Dạniel 7:1 - Ạḍinya Iigbia

¹ Ḍịḅel ạlha phọ ạḍiphe ạBelsazar kụ ạda bọ Bạbilonia, mị ụmalha ni mạlha kụ ạmiin uḍien ḍughul. Mị ụge ni mạlha phọ ḍịnya, kụ ịphen kụ ịge phọ

Dạniel 7:1 Iomraidhean Croise

Emiighom 15:1

Ịphen phọ reten, kụ Ebram ạmiin uḍien kụ ạnaghan dị Ọmoogh-we phọ ạḅeni nyọdi mọ, “Ebram, kákiilaan. Mị kụ ọsuaram ikpo ạna. Aruunmo phọ mị kạngo bọ nyịna kẹbugh ni iboom.”

Emiighom 46:2

Ẹnaan eru esi Ịzirel ụmalha ḍughul, kụ ẹmagh mọ, “Jẹkob, Jẹkob.” Kụ ọdi ameera mọ, “Mị odi ni sịen.”

Job 4:13

Ịdipho ạmukaraph ạmalha kụ ẹeḅaghami rạlha phọ ạmi.

Azaya 30:8

Ẹnaan ịḅem mọ mị ụge ụlogh ḍịnya ịpe awe phọ ạbuen ọrol bọ, ọbo ẹtol olegheriom mọ bịdi ịkaraph awe.

Azaya 8:1

Ọmoogh-we phọ ụḅeni ni ịmi mọ, “Sịghe opakara okpooghi ạge ikpo ạraraar dị ebagana yogh mọ, ‘Owum elhom, Ọphueghi elhom’.

Jerimaya 23:28

Oyil dị ạmalha mạlha ạkpe ni ọḅem mọ ọno ạmalha ni bịn, kụ ọlo oyil dị ạnaghan dom ạmi ạkpe ni ogbeelom adom mọ ạḍiphe phọ agey. Eeghia ạsuo kụ ọdi ọsighe ikpu kụ ọtomaam ịbiakpa?

Jerimaya 27:7

Oomo areelhe kekumu nyọdi ẹḅile ekumu kẹn mọony ọdi rꞌọony ọony ọdi tụtu ẹteeny amem dị eelhe phọ ọdi kemeel. Kụ eelhe phọ ọdi kekumu ẹngo reelhe dị ẹmoogh ịikpo rꞌigbogh ạbudaam.

Jerimaya 36:32

Kụ mị ạsighe ḍịnon ạḍinya kụ ạngo Baruk ọgeeghia phọ ạmi, kụ ọdi ạge tọrobo ịyaar lọ mị ạḅem. Ọdi ạge ni tọrobo ịyaar dị ẹrol loor ạḍiḅel ạḍinya phọ rꞌịnon ịdo asidom dị mị ạghaaph ạḅeni nyọdi.

Jerimaya 36:4

Kụ mị ạmagh Baruk ọony aNeraya kụ ạghaaph ghan ạḅeni nyọdi tọrobo ịpe Ọmoogh-we phọ mụḅeni bọ ịmi, kụ aBaruk ạge ghan oomo ịpe mị ạghaaph bọ loor ạḍinya.

Izikiel 1:1

Omuneniom oogh aḍio omuneniom inya ụnwanyu esi ạlha dị emuneniom ịraardi, mị Izikiel oyil ạrikia phọ, ọony aBuzi, ụrolan dọl iiruen rꞌawe ạbuo aJu phọ ọgbal Ọphiiny aKebar ẹpe Bạbilonia. Okuaḍio phọ aghughuronu kụ mị ạmiin uḍien Ẹnaan.

Izikiel 40:2

Esi uḍien kụ ẹdi Ẹnaan ịsighe ịmi ẹghimom Ịzirel kụ ịḅam ịmi ạnyu ẹeḅaraph dị ephoph. Mị ạmiin egbodo ạmi ḍita aruutu dị ẹghigh egbogh ẹmha.

Dạniel 1:17

Ẹnaan ịngo ni inya phọ ugheel ạnmuny phọ olegheri-ịyaar rꞌẹmaar esi ạrinya rꞌigbogh ịitughian. Ọdi ạngoom kẹn ni Dạniel ẹmaar ọgba ghan ẹmhu ạramalha rꞌịmiin.

Dạniel 2:1

Lhạ phọ emuneniom bọ ịyal phọ kꞌamem mọ ạNebukadnezar amiigh bọ ọda phọ ọdi ạmalha ni mạlha. Ạmalha phọ ạaḅaghami ni nyọdi iboom dị ọdi órue mun ọ́naani.

Dạniel 2:26

Ọdaam mọ apuru Dạniel (ọpo oghol bọ mọ ạBeltesazar) mọ, “Nạ katue ni ụḅeni ịmi ịpe mị ạmalha bọ ḅịle rꞌẹmhu phọ ạmalha phọ?”

