Dạniel 4:3 - Ạḍinya Iigbia

³ “Ịpe eeghia iboom imananaan dị Ẹnaan riḍeenaan ghan iyira! Ịpe eeghia ịikpo dị edi esi ịiḍaany phọ ọdi! Ẹnaan kụ ọdaam kꞌagee-pọ; ọdi kụ kạda oomo amem.

Dạniel 4:3 Iomraidhean Croise

Ạsuor 104:24

Ọmoogh-we, nạ mạlhem ịbadibadi ạraraar. Rꞌolegheri ịyaar kụ ẹdi nạ ạlemom oomo phọ ịne. Ọlem mọ ạna bịn kụ amuza de phọ.

Ạsuor 105:27

Bịdi oḍighi iboom iiḍighi Ẹnaan, kụ oḍighi ịiḍaany ẹpe Ijipt.

Ạsuor 145:13

Ịtooghi ạna edi ghan bịn, ḅịle nạ ọdaam kꞌagee-pọ. Ọmoogh-we phọ rábi ghan ịpe ọdi aguanaan bọ ḅịle ọnma ighirigiir odimom ni oomo ịpe ọdi aḍighi bọ.

Ạsuor 66:7

Ọdi ạda kꞌagee-pọ rꞌigbogh ọdi kụ anaan riḍien ọdi reelhe phọ. Ọḅaar ẹmhu kụ́tol ophoghom ọdi.

Ạsuor 72:18

Iboom Ọmoogh-we Ẹnaan phọ Ịzirel. Ọdi bịn kụ raḍighi yogh ghan rạraar ịiḍaany phọ ịphen.

Ạsuor 77:19

Nạ arelhe ạnyu ooloogh phọ; nạ ạḅeeny ọphiiny phọ ạkel bọ, kụ rạda aruwol ạna ụ́miin.

Ạsuor 86:10

Nạ ọkar ogbogh kụ raḍighi yogh ghan rạraar ịiḍaany; nạ bịn kụ Ẹnaan.

Ạsuor 92:5

Pọ eeghe ạḍibugh dị iiḍighi phọ ạna ẹbugh, Ọmoogh-we; ịitughian phọ ạna ẹkel li iboom.

Azaya 25:1

Ọmoogh-we, nạ kụ Ẹnaan ạmi; Mị kaghueni nyịna kụ aboom ḍien phọ ạna. Nạ ạkaraghi aḍighi rạraar iikia; nạ ạkaraghi aḍighi ạman ịpe nạ agbiighi bọ kꞌamem dị meten ebia.

Azaya 28:29

Ọmoogh-we Oomo Ịikpo phọ kụ ạngo bọ oomo olegheri-ịyaar phọ ọphon. Igbiighi phọ Ẹnaan ịlo olegheri-ịyaar, ḅịle reḍighi ghan ni igey.

Azaya 9:7

Ịikpo ẹdaam mọ ọdi eekuna ílho; ọmar phọ ọdi kạmoogh ẹepho oomo amem. Ọdi kạda ịdipho ọdi ạsighe esi aDevid ọdaam mọ, ịikpo ọdi kẹdaph ghan elhiom rꞌooḅi ọoruen, emiigh kꞌạnyiidipho tụtu kꞌeekuna amem. Ọmoogh-we oomo ịikpo phọ ạnya ni oḍighi oomo ịphen phọ.

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Dạniel 2:2

Kụ ọdi arom ọmagh bụo ịmiin, bụo ịiḍaany, we ạghama, rꞌabuukia awe ọdi mọ oru ọgba ẹmhu ạmalha phọ ọdi. Mem dị bịdi oruughi bọ ọmeera ghisigh ọdaam mọ,

Dạniel 2:44

Mem mọ ạbudaam mọ ạbuphe kọtol bọ, Ẹnaan kꞌạke kemitiom ọmar dị eekuna kẹ́tol. Kótue oogulemi kụ kakar kụ apiemi rạmar phọ ịpe kụ agbi ọrol kꞌagee-pọ.

