Dạniel 8:10 - Ạḍinya Iigbia

¹⁰ Ọdi ạkpar ri ịikpo asi esi dị azuom ẹgham weye ẹgham kꞌạke, rꞌạraanaan phọ rꞌaloor, kụ ọdi alhereghi ni buniin ạbidi ude bịn ạazeghi.

Dạniel 8:10 Iomraidhean Croise

Ogonanami Phọ 12:4

Ẹsoph phọ ọdi, ịghoghom muniin esi ịraar abin ạraanaan phọ ẹpe kꞌạke eroph esiemi ude. Ọdi ạmeera ghisigh ạnir phọ oghunughun phọ rakun bọ, ọbo ọmar mọony phọ roseere bịn ọdi ạba.

Azaya 14:13

Nạ ụkururu ni ọsiiny osi kꞌạke ịlo oseere ạgada ọdaam ẹmha ạna esi ḍi ephoph epeleghom opuemi rạanaan phọ ịpe ẹkel bọ sịphe iboom epu oomo ịpheri phọ. Nạ ụutughian mọ nạ kạtol ịdipho ọdaam ạnyu ẹeḅaraph phọ ẹpe ephunom mọ sịphe ạrumugh phọ reekpomoghan ghan bọ.

Dạniel 8:7

Mị ụmiin ni ịdi ọdi azuom elephiri odughuna phọ. Ọdi ạsighe ni ọghagh ologhi kụ ạkulom odughuna phọ bịn awunughi ịyal phọ ạraphaal phọ. Odughuna phọ ọ́moogh ịnyaam ọmerenyan. Ulher nyọdi ude kụ ọozeghi, oye ọ́rol dị arue ạtagharan nyọdi.

Dạniel 7:7

Ịduon mị odi bọ ni rapogh, bịn ẹnam dị emuneniom inya iru ni emite. Ẹphen phọ ịmoogh ni ịikpo, eeph ọmiin, ẹḅile eḍigh ḍiigu. Ẹnam mọ ẹmoogh igbogh ạralaal okuron dị eezighiḍiom ghan ịnam lọ ọdi asiph kụ ạḅile ẹezeghi bịdi. Ọdi ạgbatanaan ni ịpheri phọ ịnam mọ; ọdi ạmoogh ḍioph ạraphaal.

Dạniel 11:28

Ọdaam eelhe phọ ạSiria kạpam ni rạraar phọ ọdi awum bọ atighelom otu, ạnya rꞌịkpuku ophiemi awe phọ Ẹnaan eghiran bọ ịyo. Ọdi kaḍighi ịlo ẹḅeeraan nyọdi kụ agbi ogheel ẹpe ade phọ ọdi.

Dạniel 11:30

Awe aRom koḍiku ni rughuugh ạmughi otu ozuom ọdi, kụ aḍiigu esiph nyọdi. “Kụ ọdi agbi oḅula rꞌophin ologhi kụ ọwa ịlo ophiemi omeeraam awe phọ Ẹnaan. Ọdi kạdaphan oroma awe phọ ạbuphe moghel bọ omeeraam mọ ọpo.

Jerimaya 48:26

Ọmoogh-we phọ ạḅem mọ, “Ịngo miim ạMoab ọdi ạyegheyeghe, loor esi dị ọdi mạḅaar ẹmhu esi ạmi. ẠMoab kaakila ạnyu izuughi ọdi, kụ awe ọmilogh.