Dạniel 4:13

“Mị odi rạatughian ghan uḍien phọ bịn mị ạmiin ọokpaany kꞌẸnaan dị ạḍua kꞌạke rasoor, aakolobian kụ ragon.

Dạniel 4:5

Kụ ọlo mị ụmalha ni mạlha dị aḍigh ruugu, mị ạmiin uḍien rạraar aḍiigu mem dị mị rạnaani.

Dạniel 5:1

Ḍiniin aḍughul ạBelsazar ọdaam mọ ạamaghagh oniin okuron abugbogh awe kꞌọdi olhe amalhe, kụ bịdi ọḅophan ọphugholan miim.

Dạniel 5:22

“Kụ ọlo nạ, ọony phọ ọdi, ósooromi loor ạna, ghạlamo ịduon nạ alegheri bọ ni oomo phọ ịphen phọ.

Dạniel 5:30

Ḍiniin phọ aḍughul phọ bịn oghiigh Bẹlsazar ọdaam eelhe phọ ạBabilon;

Dạniel 7:13

Mem mọ mị rạmiin bọ uḍien phọ ogbo aḍughul, mị ụmiin ni ịyaar dị ẹghigh oye. Ọdi ratu ọteeny ạmi, ọotu akoom nyọdi, kụ ọdi ạghi ạteeny nyọpo odi ghan bọ bịn kꞌagee-pọ kụ ọmeremi nyọdi sịphe phọ.

Dạniel 7:15

Ạraraar phọ mị ạmiin bọ uḍien iḍigh ni ruugu esi ạmi, ẹḅile ịiḅaghami ịmi iboom.

Dạniel 7:7

Ịduon mị odi bọ ni rapogh, bịn ẹnam dị emuneniom inya iru ni emite. Ẹphen phọ ịmoogh ni ịikpo, eeph ọmiin, ẹḅile eḍigh ḍiigu. Ẹnam mọ ẹmoogh igbogh ạralaal okuron dị eezighiḍiom ghan ịnam lọ ọdi asiph kụ ạḅile ẹezeghi bịdi. Ọdi ạgbatanaan ni ịpheri phọ ịnam mọ; ọdi ạmoogh ḍioph ạraphaal.

Dạniel 8:1

Lhạ phọ ạḍiphe emuneniom bọ ịraar phọ kꞌamem mọ ạBelsazar amiigh bọ ọda phọ, mị ụḅile ni ạmiin uḍien.

Joel 2:28

“Ruukuna phọ, Uwaloor phọ ạmi kasoorom oomo awe: ạnmuny anyina rꞌạnmanyaan anyina kọkaaph ni ịpe mị agananami bọ; ikumoor awe anyina kọmalha ni rạmalha kụ ugheel ạnmuny anyina kọmiin ni uḍien.

Ẹmos 3:7

Ọmoogh-we Oomo Ịikpo phọ káḍighi ịyaar dị igbiighi phọ ọdi kágananami aḍeenaan butelhedom mọ ọdi, riil phọ.

Hạbakuk 2:2

Ọmoogh-we phọ ụngo ịmi ọphagharanaan phọ ọphon mọ: “Gẹ agananami ạnyu opoḍi aḍighiigh ịlo mị agananami ạḅeni nyịna ẹrol dị otue ọbal ophogh-ọsighe.

Igbiighi 12:6

Kụ ọdi ạḅeni bịdi mọ, “Ịnaghan ịphen mị kạkaaph bọ. Eru mạar dị ariil uḍien odi sịphe ogbo phọ anyina, pọ mị Ọmoogh-we phọ aḍeenaan loor ạmi bịdi uḍien, kụ ạḅaanaan bịdi rạmalha.

Bụo aRom 15:4

Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi.

2 Bụo ạKorint 12:1

Ghạlamo ịdipho iituma phọ sụo ị́moogh bọ ni, mị kaatuma ni. Kụ nyịidipho mị kạkaaph ịlo ịmiin dị Ọmoogh-we phọ aḍighi kụ mị ạmiin, ḅịle rꞌịdi ọdi agananami uḍeenaan ịmi.

Ogonanami Phọ 1:19

Gẹ nụun rạraar phọ nạ ạmiin bọ. Ḅạraghi ni ịpe edi bọ nyịidipho rꞌịpe kemite bọ.

Ogonanami Phọ 10:4

Bịdi ọkaaph bọ roseere bịn mị ụwa ni ọge, kụ mị ạnaghan ẹḍogh dị ẹḅa ghan kꞌạke mọ, “Bọoghi ni ịpe oḍual ạraghaagh ọomaany phọ ẹḅem bọ, ụ́ge ghan esi.”