Dạniel 5:2 - Ạḍinya Iigbia

² Bịdi odi ni rọpughol, ạBelsazar ạto ạḅeni mọ ọsighe oru sịmogo agol rꞌasilva rꞌạrukpa phọ ạNebukadnezar ạsighiogh bọ Otu Ịiḅereghi ẹpe Jeruselem. Ọdaam mọ arom mọ ọsighe oru pịdi ọdi, abugbogh awe phọ ọdi, ạnmariir rꞌạruga phọ ọdi ọsighe ọpugholom.

Dạniel 5:2 Iomraidhean Croise

2 Sạmuel 9:7

Kụ aDevid ạḅeni nyọdi mọ, “Kákiilaan. Mị kaḍighi nyịna iiḅi loor ẹmhu ọde phọ ạna Jọnatan. Mị kaḅulemi ạngo nyịna oomo ade phọ ọde-oko phọ ạna Sọl ạmoogh ghan bọ, ḅịle kẹn tue ghan sịen kꞌạmi oomo amem alhe eḍien.”

2 Ạbudaam 24:13

Kụ ạNebukadnezar ạghi aakoroghi oomo aruphua phọ ẹrol bọ sịphe Otu Ịiḅereghi phọ rꞌịsiphe otu ọdaam mọ ạsighiogh. Ịdipho Ọmoogh-we phọ ạghaaph bọ, ọdi ạkiriph oomo ạraraar phọ oḍighinom bọ gol ịpe Sọlomon Ọdaam mọ Ịzirel aḍighi bọ aseere sịphe Otu Ịiḅereghi phọ.

2 Ạbudaam 25:15

Uw-ẹmhu awe ẹgham mọ ạpham sịmogo phọ rꞌạsipani rꞌoomo ạraraar phọ oḍighinom bọ gol rꞌasilva ạḍuanam.

2 Krọnikuls 11:20

Ọdi ạḅile aphin Maaka, ọnyani Ạbsalom, kụ bịdi ọmoogh inya alephiri: Abaija, Atai, Zịza, rꞌaSelomit.

2 Krọnikuls 15:16

Ọdaam Ạsa agboton ạgada aMaaka onhiin oko ọdi dị aḍighi ghan onhiin ọkpanyan ọdaam, loor esi dị ọdi ạḅol igbudu Asera, eru-ạnir iḅeph eḍien. Ạsa asoph igbudu phọ alher kụ ạkiriph kụ ạsu ịpherepe phọ sịphe eḍiiny ạKidron.

2 Krọnikuls 36:10

Mem dị ẹteeny unu, ạNebukadnezar ọdaam mọ ạsighe Jehoyasin dị osiph agheelom Bạbilonia, kụ aakoroghi ruphua phọ ẹrol bọ sịphe Otu Ịiḅereghi phọ, ạsighiogh ạḍuanam. Kụ ạNebukadnezar ạma Zẹdekaya umor ọde aJehoyasin ạdaami Juda rꞌaJeruselem.

2 Krọnikuls 36:18

Ọdaam eelhe phọ ạBabilon awum ruphua Otu Ịiḅereghi phọ, eekoom otu ịiḅereghi, rꞌẹelha ọdaam mọ rꞌạbuo iiḍighi ọdi kụ ạsighiogh oomo phọ ịne agheelom Bạbilon.

Ẹzra 5:14

Ọdi aḅulemi rụkpa agol rꞌasilva Otu Ịiḅereghi phọ ịpe ạNebukadnezar ạsighe bọ sịphe Otu Ịiḅereghi phọ ẹpe Jeruselem kụ asereghi bọ sịphe otu iigbia phọ ẹpe Bạbilon. ẠSairos ạḅogh rụkpa phọ ịphen ạlogh ḍịghaagh oye dị oghol mọ aSesbazar ọpo ọdi ạma bọ ọda aJuda.

Jerimaya 27:7

Oomo areelhe kekumu nyọdi ẹḅile ekumu kẹn mọony ọdi rꞌọony ọony ọdi tụtu ẹteeny amem dị eelhe phọ ọdi kemeel. Kụ eelhe phọ ọdi kekumu ẹngo reelhe dị ẹmoogh ịikpo rꞌigbogh ạbudaam.

