Dạniel 8:1 - Ạḍinya Iigbia

¹ Lhạ phọ ạḍiphe emuneniom bọ ịraar phọ kꞌamem mọ ạBelsazar amiigh bọ ọda phọ, mị ụḅile ni ạmiin uḍien.

Dạniel 8:1 Iomraidhean Croise

Izikiel 1:1

Omuneniom oogh aḍio omuneniom inya ụnwanyu esi ạlha dị emuneniom ịraardi, mị Izikiel oyil ạrikia phọ, ọony aBuzi, ụrolan dọl iiruen rꞌawe ạbuo aJu phọ ọgbal Ọphiiny aKebar ẹpe Bạbilonia. Okuaḍio phọ aghughuronu kụ mị ạmiin uḍien Ẹnaan.

Dạniel 1:17

Ẹnaan ịngo ni inya phọ ugheel ạnmuny phọ olegheri-ịyaar rꞌẹmaar esi ạrinya rꞌigbogh ịitughian. Ọdi ạngoom kẹn ni Dạniel ẹmaar ọgba ghan ẹmhu ạramalha rꞌịmiin.

Dạniel 10:2

Mem mọ ọpo phọ, mị ụrol ọto esi ịyaldi rꞌoniin aḍughul-otu.

Dạniel 10:7

Mị bịn kụ ụmiin uḍien phọ. Awe phọ ạbuphe ọrol bọ rꞌạmi ụ́miin rꞌịyaar kụ ọlo aruugu asiph ni bịdi kụ oghiil ạaghian yogh.

Dạniel 11:4

Kụ ọlo, mem dị ịikpo phọ ọdi mẹkaraghi ẹbugh, eelhe phọ ọdi kemeel kụ edia inya ạriikpigh. Ạraalha dị úḍighi ẹemara ẹemara ọdi kụ kọda esi phọ ọdi kụ ọlo bịdi kọ́moogh ịikpo phọ ọdi ạmoogh ghan bọ.

Dạniel 7:1

Ḍịḅel ạlha phọ ạḍiphe ạBelsazar kụ ạda bọ Bạbilonia, mị ụmalha ni mạlha kụ ạmiin uḍien ḍughul. Mị ụge ni mạlha phọ ḍịnya, kụ ịphen kụ ịge phọ

Dạniel 7:15

Ạraraar phọ mị ạmiin bọ uḍien iḍigh ni ruugu esi ạmi, ẹḅile ịiḅaghami ịmi iboom.

Dạniel 7:28

Phọn kụ ekureriom ọghaaph phọ. Aruugu usiph ni ịmi iboom dị tụtu mị amaghagha, ḅịle mị oye ụ́ḅeni oomo phọ ịphen phọ.

Dạniel 8:15

Mị odi rạatughian ghan ọnaghanan ẹmhu uḍien phọ, bịn oye ạmeera ghisigh ạmi ekperenom.

Dạniel 8:2

Sịphe uḍien phọ ekperenom bịn mị aloghoma dị mị masi Sụsa ẹkpana ẹmha ẹpe ẹkpigh phọ Ilam. Mị ụmeera ọgbal Ọphiiny Ulai,

Dạniel 9:2

Ḍịḅel ạlha ọda phọ ọdi, mị odi rạaḅeghion ghan rịnya iigbia phọ kụ ạatughian ghan ịpe oḍualdi ạsia ạdol amuphe phọ aJeruselem kẹtol bọ, ọdaphan ịpe Ọmoogh-we phọ mạḅeni bọ Jerimaya oyil phọ.