Dạniel 6:3 - Ạḍinya Iigbia

³ ẠDaniel ạnuun ni aḍeenaan mọ ọno ạmaar oḍighi apu bụeri phọ ạbuphe rꞌọdi roḍighi ghan bọ ḅịle rꞌabupoghom mọ. Loor esi ọdi mamitiom ḍien, ọdaam mọ agbiighi ọdaami ọdi mọ aphogh oomo arere phọ ọdi.

Dạniel 6:3 Iomraidhean Croise

Ẹzra 4:22

Iḍighi ịphen phọ egina amem ọbo eḍighi ịlo ịkaraph kémite esi ạmi.”

Nehemaya 7:2

Mị ụlogh ni ịyal awe ọda ẹmha phọ aJeruselem: Hanani umor phọ ạmi rꞌaHananaya uwo ẹmhu ạbuo ẹgham mọ. AHananaya aḍighi oye dị rạdaph ghan Ẹnaan kụ ạkpe oḍuom ologhi apu bụnon.

Esta 10:3

AModekai ọlo aJu phọ kụ otum aZakzis ọdaam mọ rꞌaloor bịn esi ịikpo. Ọdi oye dị ụngo ni eghuan kụ ạḅile kẹn ạḅeeraan we aJu phọ. Ọdi aḍighi ghan ịlo kẹnighenaan we phọ ọdi rꞌịlo oseere ạdol ẹepho bụo ẹemara ẹemara phọ ọdi.

Asidogh 17:27

Oye lọ ạphoomi loor bịn kụ rạ́ḅa ghan oomo amem. Awe lọ ọrol oḅoorian bịn kụ rọmiin ghan ịlo retu.

Asidogh 22:29

Uḍeenaan ịmi oye dị aḍighi ogey oḍighi, kụ mị kaḍeenaan nyịna oye dị ạnighe apu ịbadi kụ ạkpe orelhian ạraalha.

Ọtughemia Phọ 2:13

Ii mị alegheri ni mọ olegheri ịyaar kụ ạnighe ni apu elologhi, ịdipho ạḍiḅaal ẹnighe bọ epu ufiri.

Dạniel 5:12

Ọdi ạmoogh ni ẹekia ẹmaar. Ọdi kụ oye ologhi ḅịle rꞌẹmaar ọgba ghan ạramalha, ọgba ghan ẹmhu asikar, ḅịle rꞌogananami ghan ạraraar ịbooghian. Kụ iḍighi kụ tom ạghiom oye phọ ọphon Dạniel, ọpo ọdaam mọ ạta bọ mọ ạBeltesazar, bịn ọdi kạḅeni ni nyịna ịdi oomo ịphen phọ eru.”

Dạniel 5:14

Mị mạnaghan ni mọ uwaloor ạruukpaany iigbia eḍigh loor ạna ḅịle mọ nạ oye ẹmaar kụ ạmoogh olegheri-ịyaar rꞌọnaghanan ạḍughum.

Dạniel 5:7

Ọdi ạlho mọ oye ạpham we ịiḍaany phọ arumom, buukia awe phọ, ḅịle rꞌạbuphe ọtuugha bọ ịlo ạraanaan phọ. Mem dị bịdi oruughi bọ, ọdaam mọ ạḅeni bịdi, “Oye lọ katue ạbal ịge phọ ịphen kụ ạgba ẹmhu phọ koonmenemi nyọdi ịgorogoro ibura oodor ạbudaam, ọlogh orum ọdi ikoli agol arughuenian, ḅịle ọdi kamuneniom ịraar esi ịikpo sịen ọmar phọ.”

Dạniel 9:23

Mem mọ nạ amiigh bọ ọlom Ẹnaan phọ, ọdi ạnaghanan ni nyịna. Ọdi ạphomoghian ni nyịna, kụ mị maru ọḅeni ạna ọphagharanaan phọ. Nyịidipho, mạar alher rụru ịphen mị kạkaaph ạagelion uḍien phọ.