞌạraraar dị oghol mọ ạsafair rꞌạsolfa. Ạrumhu ạrusu phọ ịghigh ịlo ạnam-dịka, kụ ạnian rꞌạmughi rꞌạsolfa ẹḍua rụnhu phọ ạbidi emiteghu.