Jerimaya 50:35

Ọmoogh-we phọ ạḅem mọ, “Aḍuugh esoorom Bạbilonia! Aḍuugh ẹteeny we phọ ọdi, rꞌabuḍiemiom mọ ọdi, rꞌawe ọdi lọ ọmoogh ologhi.

Jerimaya 52:19

Ụsighenom kẹn ni oomo ạraraar phọ oḍighinom bọ gol rꞌasilva ọḍuanam: ịbam ạrukpa, sịgbagba ọḅamam ghan iiḅu dị reda, ạrukpa oghonom ghan ịḅaal, sịgbagba ọlogh ghan ọoru, ịmeremiom ọtozi, rụkpa ọphamam ghan ịnsens rꞌạrukpa ọmoorom ghan amiim.

Dạniel 1:2

Ọmoogh-we phọ ạngo ni ọgel kụ ọdi asiph Jehoyakim ọdaam mọ ạḅile azirion iniin ẹelha Otu Ịiḅereghi phọ. Ọdi asiphi buniin awe agheelom obughotu aruru phọ ọdi ẹpe Bạbilonia, kụ adoghoḍi ẹpe iisoph phọ ẹelha phọ ọdi azirion bọ.

Dạniel 5:11

Oniin oye odi ni sịen ọmar phọ ạna dị uwaloor ạruukpaany iigbia eḍigh loor ọdi. Mem mọ ọde phọ ạna ạda bọ, oye phọ ọphon phọ aḍeenaan ni ogey ologhi, olegheri-ịyaar ḅịle rꞌọnaghanan ạḍughum dị ạghigh ologhi ạruukpaany phọ. Kụ ạNebukadnezar ọdaam eelhe phọ, ọde phọ ạna, aḍighi nyọdi ogbogh sịphe aḍita ạbuo ịmiin phọ, bụo ịiḍaany phọ, rụḅaghama phọ ḅịle rꞌạbuphe ọtuugha bọ ịlo ạraanaan phọ.

Dạniel 5:13

Ụsighe ni Dạniel mem mem mọ oru risigh ọdaam mọ, kụ ọdaam mọ apuru nyọdi mọ, “Nạ kụ ạDaniel ooruen phọ, ọlo aJu phọ ọpo ọde ạmi ọdaam eelhe phọ ạsighe bọ ẹpe Juda kụ aru ḍụghum?

Dạniel 5:18

“Ọkaraghi Egbogh Ẹnaan phọ aḍighi ni ọde ạna Nẹbukadnezar ogbogh ọdaam kụ ạngo nyọdi rughuenian rꞌạgada igbogh.

Dạniel 5:23

Nạ mạpioman esi Ọmoogh-we kꞌạke phọ kụ ạḅile ạsighe sịmogo rꞌạrukpa phọ ọsighiogh bọ sịphe Otu Ịiḅereghi phọ ọdi. Nạ, rꞌabugbogh awe phọ ạna, ạnmariir phọ ạna rꞌạruga phọ ạna — oomo phọ anyina mọphugholom sịmogo phọ kụ ooseeny ịkaaneen ạrumugh dị oḍighinom gol, silva, enaba, okuron, oreeny rꞌaḍighiigh, rụmugh dị kẹ́miin mụghumo ọnaghan ịyaar ḅịle kẹn mạar ílegheri. Kụ ọlo nạ óghueni Ẹnaan phọ rẹto ghan bọ mọ oye ạrol mụghumo amugh ạḅile rapogh ghan bọ oomo ịlo nạ raḍighi.

Dạniel 5:3

Mem mem mọ ụsighe ni oru sịmogo agol phọ rꞌạrukpa phọ, kụ oomo ạbidi ọphugholom miim

Dạniel 5:30

Ḍiniin phọ aḍughul phọ bịn oghiigh Bẹlsazar ọdaam eelhe phọ ạBabilon;

Dạniel 5:4

kụ rooseeny ghan rụmugh dị oḍighinom gol, silva, enaba, okuron, oreeny ḅịle rꞌaḍighiigh.