Dạniel 7:4 - Ạḍinya Iigbia

⁴ Ẹḅel phọ ịghigh ạnam-dịka, kụ ọlo ẹmoogh raphaaph ịdipho ịlo uga. Mị odi ni rapogh bịn ụphanyi ni raphaaph phọ ọsighiogh. Uphoophe ẹnam mọ ọmeremi mụdi oye, kụ ọngo nyọdi ologhi oye.

Dạniel 7:4 Iomraidhean Croise

2 Sạmuel 1:23

“ẠSol rꞌạJonatan, ịikia ịma awe dị ọphomoghian. Bịdi ụḅoph ni ọrol, ọḅoph omugh; ukem ghan opu uga, ọkpar opu ạnam-dịka.

Job 25:6

Kụ ạghiom ologhi oye, ḍịleegbem mọ, ghoogh-aben phọ? Oye ạkar ạman eeghia riḍien Ẹnaan.

Ạsuor 9:20

Ọmoogh-we, lọgh eepuph loor ạbidi; pịdi oomo areelhe phọ olegheri mọ bụno oopho awe dị romugh ghan ni.

Jerimaya 25:38

Ọmoogh-we phọ mạḅitonaan weye phọ ọdi ịdipho ạnam-dịka lọ mẹḅitonaan epogh ọdi. Ạraraar aruugu ẹgham mọ ḅịle kẹn rꞌoboom ọghagh ologhi Ọmoogh-we phọ mekiton ẹmha phọ etene de ophugh.

Jerimaya 4:13

Ipogh, ạbuo ẹpomoghian phọ rotu ịdipho ọotu. Arughuugh ẹgham ude phọ ạbidi ẹkigh ịdipho oghim, ḅịle ạrusu phọ ạbidi oḍiku bọ ekiil epu uga. Yira mophe! Yira moguul!

Jerimaya 4:7

Ịdipho ạnam-dịka rạḍua ghan bọ esi ịbooghian ọdi kamite, kụ ẹdi oye dị kaagulemi reelhe phọ maḅetenu. Ọdi ratu ni oogulemi aJuda; Igbogh ạramha phọ aJuda keegulaan ni, kụ oye kátugh mun sịphe phọ.

Jerimaya 48:40

Ọmoogh-we phọ maguanaan mọ eniin eelhe kesoorom Mọab ịdipho uga dị ạrar raphaaph rasoor,

Jerimaya 49:19

Ịdipho ạnam-dịka dị ẹḍua emite rụukpua phọ ịpe edi bọ ọgbal ạJodan kụ rẹki de ạroogho, kụ ẹdi mị katu aḍighi ịdi awe Idom kokiil ekperenom ọḍua sịphe eelhe phọ ạbidi. Kụ oḍiemiom mọ ọpo mị ạsaḅar bọ kạda ni eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

Ịkunuma 4:19

Rꞌookuugh dị apu uga lọ ạḍua okuaḍio rasoor kụ ịdi bịdi uphorogh iyoor osoore rạaḅaraph; bịdi uphorogh iyoor sịphe aroogbolom mọ, bịdi ụteeny iyoor ịlo ịiḍaany sịphe ade ịisaar phọ.

Izikiel 17:3

ịlo bịdi kolegheri ịpe mị Ọmoogh-we dị ạmoogh oomo ịikpo phọ rạḅeni bọ bịdi. Eniin amem ogbogh ugah ạrol li sịphe rꞌịma asuphuugh rꞌigbogh araphaaph dị ẹrar. Ọdi ạpheeph ạghi ẹpe ạraaḅaraph phọ ạLebanon kụ awun ạnyu ọsaga ạsighe

Izikiel 28:2

Ọdi ụḅeni ịmi mọ, “Oye dị kamugh ni, ḅẹni ọdaam mọ ạda bọ Taya ịphen mị Ọmoogh-we dị ạmoogh oomo ịikpo phọ rạḅeni bọ nyọdi: ophoophe aloor phọ ạna ạphughan bọ, nạ ạḅem mọ nạ ẹmugh, nạ ạtomaam loor ẹmugh kụ ạḅem mọ nạ ạtolom ạgada igbogh dị ạriphiiny ekoom. Nạ rakue ni. Nạ iphulupul rꞌịḅaal, kẸ́naan.

Izikiel 28:9

Mem dị bịdi oru oghiigh ạna, nạ kạḅeni bịdi mọ nạ ẹmugh ḍụghum? Mem dị nạ azuan bụphe koghiigh bọ nyịna, nạ kạtolom iphulupul rꞌịḅaal kẸ́naan.

Dạniel 2:38

Ọdi mạma nyịna ọda oomo awe lọ orugh sịphe ade phọ rꞌọḅile ọda oomo ịnam rꞌịnun. Nạ kụ ẹmhu agol igbudu phọ.

Dạniel 4:36

“Mem mọ ịitughian phọ ạmi eḅula bọ, arughuenian phọ ạmi, igbogh phọ ạmi rꞌeegu ọmar phọ ạmi uḅulemi ni ụngo ịmi. Awe iiḍighi ạmi rꞌabugbogh awe ạmi ughuraam ni ịmi kụ oḅulemi ịtooghi ọdaam mọ ụngo ịmi opumom egbogh eghuan dị epu ẹḅel phọ.

Dạniel 7:12

Kụ ạanyi ịikpo ịpheri phọ ịnam mọ kụ ọlo omeera mọ bịdi ẹrol ẹnum amem.

Dạniel 7:5

Ẹnam mọ emuneniom bọ ịyal phọ ịghigh eephe-ạno dị ẹmeeraam ruwol ọman phọ. Ẹnam mọ ilomom rạlhaal phọ ọdi ịraar ịḅarara ịkala oku kụ ẹḍogh ẹḅeni mọ, “Kịom ni. Bạ iphulupul phọ ịlo nạ arue!”

Matiu 24:28

“Tọrobo ekpisi lọ ịḅoria aruzu edi kụ ẹdi ạredelhe resoor ghan keekpomoghan.”

Dutoronomi 28:49

Ọmoogh-we phọ kạsighe ni eelhe ẹpe egher ekpisi otu izuom inyina ẹpe eekuna aḅirini phọ, eelhe dị rẹpepheghuan ịdipho uga, eelhe dị nyina kẹ́naghan ịpe bịdi rọḅa bọ,

Ogonanami Phọ 13:2

Elhom ẹnam mọ mị ạmiin bọ ịwa ọghigh ootiir. Aruwol phọ ịghigh ịlo eephe-ạno, ọnhu phọ ạghigh ọlo ạnam-dịka. Ẹnam oḍual ạrumhu phọ ịngo ni elhom ẹnam mọ ịikpo phọ rꞌạgada ọdaam ẹmha phọ rꞌigbogh ịtooghi phọ ọdi.