Dạniel 4:17

Ịphen kụ ịdi ạruukpaany kꞌẸnaan phọ ookolobian bọ kụ ogon ghan bọ ọḅem. Loor ịphen phọ, oomo awe tọrobo ekpisi ọmaar olegheri mọ Ọkaraghi Egbogh Ẹnaan phọ kụ ịmoogh ịikpo ẹda reelhe awe kụ ketue ni ẹngo tọrobo oye lọ ọdi ạsaḅar — ghạlamo ọkaraghi oghiil oye.’

Dạniel 7:14

Ụngo nyọdi ạgada ịikpo, eghuan rꞌịikpo ạraalha pịdi awe ạtorobo eelhe rꞌeḍighinom ịyaar rꞌọnhu kịrokiro okumu ghan nyọdi. Ịikpo ọdi kẹtol kꞌagee-pọ, ḅịle ọmar ọdi kákunughian.

Dạniel 7:27

Kọḅogh ni ịikpo phọ rꞌigbogh oomo ạramar ịsien ade phọ ọngo we Ọkaraghi Egbogh Ẹnaan phọ. Ịikpo ạgada igbogh ạbidi kákunian kụ bụlo ọdaaghi sịen ade phọ kokumu ghan bịdi, ọḅile ọnaghanan bịdi.”

Bụo aRom 11:33

Ẹeḍiom ẹelha phọ Ẹnaan ẹbugh ni iboom. Olegheri-ịyaar rꞌịitughian phọ Ẹnaan eekuna ílho ghan. Ạnhian kụ katue alegheri rigbiom mọ ọdi?

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

1 Timoti 1:17

Eghuan phọ rꞌigbogh phọ ẹrolonaan Ọdaam-ẹmha ọrugh kꞌọrugh phọ rámugh ghan bọ, ḅịle rọ́miin ghan bọ ekpeḍien phọ, Egina Ẹnaan phọ, kꞌagee-pọ kꞌagee-pọ! Ẹrol li ịdipho!

Bụo aHibru 1:8

Kụ ọlo, Ẹnaan ịghaaph ịlo Ọony phọ ọdi mọ, “Ẹnaan, ạgada ọdaam ẹmha phọ ạna kạtol li kꞌagee-pọ kꞌagee-pọ. Ịkpara phọ nạ kạdaam bọ ịlo aruukuan ni.

Bụo aHibru 2:4

Igina igina phọ kẹn ni, esi ọḅaram ịpe ạbidi, Ẹnaan iḍighi yogh ghan ni iiḍighi aruugu rꞌareḍeenaan rꞌịiḍaany kịrokiro, kụ ẹsighe ghan ruunmo Uwaloor Iigbia phọ edi ẹngo we, ịdipho ẹḅeeraan bọ nyọdi.

1 Pita 4:11

Oye lọ ẹngo ọghaaph, alegheri mọ Ẹnaan kụ ịlogh ni nyịno ọghaaph ghan ikpo ọnhu phọ ọdi! Oye lọ ẹngo ọloghonaan ạḍighaagh bụnon, alegheri mọ ọno ạsighe ni ịnyaam mọ Ẹnaan kụ raḍighinom, pịdi esi oomo ạraraar oghol ghan Jịzos Kraist oboomi Ẹnaan! Igbogh phọ rꞌịikpo phọ ịlo ọdi ni kꞌagee-pọ kꞌagee-pọ! Ẹrol li ịdipho!

Ogonanami Phọ 11:15

Ọokpaany phọ Ẹnaan amuneniom bọ oḍual phọ aphula ọkuodu phọ ọdi, kụ otebe ịlooghi ameel kꞌạke mọ, “Ịikpo ọdaam aḅirini phọ nyịidipho meḍigh ḍịghaagh Ọmoogh-we phọ ayira rꞌaKraist phọ ọdi, kụ ọdi kạda ni kꞌagee-pọ kꞌagee-pọ.”