Dạniel 3:4 - Ạḍinya Iigbia

⁴ ogbeelom ogele ạlho ni rꞌeboom ẹḍogh, “We oomo areelhe, we ịdo kịrokiro eḍighinom ạraraar rꞌịnhu,

Dạniel 3:4 Iomraidhean Croise

Esta 8:9

Ịphen imite ịyaldi rꞌịraar aḍughul-otu ụnwanyu dị amuneniom ịraar, ụnwanyu aSivan. AModekai ạamaghagh bụgeeghia ọdaam mọ kụ ọge rịnya ọghiom bụo aJu phọ rꞌạbudaam areelhe phọ rꞌạbuo ịtooghi rꞌạbuo iiḍighi ịsiphe oomo okuron rꞌịyaldi rꞌoḍual ạriikpigh emiigh India kụ esi Sụdan. Rịnya phọ ụge ọghiom bụo aJu phọ rꞌạtorobo ẹkpigh eelhe esi ọnhu ạbidi ḅịle rꞌịdi bịdi rọge ghan.

Azaya 40:9

Jeruselem, nạ kịa ạsiiny ạnyu eephopha eegum kụ agbeelom ooḅi ọghaaph phọ! Zạyon, lọ rꞌeboom ẹḍogh ạghiom ạnyu kụ ạghaaph alheenye ooḅi ọghaaph phọ! Kạaph amitiom kụ kákiilaan. Ḅẹni rạmha phọ aJuda mọ Ẹnaan ạbidi retu ni!

Azaya 58:1

Ọmoogh-we phọ rạḅem ghan mọ, “Lọoghi ịlo nạ katue! Ḅẹni we phọ ạmi Ịzirel ịlo ịkaraph phọ ạbidi.

Dạniel 3:10

Ọdaam mọ mạto ạḅem mọ mem lọ ephegh phọ remiigh bịn, tọrobo oye kazumeri ghan ẹmhu ude kụ aaseeny igbudu agol phọ,

Dạniel 3:3

Mem dị oomo ạbuo iiḍighi phọ ạbuen phọ mookpomoghan ọosa ooseeny igbudu phọ kụ ọmeregha risigh igbudu phọ,

Dạniel 3:7

Loor esi ịduon phọ, bịdi rọnaghan bọ ẹḍogh ạraraar ephegh phọ, awe oomo areelhe rꞌịdo kịrokiro eḍighinom ạraraar rꞌịnhu ozumeri rụmhu ude kụ ooseeny igbudu agol phọ ạNebukadnezar ọdaam-ẹmha phọ mạka bọ ạmeremi.

Dạniel 4:1

ẠNebukadnezar ọdaam eelhe phọ arom dom mọ ạḍien ạghiomonaan we oomo areelhe, we ạkirokiro eḍighinom ạraraar rꞌịnhu sịen aḅirini phọ: “Mịmagh!

Dạniel 4:14

Ọdi agbeelom eboom ẹḍogh, ‘Isoph oreeny phọ elher, eegbo ịla phọ, ẹmaaphogh rịnya phọ, ẹḅile ẹwalalami iimuma phọ. Iporogh ịnam mọ sịphe eeḍian phọ ḅịle rꞌịnun phọ ẹpe ịla phọ.

Dạniel 6:25

Kụ ạDarios ọdaam mọ ạge ḍịnya ạghiom we ạtorobo eelhe, ạtorobo eḍighinom ịyaar ḅịle rꞌọnhu kịrokiro sịen ade phọ “Mịmagh.

Hosia 5:11

Awe Ịzirel rọmiinom ịkpiloghom, ade dị ẹkar eḍighi ḍịo ạbidi mekpetenaan bịdi, loor esi dị bịdi ụghi ghan ni ọwa ọloghonaan ạḍighaagh rạghaagh ạbuphe ụ́moogh bọ ịyaar ọngo.

Maika 6:16

Ịphen kemite ni loor esi dị nyina mẹdaph ẹkaraph eḍighinom Ọmri ọdaam mọ rꞌEhab ọony phọ ọdi. Nyina edimom iilogh ạdol ạbidi. Esi ịduon phọ, mị kiphiemi ni inyina, kụ tọrobo oye kighel inyina. Awe tọrobo ekpisi kiphogh inyina ọḅitonaan.”

Ogonanami Phọ 5:9

Bịdi ụmoor ri ḍimoom ạḍuor mọ, “Nạ kụ ụman ọsighe aḍikpooghineen ạḍinya phọ ọokpaghion ariisi phọ ọḅirighiom bọ oba phọ, ịdi eḍighi bọ ughiigh ni nyịna, kụ ọsighe ịḅaal phọ ạna ọtagharanam we oomo arughunughun rꞌạrunhu rꞌạramha rꞌareelhe oḍighi bụo kꞌẸnaan.