Dạniel 7:9 - Ạḍinya Iigbia

⁹ Ịduon mị odi bọ ni rapogh bịn ọmeremi yogh sịgada ọdaam eelhe. Ọpo odi ghan bọ kꞌagee-pọ phọ ạrolom nyoniin ạgada phọ. Iinmenan ọdi ịḅaal fororo mụdi ibikpo ḅịle ạsilaal ẹmhu phọ ọdi ẹghigh eriri-ogho. Ạgada igbogh phọ ọdi, ụmeremi ạnyu idighila ạnian kụ eemor ghan,

Dạniel 7:9 Iomraidhean Croise

1 Ạbudaam 22:19

Kụ aMikaya ạḅeni nyọdi mọ, “Nạghan ịdi Ọmoogh-we phọ ạghaaph. Mị ụmiin ni Ọmoogh-we phọ dị ạrolom ạgada ạbudaam mọ ẹpe kꞌạke kụ aḍita ạruukpaany phọ ọmeregha otuman nyọdi, buniin ḍịghaagh elhiom buniin ḍịghaagh ekeeny.

2 Krọnikuls 18:18

AMikaya ạghaaph ạghiom: “Nyịidipho ịnaghan ịpe Ọmoogh-we phọ rạḅem bọ! Mị ụmiin ni Ọmoogh-we phọ dị ạrolom ạgada igbogh phọ ọdi ẹpe kꞌạke rꞌoomo ạruukpaany phọ dị ọmeregha ịigaany ọdi.

Ạsuor 45:8

Oomo arukpe phọ ạna repur ghan eḍu amaa rꞌalos rꞌakasia. Ạbuo areephegh ropheghenaan nyịna ephegh ọḅaal ologhi sịphe ogiga dị oselemiom oḍu ọoma.

Ạsuor 90:2

Tụtu nạ kạlem bọ rạaḅaraph phọ mụghumo omitiom aḅirini phọ, nạ bịn kụ uḍighi Ẹnaan dị edi ghan kꞌagee-pọ kụ kaḍighi Ẹnaan kꞌagee-pọ.

Ạsuor 93:2

Ạgada igbogh phọ ạna, Ọmoogh-we, amiigh ni kpis kꞌemiighom mọ, ḅịle nạ odi ghan ni kụ amem egbi omiigh.

Azaya 6:1

Lhạ phọ ạḍiphe Uzaya ọdaam mọ amugh bọ, mị ụmiin ni Ọmoogh-we phọ. Ọdi ạrolom ạgada ọdaam mọ ọdi, apoph kụ rꞌarughuenian, kụ ẹsoph ạsuoma phọ ọdi eleeny oomo ologhi ogbogh Otu Ịiḅereghi phọ.

Azaya 9:6

Mụmaranaan iyira mọony! Mụngo iyira ọkpana! Ọdi kaḍighi ọdaam ayira. Nyọdi kọmagh mọ, “Ịiḍaany,” “Uwo Oroma,” “Ẹnaan oomo ịikpo,” “Ọde kꞌagee-pọ,” “Ọkpana Ẹepho.”

Jerimaya 49:38

Mị kapiemi ni bụdaam rꞌabuḍiemiom mọ ạbidi kụ amitiom ạgada ọdaam ạmi ẹpe.

Izikiel 1:26

Ạnyu eḅugulu ịyaar phọ, ịyaar ịrol li dị ẹghigh ạgada ọdaam dị oḍighinom ạsafair, kụ ịyaar dị ẹrolom ạgada phọ ịghigh ịdipho oye.

Dạniel 7:13

Mem mọ mị rạmiin bọ uḍien phọ ogbo aḍughul, mị ụmiin ni ịyaar dị ẹghigh oye. Ọdi ratu ọteeny ạmi, ọotu akoom nyọdi, kụ ọdi ạghi ạteeny nyọpo odi ghan bọ bịn kꞌagee-pọ kụ ọmeremi nyọdi sịphe phọ.

Dạniel 7:22

Pọ kụ amem dị ọpo odi ghan bọ bịn aru kụ asoph ọoruen agheelemi we Ọkaraghi Egbogh Ẹnaan phọ. Amem mọ mẹteeny dị kọḅogh ịikpo ạraalha ọngo we phọ Ẹnaan.

Maika 5:2

Ọmoogh-we phọ ạḅem mọ, “Bẹtilihem Efrata, nạ eniin ẹmha dị eghom iboom sịphe Juda, kụ aloor ạna kụ ẹdi mị kamitiom oye dị kạda Ịzirel, dị ẹemara ẹemara ọdi emiigh kꞌageedi.”

