Dạniel 4:4 - Ạḍinya Iigbia

⁴ “Mị ụrol li ạaweleghian loor ogiga ạmi rạkelom ghan ẹelha ạmi.

Dạniel 4:4 Iomraidhean Croise

Azaya 56:12

Ạbupughol miim mọ ạbuen phọ rọḅem ghan mọ, ‘Iḍighi pạ ọwa ẹnum amiim, kụ ọphughol mụlo yira kotue! Iḍueneen kẹnighe ghụn epu rodon!’”

Jerimaya 48:11

Ọmoogh-we phọ ạḅem mọ, “ẠMoab mạrol ghan ni ịma ạdol kụ kọ̋sighe ghan ọghimom iiruen arikpisi. ẠMoab ạghigh miim dị ụ́meleghi kụ ụ́sighe eeku ótene eeku. Ḍidugh phọ kọ̋phueri kụ edi ghan bịn kꞌagee-pọ.

Izikiel 28:17

Nạ uubaga oḍighi oye dị ạnighe, kụ ooleghaan aḍien phọ ạna aḍighi ịdi nạ aḍighi ghan ịlo uwelologhi. Loor ịduon phọ kụ mị aḍur nyịna aseere ude kụ ạwile nyịna ọphurom ạruru bụnon ạbudaam.

Izikiel 29:3

Ḅẹni mọ ịphen kụ ịdi Ọmoogh-we dị ạmoogh oomo ịikpo rạḅeni ọdaam mọ Ijipt: Mị kụ ạmulogh-ḍien ạna, nạ egbogh eghol, dị ẹmina ọphiiny. Nạ ụḅem mọ aNail phọ ọlo ạna kụ mọ nạ kụ ụlhem.

Dạniel 2:11

Ịphen ọdaam mọ rapuru bọ ẹkpar ri dị oye ólho dị katue aḍighi emuton rụmugh phọ, kụ ạri bịdi ítughan rꞌawe.”

Dạniel 4:19

Sịen kụ ẹdi ạDaniel ọpo ọta bọ mọ ạBeltesazar akperenom kụ rꞌịyaar órue ọḅem ịyaar. Ọdaam mọ ạḅeni nyọdi, “Bẹltesazar, kámeera ạmalha phọ rꞌịpe ẹghaaph bọ ẹeḅaghami nyịna.” ẠBeltesazar ạphagharanaan, “Ogbogh ọdaam, mị ạḅem mọ ạmalha phọ rꞌẹmhu phọ ẹmoogh mạar oḍighinom bụmulogh-ḍien ạna, kíḍighi nyịna.

Dạniel 5:8

Abutomoghiom ọdaam mọ uruughi ni, kụ ọlo rꞌoniin órue ạal ịge phọ, mụghumo ọḅeni ọdaam mọ ẹmhu phọ.

Zẹfanaya 1:12

“Mem mọ ọpo mị kạsighe ni ọtozi kụ ạwaam Jeruselem. Mị kạliom weye dị ịlo aloor ạbidi ẹgbaanyan kụ oḅio ạkpar, dị ọḅenian siloor mọ, ‘Ọmoogh-we phọ ráḍighi ghan rꞌịyaar rꞌẹnum.’