Hạbakuk 1:12

Ọmoogh-we, kꞌẹkar emiighom mọ nạ kụ Ẹnaan. Nạ kụ Ẹnaan ạmi, Ẹnaan Aruukuan dị rémugh ghan. Ọmoogh-we, Ẹnaan ạmi rꞌọpelia ạmi, nạ ạsaḅar weye phọ ạBabilon ạngo bịdi ịnyaam ẹrol dị bịdi ụliom ghan iyoor.

Matiu 17:2

Kụ ọdi anmia pạ aghisigh phọ ạbidi, kụ arisigh ọdi ạmu ịdipho erumuḍio, kụ ibura phọ ọdi ekitonu ẹḅaal forororo ịdipho ạḍiḅaal.

Matiu 28:3

Aḍimite phọ ọdi ịrol mụdi ọomaany. Ạsuoma ọdi ạḅaal forororo.

Elegh ạMak 9:3

kụ ibura phọ ọdi ekitonu ẹḅaal forororo kụ ẹraphan, ịdi sịen aḅirini phọ ootolom arukpe dị mutue ạḅaalami ịdipho ólho.

Iiḍighi 2:30

Aḍighi ni oyil, kụ alegheri ni mọ Ẹnaan phọ ighunya ni, mọ ọno kamitiom ni ọnyo ẹemara ọdi dị kạtolom ạgada ọdaam ẹmha phọ ọdi.

Iiḍighi 2:33

Ọphon kụ ọdi Ẹnaan mephophe bọ pạ ạḍighaagh elhiom mọ ọdi, kụ ạarom Uwaloor Iigbia phọ, ịdipho Ọde phọ aguanaan bọ. Kụ ịphen nyina rẹmiin bọ kẹḅile ẹnaghan ịikpo Uwaloor Iigbia phọ ạJizos mụngo bọ iyoor.

Bụo aFilipai 3:9

ẹrol dị mị ạḅophan nyọdi ạman. Mị ụ́moogh mun ruukuan dị ẹdaph ooko ghan Ologh phọ kụ eru. Nyịidipho mị ạmoogh ruukuan phọ ịpe rọtuan ghan bọ omeeraam aKraist kụ kọngo, ịpe ẹḍua bọ esi Ẹnaan kụ eru. Aruukuan phọ ịpe phọ rẹdaph ghan omeeraam.

1 Timoti 6:16

Ọdi bịn kụ ọdi rámugh ghan, atugh sịphe ạḍiḅaal phọ oye ẹda kạ́daari bọ. Oye ekpeḍien nyọdi kọ̋miinom ghan, kụ oye ekpeḍien nyọdi kạ́miinom. Eegu phọ rꞌịikpo kꞌagee-pọ phọ ẹrolonaan nyọdi! Ẹrol li ịdipho!

1 Jọn 1:5

Ḍịen kụ adom mọ yoor ọnaghan bọ esi Ọony phọ ọdi, kụ ogbeel bọ rịḅeni ghan inyina, mọ Ẹnaan phọ ạḍiḅaal bịn, rꞌẹnum ufiri ólho ghan esi ọdi.

Ogonanami Phọ 1:14

Ạsilaal ẹmhu phọ ọdi ịḅaal fororo ịdipho eriri-ogho rꞌibikpo. Ariḍien phọ ọdi iimor ịdipho ạnian.

Ogonanami Phọ 19:18

Itu ạa iphulupul ạbudaam-ẹmha, rꞌịlo ạbuo ẹgham rꞌaruwo ẹmhu phọ ạbidi, rꞌịlo ạrusu rꞌạbulo bịdi rekiilom, rꞌịlo oomo awe, rẹbene rꞌạbuo ade, bụbam rꞌabugbogh.”

Ogonanami Phọ 20:4

Kụ mị ụḅile ni ạmiin sịgada ọdaam rꞌạbuphe ọrologhom bọ. Ụngo ni bịdi ịnyaam oogboom ịiruen. Mị ụmiin kẹn ni ruwaloor ạbuphe ọtuan bọ mọ ọkaaph ịpe ạJizos agananami bọ ḅịle ọghaaph phọ Ẹnaan kụ ọzeeghi bọ. Bịdi kꞌekulha úuseeny elhom ẹnam mọ mꞌịyaar ọotughianam ghan ọdi phọ, ḅịle kẹn ụ́logha aani elegh elhom ẹnam mọ rolhor mꞌạraghaagh phọ ạbidi. Bịdi ụrol li ọḅarama Kraist ọtooghi rạraar ịdipho ạbudaam esi ọonir ạsia phọ.

Ogonanami Phọ 4:2

Egina amem bịn mị aloghoma ịdi Uwaloor Iigbia phọ mụsiiny ịmi. Ẹpe kꞌạke phọ, ạgada ọdaam aḅirini ạrol li dị oye ạrolom.